Bo tin un ser keri, amistad of conoci cu ta perdi riba lama? Duna su informacion pa un monumento pa recorda tur piscado cu a perde riba lama pero cu speransa ta keda. Santa Rosa ta buscando informacion pa asina compila un lista di tur e piscadornan cu ta perdi riba lama.
Aruba su nomber ta zona den grandi den mundo di deporte y e biaha aki atrobe nos por tende di e Joven Renald Thiel cu a sa di retene su titulo den e torneo di Pabcon National y International.
Despues cu Larisa a ricibi un donacion di panja i articulonan di diferente companianan local pa su flea-market fundraising “Aruba Against Domestic Violence”, e a dicidi di haci bon uzo di esaki. Larisa a hasi un donacion di 15 caha di pañanan i articulonan cu a resta na Fundacion pa nos Comunidad i Fundacion Casa Cuna Progreso.
E interes bou di empresanan Hulandes pa e conferencia “Europe meets the America’s” ta inmensamente grandi. Hopi companianan ta tuma e oportunidad aki cu dos man pa forma parti di e proceso pa yega na un Aruba como gateway di Europa pa America Latina. Den e preparacionnan pa e conferencia Cas di Aruba a hunga un rol importante na e empresanan cu ta interesa pa atende e conferencia aki. Esaki a sosode conhuntamente cu “Agentschap NL” y “Het Nederlandse Centrum voor Handelsbevordering” cu ta e instancianan cu ta coordina e mision economico di Hulanda pa Aruba.
Diabierna e atencion politico ta dirigi riba e ambiente cu lo tin na e skina di Adriaan Lacle y L.G. Smith Boulevard. Esaki ta e apertura di e campanja di AVP. Nan a escoge Green Square como e nomber pa nan lugar caminda for di awor te cu September di eleccion lo tin hopi actividad dirigi pa nos hobennan. Lo tin hopi informacion dirigi riba energia sostenible.
Minister Mike de Meza tabata tey na Diamant Berg Weg. El a hiba palabra durante su presencia y apertura di e proyecto di FCCA pa San Nicolas. Minister de Meza a splica cu esaki ta un momento hopi grandi pa San Nicolas. E mes conoce e barrio aki desde hopi tempo pasobra e tabata hunga den e barrio aki.
Diabierna atardi a sosode un accidente riba e crusada di Driemasterstraat y Sta. Helenastraat ora cu chauffeur di Kia Sportage a bay dal den Lexus Rx 30 riba su caminda di preferencia. Den e Lexus abordo tabatin un pasahero dama na estado sinta dilanti cu a sinti su curpa malo y tabata keha diferente dolor. Esnan abordo e Kia sportage a sali ileso. Ambos auto a keda cu basta daño material. Ambulance a transporta e pasahero na estado abordo e Lexus pa Hospital.
Special Olympics Aruba tur aña ta tene un actividad pa asina crea consciencia den nos comunidad pa cu nos atletanan special. E aña aki esaki no lo bira un excepcion. Pa loke ta e ultimo añanan, Special Olympics Aruba a tene diferente demostracion di loke nan atletanan special por haci riba tereno deportivo. E actividad aki ta uno obligatorio y ta tuma lugar rond mundo y pa Specials Olympics ta hopi importante pa asina nan haya acreditacion.
Banco Central di Aruba ta premira cu economia di Aruba ta bay crece e aña aki cu 5.1%. Empresarionan ta wak futuro cu confianza, manera a sali na cla for di un encuesta haci dor di Banco Central. E encuesta aki a demostra cu sector comercial ta wak di manera positivo e desaroyonan economico y ta optimista pa cu futuro. Den e tres añanan despues di cambio di gobierno e confianza a subi enormemente.
For di publicacionnan den Prensa nos por a tuma nota cu minister Visser lo a entrega na gobierno un business plan pa Instituto Medico San Nicolas, IMSAN. Como cu, manera ta e custumber cu e gobierno aki, Parlamento un biaha mas a keda sin ricibi copia di e business plan aki, d
Diaranzon atardi e weganan di Liga Hubenil di futbol di AVB presenta pa Gatorade e bebida di nos hobennan futbolista a continua cu e playoff final di Caya 6, unda nos a haya e mihor seis equiponan den Division di Mayor batayando. Na tereno di Dakota, e amariyonan a ricibi e naranhadanan di Sta Cruz cu ta Estrella, aki e equipo di cas ta logra un victoria convincente di 3 - 0.
