Un ciclista a keda herida na Savaneta diahuebs atardi. E tabata bahando for di San Nicolas y un auto bayendo direccion pariba a lora su dilanti. E no por a evita e accidente. E chauffeur di e auto no a mira e ciclista. Ambulance y polis a yega mesora na e sitio. El a ser atendi. E tabata na tino. E atleta aki ta core hopi na pia y tambe riba su bicicleta y competi tambe. Polis a bai cu su bicicleta despues di investigacion.
E hoben Shailiny Tromp Lee a lanza su mes diahuebs atardi na cede di MEP na Santa Cruz. E ta sali for di un famia cu conoce politica. E ta yiu di Ramon Lee ex minister di labor y cultura. Hunto cu su famia presente el a lanza su mes. MEP ta buscando candidatonan nobo y esaki ta un di nan. E hoben politico aki ta traha na e departamento di Cultura y durante e gobernacion aki mes el a haya un function pa dirigi un di e seccionnan di e departamento menciona. Ta un hoben bon prepara. Exito pa proximo eleccion.
Minister di Husticia Arthur Dowers a expresa elogio pa e instancianan hudicial, policial y di siguridad cu a traha hunto pa evita e entrada di personanan ilegal y un carga considerabel di droga na Aruba diaranson anochi. Minister Dowers a bisa cu e accion cu a tuma luga ta e resultado di bon trabao di Kustwacht, cual ta patruya continuamente y ta vigila e costa y awa teritorial di Aruba tanto pa fisicamente, como via di nan radar.
Mas di 50 representante di algun di e companianan principal riba tereno di tecnologia di Alemania, inversionista y desaroyadornan a atende un workshop na e Embahada di Reino Hulandes na Berlin, Alemania.
For di 1934 KLM a cuminsa bula pa Antias Hulandes y na 1935 a bin un conexion entre Aruba, Corsou y Hulanda. Actualmente KLM tin 5 cinco vuelo directo y 14 vuelo indirecto pa Aruba cu semanalmente ta wordo haci . Marjan Rintel, vice presidente marketing y brand di KLM: “Despues di un ausencia di 2 aña KLM a bin bek na 2010.
Oportunidadnan y perspectivanan grandi a wordo crea pa tur e representantenan di e diferente pais presente durante e Conferencia di “Europe Meets The Americas.” E conferencia aki a trece hende di 3 diferente continente hunto, cu e intencion pa Aruba bira e gateway entre comerciantenan di Europa y e continente Americano den futuro.
Un total di 11 Polis procedente for di Hulanda a huramenta cerca minister di Husticia y Alto Comisario diahuebs mainta. Nan presencia tin un motibo su tras. Mirando e crimennan cu tin den nos area den otro islanan a pone cu polisnan di Aruba mester a bai Bonaire y tambe Curacao. A pidi polisna cu ta papia papiamento pa duna un man. Minister di Husticia Arthur Dowers a splica cu semper nos a copera cu otro.
Oportunidadnan y perspectivanan grandi a wordo crea pa tur e representantenan di e diferente pais presente durante e Conferencia di “Europe Meets The Americas.” E conferencia aki a trece hende di 3 diferente continente hunto, cu e intencion pa Aruba bira e gateway entre comerciantenan di Europa y e continente Americano den futuro.
Diasabra anochi ultimo e atletanan di Special Olympics Aruba hunto cu un grupo di Corsow D’Art a deleita tur hende presente cu nan canto y baile. E show a wordo organisa den cuadro di e siman di concientisacion di Hendenan Special.
Dia 13 mei 2013, SETAR a haci entrega di su relato financiero 2012 na Minister di Finanzas, Comunicacion, Utilidad y Energia di Aruba Sr. Mike de Meza, durante e reunion annual di su accionista pais Aruba.
Cu un brunch na Renaissance Convetion Center Cuerpo di Aduana a celebra nan dia. Diahuebs mainta por a mira un sala yen di uniform bruin cla ta disfruta di un suculento desañuno. Stephen Maduro, un di directornan di Aduana a hiba palabra, duna Danki na un y tur. Normalmente ta celebra Dia di Aduana riba 29 di Januari, e aña aki debi na conferencia internacional di Aduana a dicidi di tene e celebraccion mas den Mei.
