|
Caribbean Sea Jazz Festival Aruba ta dianan 5 y 6 di Oktober 2012 |
 |
 |
|
Wednesday, 12 September 2012 01:47 |
|
Durante un conferencia di prensa den Fusion Piano and Wine Bar na Alhambra a temporada oficial di e Caribbean Sea Jazz Festival a wordo lansa. Faltando algun siman promer cu e festival por a confirma cu tur artista ta 100% confirma pa asina duna nan presentacion riba e tres escenarionan tanto paden como pafor di Cas di Cultura Plaza ariba dianan 5 y 6 di Oktober 2012.
Ta trata aki di Chaka Khan, Oscar de Leon, Randy Brecker, Sven Hammond Soul, Fourplay, Kuenta y Tambu, Pete Philly, Frankie Yanga Trio, Diverse Sauzen, Reno Steba & Mike del Ferro, Upgrade Music, Rooster Farm Ft. Roger Peterson, Live X-pressions y hopi mas. Tur cos lo cuminsa den e siman di e festival unda cu tur dia lo tin un “Warm Up” concert completamente gratis. Esaki sigur lo prepara Aruba pa e ambiente di e anochinan grandi di e festival. Durante e conferencia organisadornan a duna di conoce cu e anja aki e parti logistica a wordo adapta pa asina por tin mas espacio pa publico dilanti di e main stage. Naturalmente e parti di e food court conoci no lo hasi falta unda cu e mihor restaurantnan di Aruba lo ta presente cu nan stand di cuminda. Insel Air y ATA tambe tabata presente durante e conferencia y a duna di conoce cu nan ta masha contento y orguyoso di ta parti di e festival aki cu cada anja ta conociendo un crecemento. Sra. Vicky Arens a elabora riba e hecho cu e anja aki un biaha mas lo tin na disponibilidad di hobenan un total di 1000 caarchi completamente gratis. Esaki ta wordo hasi posibel door di e.o Fonds Podiumkunsten y Prins Bernhard Cultuur Fonds. Hobenan na diferente scol por precensia e concierto den forma gratis pa asina motiva nan pa ta mas serca di musica en general. Mester menciona cu ja caba e carchinan pa e festival a sali na benta na Cliffix, Moomba, Fun Miles, Superfood, CD’s & More, De Palm Tours, Pelican Tours, Plaza Book Store y Purple Entertainment group. Despues di e conferencia di prensa a continua cu un anochi masha agradabel cu musica bibo di e banda Jemm.
 |
Mustra/Kita e formulario di comentario
