Den e proceso di renobacion y mantencion di henter e red di N.V. ELMAR, e momento a yega pa reemplasa e transformatornan situa na Palm Beach, cu ta data di aña 1991 y sigur no ta funciona optimalmente manera e demanda ta exigi.
Tur e trabou di inversionnan haci den centro di Oranjestad, formando parti di e vision integral di renobacion di Aruba, ta dunando su fruto cu establecimento di diferente negoshinan nobo e ultimo aña aki. For di negoshinan representando marcanan di renombre internacional manera 'Cueros Velez' di famia Erasmus, te na esunnan cu un tinte mas local manera The Caribbena Clothing Co. di Salamander Holding.
Na Aruba nos tin hendenan cu ta demostra con bon ciudadano nan ta. Esaki a keda demostra tambe algun dia pasa. Un yamada a drenta cerca e reportero Nelson " Speed" Andrade dor di Central di Polis di Aruba. Tabata un agente Andre Geerman trahando den Central di Polis. El a splica cu un turista na New Jersey a perde su camara y parce a laga esaki den un taxi cu a hibe di Hyatt pa aeropuerto.
Aki ta sigui resultado di e diferente sorteonan di Lotto, E Loteria di Aruba. Click lesa mas pa por mira e otro resultadonan di e otro soreteonan y click riba e imagen pa magnifica.
Prome Minister Mike Eman ta masha contento di tende con bon e regreso di Festival Voz-i-Landia a resulta e aña aki. Diamars atardi e mandatario a ricibi na su oficina Sr. Gerry de Freitas, representante di e comite organisado, kende a haci entrega na Premier Eman di un potret den leishi cu tur e muchanan cu a participa den e competencia escolar di canto, e aña aki.
Diamars anochi den Radission Ballroom a tuma lugar e ‘Think Tank event’cu profesionalnan hoben, organiza pa Minister Otmar Oduber. E anochi aki tabata uno sumamente exitoso caminda riba 100 profesional hoben a participa den diferente terenonan di experticio pa duna nan sugerencianan, critica y observacionnan y specialmente nan contribucion pa loke ta bay bira e futuro maneho di nos isla.
Diasabra 15 di juni 2013, Fundacion Alzheimer Aruba (F.A.A.) ta uni atrobe pa 6 aña consecutivo cu organisacionnan mundial den e campaña di Zero Tolerancia Contra Abuso di Anciano. Na hopi pais ta existi caba e implementacion di Zero (0) Tolerancia cu leynan contra abuso di mucha, di bestia, di hende muhe, etc., cu seguramente ta necesario y ta urgente. Tambe tin paisnan unda implementacion NO ta e caso.
Aruba no a hasi wega na Corsow. E 12 cabainan a baha di avion . . . observa e situacion . . . y a conquista e tereno di biaha, triumfando unda cu nan a pone pia. Aruba a bira gran campeon den tur e 6 categorianan, loke no ta wega ! Pa duna un impression mas exacto, “Pijao del Rosario” a bira Gran Campeon di trote & galope, mientras cu den yewa “Conquistadora de Galia” a bira e Gran Campeona di trote.
Instituto Biba Saludabel y Activo (IBiSA) ta bay celebra un aña di existencia diadomingo awor. Desde aña 2012, IBiSA t’ey informando y educando e poblacion di Aruba pa adopta un estilo di bida mas saludabel door di come bon, haci movecion y tin un miho estilo di bida. Den nan trabou diario ta aplica e Guia Nacional di Alimentacion y di Actividad Fisico cu a keda introduci pa minister di Salud y Deporte Dr Richard Visser.
Diabierna ultimo hubentud di Aruba a haya oportunidad di atende na e di 2 conferencia di pa hubentud organisa pa Possit Omnia, bou liderasgo di Monica Kock, “B the best you can B!”. E conferencia a tuma luga den ballroom di Radisson Resort, unda cu un cantidad grandi di hoben entre 12 te 18 aña a participa y a haya oportunidad di reflexiona riba nan propio personalidad y futuro.
