Minister de Meza a cita algun alinea di e rapport di Standard & Poor’s di 2012 durante un conferencia di prensa di gobierno pa duna splicacion di e ultimo evaluacion di e agencia di evaluacion aki. E alineanan cu de Meza a cita ta pa ilustra cu na 2012 y prome cu esey na aña 2010 y telefonicamente na 2009 e companianan cu ta haci e rating di Aruba a alerta e gobierno cu a caba di sinta cu mester traha duro pa logra haya un reapertura di e refineria.

‘Switch’ ta un fundacion y un proyecto dinamico cu via medionan di comunicacion ta conscientisa/educa tocante nos situacionnan social incorporando arte y cultura. Switch Foundation a habri su di 3 temporada cu hopi entusiasmo, logronan nobo y mas energia pa sigui traha pa nos hendenan di Aruba y sigui reenforza e importancia di ‘samenwerking’ entre instancianan cu ta traha pa cu e desaroyo di nos famia, como e unico y e arma mas poderoso pa logra un obhetivo mas lihe y efectivo.

Aruba Triathlon Association ta organisa diadomingo 30 di juni 2013 pa di 27 biaha su Aruba Interantional Triathlon. Lo participa atletanan local y atletanan di Venezuela, Merca y Curaçao. Ya tin 108 atleta individual inscribi. E evento ta cuminsa 6:30 di mainta na Eagle Beach y nos ta calcula cu e ultimo participante lo termina pa 10:00 di mainta.

Presencia di polis a wordo pidi diadomingo mainta algo pasa di 8’or na un nightclub Club 21 den Caya Betico Croes, pa un pelea y menasa. Na e luga, e homber fam R, kende ta doño di e nightclub y ta bisa cu tres homber Dominicano a bringa cune.

De Barracudas Synchro Club Aruba ta laga sa cu proximo Diasabra 22 di Juni lo ta bai tin e ultimo test pa e atletanan principiante. Nan lo bai pasa nan diploma "STAR 3". Despues di un anja na unda e atletanan joven aki a sinja e base di e deporte bonita, y na unda tur atleta ya a pasa e examne pa e diploma STAR 1 y Star 2, atrobe lo wordo evalua ariba diferente aspecto cu tin deber cu Synchro.

Nos tur por corda con aña pasa oktober horcan Sandy a laga hopi famianan sin cas den e area Norte Este di Estados Unidos. Bao di e personanan afecta tawatin e pareha Chris and Samantha Reinhold di New Jersey, cu tawata planeando nan casamento y honeymoon na Aruba na November e aña aki. Desafortunadamente nan mester a cancela tur areglo y plannan, esaki debi cu nan a perde nan cas y pertencianan durante horcan Sandy.

Diadomingo anochi famia na Soledad tabata pasa un anochi hunto, adultonan tabata bebe y den wega algun palabra menos bunita a cay te cu na dado momento dos ruman a cuminsa un discucion cu rapidamente a escala den agrecion. A bati alarma na Polis cu mesora a mobilisa pa e cas bin topa cu un conmocion den cura.

Recientemente a tuma luga apertura di un galeria di arte nobo na Aruba. Erik Drogenbroek y su señora a comparti nan coleccion priva di arte regional, incluyendo Aruba, Corsou y Latino America, den un museo y un galeria. Galeria L’America ta combina un exposicion permanente di piesanan cu no ta na benta, cu piesanan di siglo 17 te cu nos era; un galeria y un tienda cu ta haci “framing” di potret, pintura y otro piesanan.

Minister Ivo Opstelten di Hulanda, encarga cu Siguridad y Husticia ta haci un bishita di 18 te cu 21 di juni na Aruba, Saba y Sint Eustatius. Na Aruba Opstelten ta reuni cu Ministernan di Husticia di Aruba, Corsou y Sint Maarten. Prome cu esey e ta haci un bishita di trabou na Saba y Sint Eustatius. Den e asina yama ‘Justitieel Vierpartijen Overleg’ cu ta tuma luga na Aruba ta papia diabierna awor riba asuntonan di Husticia dentro di Reino.

"Mi ta basta contento, pasobra mi a mira hopi movecion den caya,” ta loke Audrey Croes, Presidente di MAMBO, a declara diasabra anochi, practicamente na final di un dia di compras hopi druk den caya principal. Tabata casi 7’or di anochi ora cu sra. Croes a duna e declaracion aki y ainda tabatin basta hende den caya principal.

E Ganadornan di premio pa dia di Tata cu e campaña di NAPA ta conoci. E campaña aki ta wordo teni tur aña y tin premionan entre e clientenan. Dialuna a saca e ganadornan. NaNapa Autoparts Shaba e ganador tabata Ruben Wever cu su adres pos Chiquito 59.

Dos caso peculiar den e ultimo tempo na unda cu prueba den man, tog un Gobierno, un Ministro ta perde su caso. Aki na unda e pregunta ta bin padilanti si e jueznan tambe ta hende y ta comete errornan palpable? Poco dia pasa nan a pasa un programma na BVN canal 11, encuanto di e jueznan na Hulanda, anto aki nan a saca afor segun un encuesta organisa cu e mihor jueznan di Hulanda ta bin di cierto "wijken" di Hulanda, tambe ta depende di e status di e persona cu ta bira juez, esta su famia, su ambiente, etc. Hasta nan a menciona cu un persona cu bon educacion familiar, tanto e formacion, e bida di e persona, cu e ta mihor prepara pa ta un perfecto juez.

Despues di a pasa bon den bus a start pelea 
SAN NICOLAS—Asistencia di polis a wordo pidi diadomingo 02.27, banda di  Postkantoor pa un pelea entre dos persona.  Eynan polisnan ta haya informacion cu e grupo di mucha cu a caba di yega for di un busstrip. Un di e muchanan a sconde bisicleta di un otro mucha  y nan dos kier bringa cu otro.  Polis a papia e dos muchanan y el a haya su bisicleta bek.  

Dialuna atardi polis a bai na Bloemond pa un asistencia. Un habitante a yama polis pasobra el a mira un hoben pasa tira algun lora den un paña di kaki den e mondi banda di su cas. Mirando cu e ta un hende grandi of malo e no por bai chek kiko e artefacto ta.

Diadomingo for di 10 or di mainta te cu 11 di anochi riba e santo blanco di Eagle Beach a tene un mix entre un competencia di Beach Tennis y tambe un live mixing di musica House cu diferente DJ's. E competencia di Beach Tennis a sold out completo, tabatin mas cu 22 cancha tur yen di hende. Un total di DJ's renombra, cada un special den nan genero por ehempel, electronico, mumbaton, dupstep, techno y tambe dance, commercial, deep tur a deleita e publico.

Den e declaracion di derechonan di mucha di Nacionnan Uni tin skirbi cu muchanan tin derecho pa expresa nan opinion tocante asuntonan cu ta afecta nan y nan tin derecho pa e personanan cu ta tuma decision tocante e asuntonan aki scucha nan. Enseñansa ta un di “asuntonan” aki y sigur na Aruba, unda cu practicamente 100% di nos muchanan entre e edadnan di cuater y 16 aña ta bay scol, tabata esencial pa tene un combersacion habri, amplio y honesto riba e topico aki.