Sunday, 23 November 2014
"ARUBANITA" - Edicion special na MAGIC 96.5 FM! Print E-mail
Wednesday, 27 February 2013 11:43
Comparti
DSC_2063
Como aprecio na Aruba su luna nacional, Erin Croes di Magic 96.5 FM, ta trece e fragmento popular ARUBANITA bek den aire!

Despues cu nos a lansa e fragmento special aki Arubanita durante e tradicional programa “Na Drempel di fin di anja” 2011 y 2012  a sinti cu nos mester sigi cu esaki a peticion di hopi oyente: E acogida pa e fragmento aki a bira asina grandi cu nos a constata un deseo ferviente  pa mas  informacion di nos  isla y pa nos hendenan.  

No solamente como realse y apoyo na nos cultura, pero pa motiva y inspira otronan pa stima loke ta di nos. E nomber ‘Arubanita’ ta un cancion existente y nos a dicidi di “fia” e nomber aki  na honor di e compositor cu ta Sr. Padu del Caribe y ta un nomber bunita mescos cu nos isla. Addonsito Croes, Docente di scol na Filomena College MAVO, ta encarga pa prepara y presenta esaki hunto cu su ruman, Erin. Ministerio di Cultura di Sra. Michelle Hooiboer Winklaar y Aruba Ports Authority N.V.  e.o. ta apoya e seccion special aki.

Como Maart ta nos luna Nacional, lo nos hasi un edishon special di esaki.

Un programacion lo ser presenta den forma di un “Quiz show” dedica exclusivamente na nos isla, cultura, lugarnan di interes, nos musica , nos idioma y nos hendenan.
“Arubanita” ta un programa prepara riba un nivel professional cu pregunta y premio, dicho, proverbionan y nos musica. 

E programa aki lo ser transmiti envivo for di nos studionan na South Beach Centre, tur Diahuebs di 6:00PM– 8:00PM.

 

Comparti
Comentarionan (1)Add Comment
Arubaniano te den alma
February 28, 2013
201.229.12.82
Votes: +0
...

Un programa asina ta stimula conocemento di nos isla y ta algo di aplaudi. Sinembargo mi kier a remarca un correcion: 'Arubanita' ta un wals componi pa Rufo I. Wever na aña 1935. J.C.(Padu) Lampe no a compone ningun wals cu un titulo similar na mi conocemento! Voor de rest, sigui cu e bon trabou.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter