For di Cordova, Illinois a drenta e grato noticia cu Trevor Eman y Team Aruba ta sali campeon e ADRL Spring Drags IV Extreme Pro Stock. Trevor a score grandemente den e final cu un reaction time di 0.003. Durante e prome qualifying Trevor a sacudi e pista cu un tempo di 4:099 second na 175.98 mph cual a haciele e #1 qualifier di e event y a gana Pete Berner den e final.
Recientemente UNICEF a conduci un investigacion riba e situacion di e muchanan y di hende muhe na Aruba. E mesun investigacion nan a haci na Corsou y na St. Maarten tambe. Den un esfuerso pa mas hende por lesa e rapport final y asina conoce e retonan y e posibel solucionnan, nos ta publica e rapport aki den forma integral. Click AKI pa lesa e rapport.
Diasabra, May 18, 2013 Quota International of Aruba a instala su Board nobo pa aña 2013-2014. Quota ta un organisacion di servicio consistiendo solamente di hende muhe, kendenan aparte di nan trabow diario, ta tuma tempo pa traha voluntariamente pa nos comunidad. Quota ta dedica na mehora calidad di bida di esnan menos afortuna, principalmente esnan cu problema di oido y habla y hende muher y Muchanan den dificultad.
Siman pasa a tuma luga na Aruba e di 35 Caribbean Customs Law Enforcement Conference (CCLEC), cual ta e reunion anual di autoridadnan di aduana Caribense. Ta di dos biaha cu e reunion aki ta tuma luga na Aruba, e di prome biaha tabata den e di dos mita di añanan 80, Minister di Finansa, Comunicacion, Energia y Utilidad, Mike de Meza a comenta.
Aunke cu por bisa cu e comportacion di publico tabata hopi bon, toch na un dado momento a cuminsa un pelea durante e evento politico di MEP. No tabata contrincantenan politico, sino ta dos mucha muhe a dicidi di start un pelea. Polis no a detene nan, pero si a hala nan atencion pa cu nan comportacion!
Diadomingo atardi trahadornan di e restaurant di sushi na Palm Beach a bay pa habri porta bin ripara cu desconocido a forsa un porta pa drenta paden. A check oficina y caha pero no a haya falta di nada. A yama Polis pa entrega keho di e sucedido. Camara di siguridad di Valero Palm Beach den vecindario a capta e sospechoso su movecionnan, ta trata aki di un conocido di Polis.
Den cuadro di e conferencia ‘Europe Meets the Americas’ e embahadornan di Reino di e Hemisferio Occidental a pone nan mes na haltura di e hopi desaroyonan positivo na Aruba. Loke e ‘corps diplomatique’ mas tanto kier sa ta con for di nan post nan por yuda realisa e concepto Aruba Gateway. Bou di e titulo 'Nos hende na...' awe un entrevista cu embahador di Chile: Johan van der Werff.
Diadomingo e politco hoben Otmar Oduber a sa di ta e host di un Dia Familiar exitoso na su Centro di Apoyo den Dakota. Comunidad di Dakota y Aruba henter a bini hunto y sa di demostra di ta para firme tras di e polico. Durante e weekend aki Otmar Oduber a wordo hopi bon ricibi pa e pueblo di Dakota, unda cu despues di por a conversa cu un gran parti di ciudadanonan diasabra durante e promer Accion Subi Caya por bisa cu esaki ta considera un fin di siman exitoso pa Team Otmar den bario.
“Aruba ta para na un crusada hopi interesante pa loke ta trata desaroyo di museo”, asina Minister Michelle Hooyboer-Winklaar, encarga cu Asuntonan Economico, Asuntonan Social y Cultura a duna di conoce.. Pa hopi aña a conoce Museo Historico, Museo Arkeologico y Museo Numismatico. “Awe nos ta orguyoso di tin un Museo Arkeologico cu ta entre e miho nan den Caribe.
Diadomingo e empleadonan di Cable TV, Setar y tambe Tele Aruba a bini hunto manera un famia. Nan a uni riba The Palm Island for di mainta pa asina celebra dia Internacional di Tele Comunicacion. E dia di Tele Comunicacion a cay den siman y pesey a probecha di e diadomingo pa e actividad grandi aki.