Aki ta sigui resultado di e diferente sorteonan di Lotto, E Loteria di Aruba. Click lesa mas pa por mira e otro resultadonan di e otro soreteonan y click riba e imagen pa magnifica.
ARUBIANAS flip flops team di disenjo- ( Evelin, Damilice, George, Eva, y Carlos) lo escohe 2 obra di e muchanan pa forma parti di e proximo produccion di Arubianas flip flops pa mucha y tambe e obranan y pintura lo forma parti di campanja publicitario di Arubianas Shoco designs.
Cu inmenso placer Ateliers '89 ta anuncia su projecto nobo di "masterclasses pa artistanan local y internacional. Ta intenshon pa tene e charlanan aki cada ultimo Diahuebs di luna, (menos Juli, December y Februari).
UTS, a tuma nota di e 31 preguntana ku e desaparesido miembro di Staten, Sr. wiels a hasie tokante loteria via di SMS. Anteriormente UTS a emití dos komunikado tokante di esaki. Den e komunikadonan aki ta splika ku UTS no ta ofrese e servisio di loteria via SMS. UTS ta ofresé su servisio di telekomunikashon na tersero partidonan i no loteria regulá.
Gerensia i trahadónan di UTS, meskos ku henter nos komunidat, a keda di shòk pa e asesinato di e parlamentario Sr. Helmin Wiels, i ta kondena esaki inmensamente. UTS ta biba ku tur den nos komunidat ku a keda afektá pa e akto aki, pero muy enpartikular su famia, amigu i siguidónan di e desaparesido Sr. Wiels.
Den entrevista cu minister Otmar Oduber a probecha pa puntre si cualkier miembro di management team por subi lista politico. Ta ser papia cu Juni Croes lo subi lista politico. E mandatario a bisa cu esey no ta e caso. Minister Oduber a bisa cu Juni Croes a laga sa cu e no ta interesa pa subi lista politico e anja aki y cu el a scoge pa su carera profesional y pa e oportunidad cu e minister ta brindando su persona.
TANKI LEENDERT—Presencia di polis a wordo pidi diaranson 3.17 di madruga, na un cas na Tanki Leendert, naunda un homber ta bisa cu el a wordo, ataca pa tres homber. Segun e ta declara cu e hombernan ta Ruben, Dodo y Chino. E ta sigui bisa cu nan tabatin un machete y e ta sospecha tambe cu nan tabatin un arma di candela. Segun su declaracion, nan a kibra su porta di cas y tambe un carson. Polis a bise pa e bay Recherche pa duna keho.
A ser perdi un cacho di 3 luna bieuw den vencindario di Rooi Master (Brazil) dia 14 di Mei, 2013. E ta un macho color bruin cu dashi blanco , wowo color shinishi y nanishi ros. Porfabor si por a wak e tuma contacto cu doño na 5942314 of 5845928
Diahuebs atardi na Bogota Colombia delegacion di Aruba a logra firma e acuerdo di cooperacion cu Direccion di Aeronautica Civil di Colombia pa loke ta trata tercera y cuarta libertad, un logro hopi grandi pa nos isla y algo pa cual Minister Otmar Oduber a traha duro pa logra. Manera ta conoci, den luna di maart Minister Otmar Oduber a biaha pa Colombia pa reuni cu Director di Aeronautica Civil di Colombia, Santiago Castro pa papia riba e acuerdo bilateral entre Colombia y Aruba.
Exito di ‘Europe Meets the Americas’ (EMA) tabata posibel unicamente pa motibo di e cooperacion y trabou duro di un cantidad grandi di hende tanto na Aruba como di internacionalmente. Mei mei di tur esakinan tabata tin tambe e sosten, trabou duro, perseverancia y sentido di voluntarismo di studiantenan Arubiano studiando den exterior.