Rey momo ta informa e comunidad carnavalesco di Aruba den su boletin nr 2 riba e siguiente informacionnan di suma importancia. Ya caba preparacionnan ta den full swing pa loke ta trata e celebracion di diamanta cu Pais Aruba lo celebra na 2014. Tambe mi ta informa cu SAC su oficina ta habri tur diaranson y diasabra di 9:00am te cu 1:00pm.
Ocho candidatanan Srta. Aruba a haya escolta pa autoridad policial y a sali den e tram pasa den full Caya Grandi pa despues sigui cu un lectura den e Expo Hall unda a haya splicacion di Ir. Raffy Kock riba e vision di gobierno pa cu embeyecimento di Centro di Ciudad.
Candela grandi na dump a lanta for di soño habitantenan di Kas Paloma y Simeon Antonio. E holor tabata fastioso pero algo cu esnan cu ta biba den e area ta costumbra cun'e pero ta keda un molester pa añanan largo.
Animal Rights Aruba ta buscando un bon famia pa pushinan aki. Nan ta hopi lief! Prijs ta Afl. 55,- incl. sterilisacion/castracion y vacuna. Interesa?Yama 593-9093 of 593-4584 of mail nos na info@animalrightsaruba.org of bishita nos facebook Page.
Serlimar orguyosamente ta conmemora e hecho cu 25 anja pasa el a ser realiza como un Departamento di Gobierno y awendia e ta funcionando efectivamente como un compania Sui Generis.
Diaranson mainta Plaza Wilhelmina tabata sede di un ceremonia protocolario caminda un comunidad cu a integra na Aruba a rindi honor na su dia nacional. Na e ocasion aki Gobierno di Hulanda representa pa Su Excelencia Gobernador Fredis Refunjol y Gobierno di Aruba den persona di Minister Benny Sevinger como tambe President di Parlamento Paul Croes tabata presente pa rindi honor na e colonia Filipino riba e di 115 aniversario di nan fecha di independencia.
Den cuadro di e conferencia “Europe Meets the Americas”, embahadornan di Reino den e hemisferio Occidental di mundo, a pone nan mes na altura di tur e desaroyonan positivo cu tin na Aruba. E Cuerpo Diplomatico kier sa principalmente con nan por yuda realisa e concepto ‘Aruba Gateway”.
Como parti di e proceso di tur luna den Cuerpo Policial, diaranzon tabata tin un training preparativo pa un seminario na Canada unda cu cuater polis di brommer di Aruba, ta bay competi. Un par di anja pasa a bin un par di polis di Merca, cu a mira e nivel cu polis na Aruba ta coriendo y cu nan a pasa tur e cursonan segun nan status, y nan a haya un invitacion for di Departamento di Polis na Canada, pa nan participa den un seminario di cuatro dia, di cual tres ta di training y un dia di competencia.
Ora un juffrouw di scol no sa e contesta riba un pregunta di un mucha, ta recomendabel pa e juffrouw contesta: mi no sa, mi ta bai busca informacion. En vez di contesta algo cu ta fout. E articulo di Digna Lacle Herrera (Bon Dia, 12 juni 2013, pag. B7) ta contene asina hopi informacion erroneo, cu e no ta digno di e Digna cu nos tur ta respeta. Merca, Israel, Uruguay, Portugal, etc. a sigui Hulanda su politica di trata cannabis apart.
Pa medio di e comunicado aki gerencia di Aruba Airlines kier a clarifica un noticia cu a sali den Diario y otro media di comunicacion electronico. E comunicado publica e dia anterior a ser manda pa abogad mr Geoffrey Wever di e bufete na Arulex Building. Den e caso aki awor ta Aruba Airlines a manda un comunicado pa aclarea e supuesto beslag.
Dialuna 10 di Juni, Un grupo di Miembro di Prensa a wordo invita na Tropical Bottling Company pa un private training di Dewar’s Scotch Whisky. E training a wordo duna por medio di Garrett Koolman, Bacardi Brand Manager kende a splica hopi riba e historia di e marka Dewar’s, un marka cu hopi aspecto special cu hopi hende no ta realisa.