Despues di a ricibi e rapport di UNICEF relaciona cu e situacion di e muchanan y hobennan na Aruba, Minister di Asuntonan Economico, Asuntonan Social y Cultura Michelle Hooyboer-Winklaar a expresa su satisfaccion pa e hecho cu Aruba ta avansando riba hopi tereno cu ta regarda nos muchanan. Kiermen den mayoria di e aspectonan, Aruba ta cumpliendo cu e Convencion di Derechonan di Mucha decreta pa Nacionnan Uni.
Durante 28 di mei te cu 21 di juni Su Majestad Rey Willem Alexander y Su Majestad Reina Maxima lo bishita tur provincia di Hulanda, cuminsando na Groningen y Drenthe 28 di mei. Pueblo di e manera aki lo tin oportunidad pa conose e pareja Real y e pareja Real conose nan pueblo.
Campeonato HEINEKEN di Aruba Softball Bond a ranca Sali diahuebs ultimo unda den e promer partido valido den categoria A-Klas e muchanan di Willy Gomez y Quito esta Mio Athletics a Sali brabo riba e muchanan di Richard Marrero Bronx Birds Pirates.
Diahuebs ultimo campeonato official di Aruba Softball Bond a inicia den categoria masculino tanto A-Klas como AA. Un bunita apertura riba veld di Kudawecha unda dicho campeonato a wordo dedica na dos baluarte den mundo di softball tanto Eddy Becker como Enrique Arcaya.
Diadomingo mainta riba caminda di Tanki Leendert habitantenan pero tambe automobilistanan a yama Polis pa un waya cu tabata colga hopi abou riba caminda.
Durante e fin di siman, nos atletanan di Special Olympics tabatin un presentacion conhuntamente cu "Fundacion Nos Por". Esaki a tuma lugar den Cas di Cultura. Minister di Asuntonan Economico, Asuntonan Social y Cultura Michelle Hooyboer-Winklaar a keda masha impresiona cu nan presentacion y el a bisa cu esaki tabata un ehemplo pa otronan y ta demostra cu mester husga e buki pa su cover.
Diadomingo for di 11:00am a cuminsa e evento "Yellow Vibe" di partido MEP na Compleho Deportivo Frans Figaroa na Noord. Ey a tuma luga presentacion di varios banda musical, Vlooienmarkt, Festival di cuminda, Kids Corner y sin lubida e rifa di 10 mil florin, 3 mil florin y 1 mil florin cash, cumprando un ticket di solamente 5 florin. Riba e fotonan adhunto por aprecia algun di esunnan presente.
Den entrevista cu minister Otmar Oduber a puntre si Aeropuerto bay bay haya un departamento di bombero riba su mes. E minister a splica cu gobierno a lanta un comision na Aeropuerto pa determina su futuro, mirando cu e prestamo cu a haci 9 anja pasa na momento cu a cuminsa cu e renovacion a keda paga e inicio di e anja aki caba y e parti mas grandi lo termina dia 1 di januari 2015.
Varios candidato di e partido MEP a organisa un parada for di nan districto of cede pa asina yega hunto na Compleho Deportivo Frans Figaroa na Noord. Entre otro e candidatonan Guilfred Besaril y Chris Romero, ambos campañando pariba di brug a yega Noord den un parada di auto, di nan votadonan y siguidonan. Di e forma aki por nota cu poco poco e ambiente di campaña 2013 a cuminsa haya forma riba nos isla.
Proclamacion di Papiamento como lenga oficial di Aruba – cu un base legal – dia 21 di mei 2003 ta indudablemente un acto y echo historico cu ta enaltece e status y e prestigio di Papiamento y ta habri eventualmente un perspectiva nobo pa promove reconocemento y desaroyo di nos lenga nacional.
Esaki ta di dos alarma "falso" pa e dia awe, ora cu algun papel lo a move den e oficina di seguridad pafo di Banco Central cu a activa e sistema di alarma. Varios patruya di Polis a dirigi nan mes pa e sitio, pero sin cu por a haya ningun ladron cu intencion di horta den nos Banco Central, considera un di e edificionan miho cuida na Aruba.
