|
.jpg)
Nos ta sigui crece, danki na e confiansa y sosten cu nos ta ricibi diariamente di nos clientanan”, asina Remko van der Veldt, gerente general di Digicel Aruba a duna di conoce na momento di anuncia un otro inversion miyonario den expansion di e red di mas grandi, mas miho y esun mas lihe di Aruba.
Aña pasa caba e compania di comunicacion mobil cu mas ta creciendo na Aruba, den Caribe, Centro America y hasta den Ocean Pacifico a haci un inversion multi miyonario den su red local, pa por a acomoda e tecnologia 4G pa nos isla. Claro cu clientenan a nota un sin fin di beneficionan, specialmente den e velocidad di procesamento di data riba nan celular. Tambe e red nobo ta duna e cliente un cantidad di posibilidad cu ta bay mucho mas leu cu djis haci un yamada so. Awendia e clientenan ta mas pega na nan celular cu na nan computer mes. Pero cu tur e desaroyonan nobo aki den mente y mirando con lihe tecnologia moderno ta avansando, Digicel a dicidi di bolbe haci un otro expansion di su red di 4G pa no solamente logra mas velocidad pero tambe pa por acomoda e cantidad di clientenan nobo cu diariamente ta uniendo nan mes na e famia “extraordinario” di Digicel. “Ta trata aki di un inversion cuantioso, sigur riba 1 miyon dollar cu nos ta hincando den nos economia pa asina por sigura mas crecemento”, segun Remko van der Veldt a splica. Cu 11 aña di existencia, Digicel Group Limited tin mas di 12.8 miyon cliente den 30 mercado den Caribe, Centro America y e region Pacifico. E compania ta reconoci como esun cu ta provee mas balor pa bo placa, miho servicio y e miho red. Digicel ta e sponsor principal di teamnan deportivo, incluyendo ekiponan di Special Olympics den e regionnan di Caribe, Centro America y Pacifico. Digicel ta sponsor e team di cricket di West Indies y tambe ta e sponsor principal di Digicel Caribbean Cup. Den e region Pacifico, Digicel ta e sponsor orguyoso di varios team nacional di rugby y tambe ta sponsor e ekipo di cricket di Vanuatu. Digicel tambe ta organisa un cantidad di iniciativanan pa comunidad den su mercadonan y a establece Digicel Foundation, cual ta enfoca ariba programanan pa enseñansa, cultura y desaroyo social, na Jamaica, Haiti y Papua New Guinea. Digicel ta estableci na Bermuda y su mercadonan ta inclui Anguilla, Antigua & Barbuda, Aruba, Barbados, Bermuda, Boneiro, British Virgin Islands, Cayman Islands, Corsou, Dominica, El Salvador, Fiji, French Guiana, Grenada, Guadeloupe, Guyana, Haiti, Jamaica, Martinique, Nauru, Panama, Papua New Guinea, Samoa, St Kitts & Nevis, St. Lucia, St. Vincent & the Grenadines, Surnam, Tonga, Trinidad & Tobago, Turks & Caicos y Vanuatu. Digicel tin cobertura tambe na Saint Martin y St. Barts den Caribe. Pa mas informacion, bishita www.digicelgroup.com.
 |
.jpg)
Mustra/Kita e formulario di comentario