Awenochi pa 9 or atravez di ATV Canal 15 lo tin un otro programa di Minister Otmar Oduber. Tur siman un otro periodista ta invita pa hasi e preguntanan na e Minister. Awe lo toca turno na Mark-Benson Denz di 24ora.com . E programa ta live y televidentenan lo por jama pa hasi pregunta.
Entre nan e criteria di e Ley di Reino pa supervicion financiero lo ta aplicabel pa Aruba Relaciona cu e Protocol di Diahuebs Santo cu a keda firma entre Aruba cu Hulanda, e parlamentario Hulandes Bosman di VVD a haci preguntanan oficial na Minister Plasterk di Relacionan di Reino.
La Salle College kier a invita mayornan y alumnonan di CA1 (Klas 3) pa un anochi informativo. Esaki lo tuma luga diamars 23 di april na La Salle College. E orario ta di 17:45-20:00 or.
Diabierna ultimo nos a yega klas 5 di Faith Revival School, unda cu bastante mucha tawata bisti na oranje y ademas casi tur mucha tawata tin un corona oranje riba nan cabez. E klas tawata dorna bunita cu potretnan di e Famia Real. Tur esaki pa lansa e comienzo di un temporada di celebracion pa e Weganan di Rey cu lo tuma lugar dia 26 di April 2013.
E campeonato regular di Division di Honor ta yegando su ultimo fecha y ainda tin algun asunto cu no ta cla. E “Amarillo nan” di Dakota ta logra un Victoria importante di 3-0 riba La Fama y ta mantene speransa di drenta den “Calle 6”. Cu e Victoria Dakota ta yega 17 punto y ta 3 punto tras di Riverplate y Estrella, ambos cu 20 punto.
Diabierna mainta na Scol Preparatorio Nos Paraiso tanto e K-9 Unit di Polis como dos Polis di "Straatdienst" a duna un presentacion pa e muchanan. Esaki a forma parti di e siman di profesion na e scol. E muchanan a keda hopi contento y a siña hopi den un forma ameno di e trabou di Polis en general y tambe di e K-9 Unit. Presenta tambe tabata dos di e cachonan cu a duna diferente demonstracion.
Ayera a estrena un cancion nobo nobo di e reggae band di cashero, Mystical Connection. E cancion titula "Let Love Reign" a ser graba ne studio di Ninjah Musiq bow producion di e ingeniero di musica KC Dozier.
E pareha Herbie y Francine Merryweather-De Lannooy a keda condena na un castigo mucho mas abou di loke Fiscal a demanda contra nan. Corte a dicta ayera cu ta haya nan culpabel di labamento di placa di belasting.
Prome Minister Mike Eman tabata tey tambe na apertura di e proyecto den Diamant Berg Weg cu e oficina di FCCA. Aki e prome mandatario a splica cu nan tin un lista largo di proyecto pa San Nicolas. Semper e minister di finanzas tin un reto pa pone fondonan pa proyectonan pa pais Aruba.
Na San Nicolas den Diamant Berg Weg tabata tin un conferencia di prensa pa asina inaugura e proyecto di FCCA hunto cu gobierno. Representantenan di Team BoBarrio, representantenan di parlamento y tambe dos minister tabata presente. Awor FCCA tin un oficina cu lo bai contribui na mehoracion di e area Diamentberg Weg y vecindario.
Pa medio di esaki, Fundacion Gabriel Flores conhuntamente cu Hyatt Regency Resort Aruba, Aruba Marriott Resort, ATA & Serlimar ta invita un y tur pa e Celebracion y Caminata di Dia di Tera riba diadomingo 21 di april. E Celebracion aki lo inicia den forma di un feria yen di ambiente ya caba pa 12’or di merdia cu diferente actividad, manera pintamento y facepainting pa mucha y informacion/charla di nos medio ambiente, naturalesa y turismo unda ATA lo ta presente cu diferente premio.