Pa por enfrenta problemanan social den un pais mester tin union den comunidad. Den tur pais por tuma nota di diferente problemanan social cu ta manifesta nan mes. E problematica di adiccion na droga por ehempel ta causa un impacto grandi no solamente pa esun cu ta use pero pa un comunidad completo.
E siman aki Minister Otmar Oduber ta biahando pa Washington DC pa firma un acuerdo di cooperacion cu Federal Aviation Administration (FAA) di Merca. Ta trata aki di un acuerdo cu tabata pendiente hopi aña caba y cu finalmente lo wordo firma despues cu Minister Oduber durante su biahe fin di aña pasa pa Merca a pusha pa e firmamento por a tuma lugar, algo cu ta wordo logra diahuebs awor.
Diadomingo mainta e bario trankil di Angochi a habri cu un discucion di amigo y amiga, pa 7 or di mainta e amigo a yega cas di su amiga y discucion a bay for di man.
Minister di Transporte, Otmar Oduber, ta kere den un Aruba sostenibel y lo ta bishitanto un compania na Colombia pa haya un presentacion di busnan electrico. Mester enfoca riba posibilidadnan pa incorpora tecnologianan alternativo, limpi y berde pa cu introduccion di busnan electrico. Den e cuadro aki Minister Oduber lo ta biahando pa Colombia pa asina aki bishita compania di BYD pa haya un presentacion completo pa cu e eficencia di e bus electrico.
Den entrevista cu minister Otmar Oduber a puntre tocante e edificio di hotel Bushiri, cu no ta mira desaroyonan eynan y e ruina ta un mal bista pa nos turistanan. E minister a splica cu keto bay e ta den combersacion cu e grupo promotor di un proyecto cu a presenta un documento via AIB, cu ta muestra cu nan ta riba bon caminda pa haya e financiamento.
Durante dos dia largo den fin di siman minister Otmar Oduber tabata presente den Tarabana pa asina campaña preparando pa eleccion di 27 September 2013. Esaki ta e di dos politico mas popular e momentonan aki despues di e lider di partido AVP. E tin un team grandi su tras di hendenan di tur edad. Durante su recorido den e casnan di pueblo di Tarabana el a wordo bon ricibi.
Aki ta sigui resultado di e diferente sorteonan di Lotto, E Loteria di Aruba. Click lesa mas pa por mira e otro resultadonan di e otro soreteonan y click riba e imagen pa magnifica.
Personanan cu varios limitacionnan, conoci como “meervoudig gehandicapten”, lo haya nan mesun internaat na Aruba. E proyecto aki ta keda cla awor, despues di bastante trabou y esfuerso haci dor di Stichting Verstandelijk Gehandicapten Aruba (SVGA) y Minister Michelle Hooyboer-Winklaar.
Durante e programa di sr. Nilo Croes ….INTERES DI PUEBLO, Lider Politico di PPA a dedica atencion na varios topico….e.o. Turismo arubano cu segun PPA ta den decadencia enorme, e situacion financiero fatal di pais Aruba…..E opinion di Raad van Advies den su carta dirigi na Staten pa locual ta trata e presupuesto 2013, pero tambe e Rapport di IMF.
Dim lights Depues di a qualifica pa di dos biaha consicutivo como nr 1 diadomingo anochi pa prome biaha den historia di The Brute Racing Organisation den presencia di nos Prome Minister Mike Eman Team Aruba ta gana e titulo maximo di un evenemento di ADRL!
E Parlamentario Juan David Yrausquin a cera un grupo di hende pa hunto nan participa den e accion di limpiesa di nos beachnan, conoci como e “Garnier Beach Clean up 3”. A logra yena bastante saco di sushi colecta tras di e beach di Rincon. E Parlamentario di AVP a bisa cu nos mester sa di disfruta di nos beachnan, pero tambe pa mantene nan limpi.
Comision organisado di Concierto Dominical Donny Laclé, ta informa comunidad cu lo no tin concierto dominical e luna aki. E motibo ta, cu riba e mesun fecha tin un otro actividad priva den The French Steak House di Manchebo Beach Hotel, cu tabata programa ya for di comienso di aña. Ta e intencion pa sigui cu e concierto aki dia 2 di juni proximo.