E bienestar di nos muchanan y e situacion di nos muchanan pa loke ta trata derecho di mucha ta central den e rapport di UNICEF di cual e resultadonan a wordo presenta diahuebs mainta.
Diasabra merdia 18 MAY pa exactamente 2.30pm – un total di 40 jugador di golf lo subi e cancha di The Links na Divi Village Golf & Beach Resort pa e torneo di golf patronisa pa e compania PHARMATON. Por medio di nan distribuidor na Aruba – esta Manrique Capriles ta sumamente entusiasma cu e vitamina Pharmaton lo duna tanto hende muher y homber stamina pa competi den e torneo aki di golf.
Dia 17 di 2013 ta Dia Mundial di Telecomunicacion y Information pa Sociedad. E fecha di 17 Mei ta marka e aniversario y signatura di e prome Conferencia pa Telegraaf di aña 1865 cual a habri caminda pa Union International di Telecomunicacion.
Den Luna di April Tribal Cycling Club a juda Fundacion Autismo Aruba cu e awareness di Autismo y tambe a logra recuada fondo pa e fundacion. Organizando un tremendo careda di MTB cual tabata e CMB Up Hill & Down Hill Xtreme y tambe un exitoso Full Moon MTB Tour pa Autismo.
E Volkswagennan di Unidad K9 di Polis cu tin algun luna den servicio diahuebs merdia tabata envolvi den accidente.Ta asina cu e van aki tabata den un caravana di auto cu tabata transportando preso pa KIA ora un auto a crusa dilanti e van net riba e crusada dilanti The Cinemas.
Diaranson mainta, minister Arthur Dowers a haci un bishita di cortesia na Sint Anna school na Noord. Aki e titular encarga cu enseñansa a combersa un rato cu e directora señora Myrilla Hsing-Raven di e scol menciona pa informa su mes di con e situacion ta despues di e reapertura.
Dialuna dia 20 di mei 2013 Su Eminencia arsobispo monseñor Nicola Girasoli, Nuncio Apostolico y Delegado Apostolico na Antias, Antilles Episcopal Conference, lo haci un bishita pastoral na Aruba.
Diahuebs marduga tres ladron a drenta cas na Kamerling Onnestraat busca cos di horta. E ladronnan a pasa den susto di nan bida, nan a kere no tabatin hende den cas pero nan tabata robes.
UTS a tuma nota di e preguntanan lansa den medionan di komunikashon tokante e relashon di UTS, Radcomm i Smartplay. Esaki relashon ku ofresementu di e servisio di loteria via SMS dor di Smartplay.
Diahuebs marduga desconocidonan a kibra den un van para dilanti compleho di apartament na Tanki Leendert 277-D. Den scuridad di anochi ladronnan a kita backshield di auto bolter hemchi y tur herment den e van.
Diahuebs mainta Minister di Asuntonan Economico, Asuntonan Social y Cultura Michelle Hooyboer-Winklaar tabata presente durante e presentacion di e raport cu a ser elabora door di UNICEF, "E Situacion di Mucha y Adolescente na Aruba". Entre e añanan 2011-2012, un analisis di e situacion di e muchanan, hobennan y hende muher a tuma lugar aki na Aruba y e otro islanan cu ta forma parti di Reino Hulandes.
Den conferencia di prensa di partido Democracia Real, Andin Bikker a bisa cu minister di husticia y ministerio publico tin falta di memoria riba e asunto di tinted glass. El a bisa cu entre otro, hasta minister di turismo y officier van Justitie a bisa cu mester bin cu un maneho nobo pa implementa e ley di tinted glas, y cu e ta lamenta cu nan no conoce e dossier di esaki.
Ta remarcabel con despues cu mas cu dos siman a pasa pa cu e coronacion di Rey Willem Alexander ainda diferente ciudadano ta expresa nan sentimento di decepcion y malcontento pa cu e ausencia di lider di MEP sra. Evelyn Wever Croes, Sr. Booshi Wever y e otro miembronan di MEP den Parlamento. Pa pueblo e ta dificil pa compronde con algun representante di oposicion sinta den parlamento a comete un fayo asina grandi den bista di Cas Real y den bista di pueblo.