Cu pasonan acelera inicio di e conferencia ‘Europe meets the Americas’ (EMA) ta acercando. Esnan encarga cu e actividad aki ta trahando dia y anochi pa percura pa e conferencia ta exitoso. Exitoso e ta bay ta sigur mirando e cantidad grandi di inscripcion y interes continuo di empresanan pa participa.
E siman aki ta tumando luga e ‘Conferencia Annual de Turismo Aruba’ cu a habri oficialmente na Brickel Bay – Sand Bar cu un tremendo evento pa yama tur e participantenan un caluroso bonbini. Su siguiente dia, e conferencia a tuma luga na Westin Resort Casino & Spa cu a inicia cu un presentacion di Sra. Ronella Tjin Asjoe-Croes, CEO di Aruba Tourism Autority.
Recientemente a tuma luga un conferencia di prensa na unda The Pancake Gallery Foundation y RBC Royal Bank a firma contract unda RBC lo fungi como e Main sponsor di Art Rules Aruba 2013 pa di tres aña consecutivo. Sr. Pierre Rafini, Area Vice President di RBC Royal Bank (Aruba) N.V. a hiba palabra unda ela bisa di parti di RBC nos ta hopi orguyoso di forma parti di e programa aki cu a mustra di ta hopi exitoso y di un nivel hopi halto.
Recientemente RBC Royal Bank (Aruba) N.V. a lansa su producto nobo cu yama "Professional Package". Durante un conferencia di prensa Sr. Pierre Rafini, Area Vice President Business Banking di RBC Royal Bank (Aruba) N.V., a indica cu e pakete aki ta ofrece condicionnan flexibel cu interesnan y gastonan di administration faborabel na un cierto grupo di profesionnan aki na Aruba.
Recientemente a tuma luga e lansamento di un proyecto nobo di JCI YALA Young Active Leaders of Aruba. JCI YALA ta un organisacion di JCI nobo aki na Aruba cu a lanta recientemente cu e meta pa duna oportunidad na young professionals pa desaroya nan mes y trece cambio positivo den nos comunidad aki na Aruba y riba nivel mundial.
Ora Parlamentario hulandes haci pregunta e ta zakelijk y ora aki na Aruba fraccion di PDR haci pregunta diripiente ta hunga politiek segun mr. Andin Bikker. Loke e lider di PDR kiermen cu esaki, pasobra siman cu pasa parlamentario Bosman di VVD a haci cierto pregunta na gobierno hulandes den mesun liñea practicamente cu fraccion di PDR a bin ta haci pa basta tempo caba na gobierno di Aruba.
Reino hulandes den su totalidad lo celebra e aña aki e ultimo Aña di La Reina. Esaki Aruba Table Tennis Association sigur tambe lo haci riba diadomingo 28 di april 2013 na Centro Deportivo Betico Croes cu e “Torneo Aña La Reina”.
Siman pasa tabata tin veredicto den caso di Europehouse. Gabinete Mike Eman a cumpra e edificio unda e restaurant Dolce Vita tabata situa. Eyden a keda estableci e Europehouse.
Camarada Aruba, kier invita tur su miembronan y tur ex-militarnan y ex-civilnan cu a sirbi defensa cu kier bira miembro pa su reunion general anual (ALV).
Paga Tino ta un programa preventivo cu lo wordo ofreci conhuntamente cu De Hoop GGZ Dordrecht y Chris Dordrecht,na tur scolnan di Aruba pa e aña escolar 2013-2014.
E Comando di Campaña di Capriles na Aruba ta invita un y tur, y specialmente Venezolanonan residencia na Aruba, pa participa na un acto simbolico y pacifico pa demostra solidaridad cu nos rumannan na Venezuela. Diabierna awo di 5'or pa 7'or na Plaza Simón Bolivar. Lo pone un ofrenda floral na e estatua di Bolivar. Lo pone un ofrenda floral na e estatua di Simon Bolivar.