Recientemente a tuma luga na Aruba e di 35 reunion anual di Caribbean Customs Law Enforcement Conference (CCLEC), unda cu e enfoke tabata riba informacion y tecnologia nan di informacion. Minister di Finansa, Comunicacion, Energia y Utilidad Mike de Meza como e mandatario encarga cu Cuerpo di Aduana tabata e anfitrion di e conferencia aki.
Diahuebs mainta Minister di Asuntonan Economico, Asuntonan Social y Cultura, Michelle Hooyboer-Winklaar tabata presente durante e presentacion di e rapport traha dor di UNICEF, "E Situacion di Mucha y Adolescente na Aruba". Entre aña 2011-2012, un analisis di e situacion di e muchanan, hobennan y hende muhe a tuma luga aki na Aruba y na e otro islanan cu ta forma parti di Reino Hulandes.
Recientemente American Airlines a ofrece un cena na e team di seguridad di aviacion di e compania “Aviation Ground Services” (A.G.S.) como muestra di aprecio pa e bon trabou haci durante nan reciente “Corporate Security Audit”. Despues di un inversion grandi di e doñonan nobo, kendenan ta netamente Arubiano, Aviation Ground Services (AGS), a sa di crea y gana confianza den mercado.
PALM BEACH—Presencia di polis a wordo pidi diabierna 03.39 na e negoshi Wenger den Paseo Herencia, na unda ladronnan a drenta. Eynan un guardia di Paseo Herencia a declara cu mas o menos 3.15, el a mira un auto preto cu glasnan preto getint, y cuatro porta para dilanti di e negoshi Wenger.
Diadomingo marduga Ambulance y Polis a bay cu urgencia un cas na Celciusstraat pa caso di hincamento. Na yegada a topa cu un homber den su 50 aña cu dos hinca na su curpa.
Maurice Jansen di Dutch Caribbean Golf Association a splica den un entrevista, cu regionalmente nan ta representa loke ta golf. DCGA ta representa 7 golf course na Aruba, Curacao y Sint Maarten y nan ta fomenta e deporte aki bao mucha di tur edad. Actualmente nan tin un programa hopi bunita cu a cuminza na Tierra del Sol, recien nan a hacie na Aruba Golf Club, y dia 26 di Mei ta bay tin evenemento aki den Divi Resorts.
Den e ultimo decada di historia di Aruba dia 21 di mei a consolida como un dia cu ta referi na un evento memorabel y transcendental den e transcurso di existencia di Papiamento, nos lenga nacional. Proximamente, e dia historico ey, Papiamento lo cumpli su di dos lustro como lenga oficial di Aruba. Dia 21 di mei 2003 a proclama na Aruba Oficialisacion di Papiamento - cu un base legal - conhunta-mente cu Hulandes.
Despues di un reunion cu SVGA (Stichting Verstandelijk Gehandicapten Aruba) riba un cantidad di topiconan interesante, Minister Michelle Hooyboer-Winklaar a declara cu ta tempo pa bin cu un dialogo entre tur partner den e ramo social. Esaki lo bira literalmente un Dialogo Social, cu partnernan social cu ta depende di subsidio di gobierno pa nan funcionamento.
Asistencia policial a wordo pidi diadomingo mainta banda di Surfside pabou di cura di aeropuerto. Un auto Mazda color blauw a yega para net na rand di lama y e seño a baha cu paña cu tur drenta den lama. E tabata tin te hasta su tas den su man.
Den fin di siman Tiger Taekwondo Academy a sali best team na e di 5 Gold Coast Taekwondo Cup organisa pa Brazil Taekwondo Stichting, cu un total di 43 punto nan a logra di gana. Un di 5 Gold Coast Taekwondo Cup cu hopi bon pelea di caliber manera a anticipa delanta.
Diasabra atardi Polis a bay atende cu comerciante cu a gara señora ta horta den pacus den fin di Caya Grandi. E señora a sali di e negoshi paña cu un slipper y e comerciante a sali core su tras kita e slipper horta. E señora a sali na careda, asina mes e comerciante a yama Polis pero despues no tabata desea di entrega keho.
POLLXT_LOADING
