|
Sin ningun duda un biaha mas Loco Lobo Productions tan a caminda pa presenta un magno evento cu porcierto isla di Aruba tabata anticipando y wardando ariba dje. Loco Lobo Productions cu den pasado a sa di trece varios artista grandi manera, Don Omar, Aventura, Jorge Celedon y hopi mas, ta preparando pa trece un di e artistanan cu mas ta resalta y ta sbiendo e trapinan den e mundo di musica hopi liher.
Nos ta papiando aki di e artista Prince Royce cu tin exitonan manera, “Stand by Me, La Ultima Carta,El Amor que perdimos, Corazon Sin Cara, y hopi mas. Durante un conferencia di prensa Diahuebs ultimo, organisadonan y patrocinadonan a anuncia e noticia oficial confirmando cu Prince Royce lo ta na Aruba Diasabra 21 di Juli, 2012. Conhuntamente cu Prince Royce, lo tin presentacion di Esquema, D’licious, y Tsunami. E evento aki lo tuma luga den e stadion renoba cu antes tabata Don Elias Mansur Ballpark, awo bao nomber di Elias Mansur Sportpark. Un cambio total ta locual cu ta tumando luga den Elias Mansur Ballpark pa e Magno evento aki. Carchinan lo ta obtenibel na: Toys "4" Us, Cd's & More, Central Madereinse, Wong Sheung Wong, Espiga de Oro. Alabes lo tin diferente seccion di ViP den e Magno evento aki. VIP(mesa) lo ta Afl.1750,-y esaki ta bin cu 10 stoel y ta inclui un boter di whisky of biña. Tambe ta bay tin Standing VIP cu lo costa Afl. 100,- pa persona, y Entrada General ta costa Afl.50,-. Mester menciona cu tur e prijsnan aki ta pa un tempo limita y cu e prijsnan lo bay cambia. Ta encurasha Aruba completo pa cumpra nan Carchi di entrada hopi trempan mirando e interes cu tin pa evento aki. Pa mas informacion of pa reserve pa VIP, por jama 5945435. Tene bon na cuenta cu portanan di Elias Mansur Sportpark lo habri pa 8pm. Loco Lobo Productions kier a gradici Aruba Trading cu un biaha mas ta pone nan confiansa cu nan productonan prestigioso di Cerbes Presidente y e Whisky cu Aruba completo ta gusta cu ta Label 5. Tambe kier a gradici Holiday Inn Resort cu ta e Hotel official y lo ta hospedando Prince Royce y su banda completo. Sin lubida RC Cola y All Drive Car Rental.
 |
Mustra/Kita e formulario di comentario