Diadomingo ultimo 5 vloggers a yega Aruba pa asina filma nan experiencia durante un dia y mey pa despues edit esaki y participa den un competencia di film cortico organisa pa Marriott. Un vlogger ta un persona cu ta filma su experiencianan diario of ora di biahe y ta publica esaki riba internet. E vloggersnan tabata liber pa filma locual cu nan kier pero nan mester a inclui maske ta un parti chiquito pa ilustra e propiedad di Marriott.
E fin di e siman aki lo tuma lugar e di 118 competencia di Pen Relays na Franklin Field, Philadelphia lo ke ta haci Penn Relays e competencia colegial di atletismo e mas bieu di Merca. Na cuminsamento solamente atletanan masculino tabata permiti pa participa. Ta te na 1962 nan a tene e prome evento pa mucha muhernan.
Conferencia 'Europe Meets the Americas' (EMA) tin tur e elementonan necesario pa bira un evento exitoso y productivo pa tur e partidonan envolvi. Segun e Senior Policy Advisor di Minister di Asuntonan General, Elvis Tjin Asjoe, e iniciativa di Gabinete Mike Eman pa comberti Aruba den un hub entre comercio di Europa y Sur y Centroamerica, tin e potencial pa bira un pilar adicional di nos economia y aumenta nos GDP cu aproximadamente 15%.
E hospital tematico ta factibel? E pregunta no mester ta cu si e ta factibel, pero si e tin derecho di existencia! Den otro palabra, cu si nos pueblo lo beneficia di dje y si nos por paga p’e sin perhudica nos pueblo mes. Nos a tuma nota cu sr. Visser tin problema pa pone apenas 9 miyon extra pa aña pa e hospital aki.
Setar conhuntamente cu Young Blood Foundation y otro sponsornan cu tur aña ta apoya e competencianan di flie ta bai haci e celebracion di e aña aki aun mas grandi cu lo hiba e nomber: “Kite Slam 2013, Oranje Boven”.
Awe Fatum General Insurance N.V.(Fatum), un sucursal di Fatum Holding N.V., a concretisa exitosamente e traspaso di 100% di e capital di e accionnan aloca di Royal &Sun Alliance Insurance(Antilles)N.V. (RSA) di RSA Group y Maduro & Curiel’s Bank. Tur e aprobacionnan necesario pa Banco Central di Corsou y St. Maarten y Banco Central di Aruba, a keda otorga pa cu esaki.
Francis Jacobs ta continua cu su bishitanan den e bario di Tanki Leendert/Tanki Flip, e bario na unda el’a lanta, a wordo cria y te dia di awe ainda ta na unda e ta bibando. Tin di bisa cu Francis Jacobs ta un persona hopi conoci mes aki na Aruba pa su bon trabaonan cu el’a desplega tanto ariba tereno di turismo, cultura y un parti den deporte.
Mr. Juan Ady Thijsen a ricibi directamente for di Hulanda for di colega di Tweede Kamer un copia di contestanan di Ministro pa Asuntonan di Reino senjor Plasterk na miembro di Tweede Kamer senjor Bosman di VVD. Manera conoci senjor Bosman a manda un serie di 10 pregunta na Ministro Plasterk tocante e protocol firma dor di Prome Ministro di Aruba Mike Eman y e Ministro Hulandes.
Durante e ultimo dos simanan departamentonan meteorologico di Noord i Central America i Caribe a reuni na Corsow pa discuti ariba asuntonan di interes comun, incluyendo preparacion pa e temporada di Horcan 2013.
Colegio Arubano, Ciclo Basico a clausura nan proyecto ‘Pesten’ cu un caminata. E caminata tabatin e meta di trece e mensahe di concientisacion cu mester stop cu ‘pestmento’ di otro.
Aruba Softball Bond a tene un reunion cu su miembronan diaranson 10 di april ultimo na Technical Center Angel Botta den stadion Frans Figaroa unda gran mayoria di representante di clubnan miembro tabata presente y a tuma diferente decision. Campeonato masculino tanto A-klas como dobel A (AA) lo inicia diahuebs 16 di mei riba veld di Kudawecha.
POLLXT_LOADING