Prome, durante y despues di e conferencia, ‘Europe Meets the Americas’ (EMA) a conta cu e aporte di un grupo special di Arubiano. Ta trata di hobennan studiando den exterior cu organisadonan a invita pa participa, yuda y experiencia. E idea di Gabinete Mike Eman tras di esaki ta pa e futuro profesionalnan di Aruba forma parti di e vision y habri oportunidadnan pa futuro.
Den su recien presentacion na e comision financiero di Parlamento, Camara di Comercio a elabora riba situacion financiero di Pais Aruba, despues cu e propio Camara for di fin di aña 2009 a colabora cu gobierno pa hinca Aruba den e abismo cu nos pais awor ta hinca aden; ta p’esey ta di lamenta cu un instancia manera Camara di Comercio a, y ta presta su mes pa participa den e agenda politico di e gobierno aki!
FootFitBirkenstock, FootFitBackstage y Clarks Store a finaliza nan campaña super exitoso pa dia di mama “Consenti Mami” tanto via facebook como via nan storenan. E campaña “Consenti Mami” a reparti un total di 10 premio.
Diasabra 18 di Mei, proximo ta e dia cu tur studiante, mayor y esnan cu ta interesa pa haci uzo di e oportunidad di studia na Aruba ta haya informacion tocante e posibilidadnan na Universidad di Aruba. Universidad di Aruba ta habri su portanan y ta invita tur hende pa bin cera conoci cu e cinco estudionan cu Universidad di Aruba ta ofrece.
E miho prescripcion ta Prevencion! Dia Mundial di Presion, 17 di mei, a wordo estableci pa enfoca riba e hecho cu malesa di curason, riñon y stroke por wordo preveni door di mantene un presion di sanger saludabel. Con nos por haci esaki? TUR ADULTO MESTER SA CON NAN PRESION TA.
Zr.Ms. Friesland, e stationsship actual di Commandant der Zeemacht den e area di Caribe, un biaha mas tabata exitoso contra crimen organisa internacional. Despues di un captura di 1453 kilo di cocaina na Maart, Friesland a sa un biaha mas di stroba un transporte di droga dilanti costa di Costa Rica.
Aruba Bank ta sumamente contento di por anuncia e famoso “9th Aruba Bank Youth National Ranking Tennis Tournament”, cual torneo lo tuma luga dia 24 pa 26 di mei proximo.
Na momento cu bo dicidi di hunga cualkier di e 7 weganan di Lotto, ya bo tin e gran chens di bira un ganado feliz cu e loteria di Aruba. Lotto un biaha mas ta conoce otro feliz ganado di e wega Big 4, cu e numbernan 9324, cu John N. ta hungando desde aña 1993.
Recientemente Japan Karate-Do Ryobu-kai (JKR) Aruba a celebra su prome campeonato nacional di e anja 2013. E campeonato aki tawata boa e coordinacion di Dojo Konishi y na man di Shidoin Ligia Perregil y Sensei José Vivas, como tambe e supervicion di JKR Aruba Chief Instructor, Sensei Felix Tromp.
Dialuna 20 di mei pa 19.30 Dr. Ethan Nadelmann lo duna un conferencia den collegezaal di EPI, y tambe diamars 21 di mei na ATIA Building cuminzando for di 19.30. Ken ta Ethan Nadelmann? E ta e fundador y director di Drug Policy Alliance, cu ta un organizacion no-gubernamental cu ta pidi pa pone fin na e guerra contra droga.
Na ocasion di ta celebra e di 30 “AIDS Candlelight Memorial” durante henter e luna di Mei rond mundo, Fundacion E Faro kier a uni su mes na extende un abraso di hermandad, solidaridad y cariño special pa tur esunnan cu awendia cu curashi y determinacion ta sigui lucha cu nan condicion di biba cu e virus di HIV, y ta haci e esfuerso tur dia di hiba un bida Positivo!
POLLXT_LOADING