Recientemente Parke Nacional Arikok a introduci un proyecto hopi innovativo cu sigur tur scol basico por haci uso di dje pa duna les den un formato digital. Esaki ta den cuadro di e rol cu Parke Nacional Arikok ta hungando for di su establecimento caba na aña 2000, den cuadro di promocion y proteccion di nos flora y fauna.
Comision Liga Hubenil di AVB kier a informa e pueblo di Aruba cu e wega final di futbol Junioren programa pa AWE DIARANZON 12 di JUNI 2013 entre Britannia y Dakota den Stadion Guillermo Trinidad a ser cancela te otro aviso. Comision di Liga Hubenil kier a pidi un disculpa na henter e fanaticada di futbol pa cu e incovenencia aki.
Minister Arthur Dowers kier tende di bo durante un dialogo special, unda cu bo por haci bo preguntanan, comparti bo opinion, bo ideanan y bo vision pa cu nos enseñansa y e sistema di enseñansa en general. E combersacion aki ta "powered by” Departamento di Enseñansa y Ministerio di Husticia y Enseñansa.
E proyecto anual di Conta cuenta di Biblioteca Nacional Aruba ta drenta su di 3 luna. Sra Frida Vrolijk y sra. Ruthy Vrieswijk-Bergen a percura pa un programa special na cas di anciano na april y mei. Sr. Roberto Croes ta riba programa na juni. Esaki ta e ultimo 4 presentacionnan pa e aña aki.
Diaranson merdia a sosode un accidente na altura di e cruzada banda di RCA. Aki tres auto tabata envolvi. Tur cos ta indica cu e auto cu a sali for di e caminda banda di RCA y e crusa pa bay Ponton no a calcula e velocidad di e otro auto mucho bon.
Na San Augustin MAVO tin un preocupacion cerca e docentenan. E school aki ta consisti di 1954 y nunca a haya un renovacion. Tin un raport cu a wordo traha pa Salubridad Publico y e raport aki no a yega cerca school. Tin plafond cu a cay y loke ta pasando ta preocupante. Nan tin diferente parti cu hende no kier sinta pa motibo cu nan no kier bira malo.
Polis y Bombero a haya nan mes ta mobilisa cu urgencia pa cas banda di Posada y Oficina di Notario di L.G. Smith Boulevard. Aki habitantenan a haya un holor fuerte di gas a bay investiga di unda esaki ta sali, bin ripara un tubo di koper lo a kibra of los for di e cylinder di gas.
Serlimar lo celebra su 25 aniversario cu henter e comunidad di Aruba. Mirando cu nos publico ta uno polifacetico, Serlimar a reparti esaki den diferente actividad:
Hues a dicta sentencia den caso di Carl Giel contra Gobierno di Aruba. Mas di tres aña pasa Minister Otmar Oduber a dicidi di kita mr. Carl Giel for di trabou basa riba storianan fabrica y sin ningun base.
Dialuna ultimo e colonia di Portugal a celebra nan dia nacional. Mescos cu den añanan anterior, lider di MEP Evelyn Wever-Croes tabata presente. "Esaki ta un actividad cu mi ta asisti cu gusto. Mi tin hopi respet pa esnan cu a laga nan pais y nan famia pa bin yuda nos desaroya nos economia. E comunidad di Portugal ta conosi pa hendenan integro y cu ta traha duro.
Diamars anochi un cantidad grandi di profesionalnan hoben den nos comunidad a bin hunto durante e Young Professional Think Thank Event organisa pa Minister di Turismo,Transporte y Labor Otmar Oduber. Esaki tabata un accion pa hunto delinea e proximo cuatro añanan pa cu e plan di gobernacion pa por continua cu e bon trabou cu a tuma lugar e cuatro añanan aki.
Diaranson 12 juni ta un dia historico pa revista Focus, ya cu despues di basta investigacion y peticion, a lansa su website nobo. E website aki ta totalmente integra cu social media pa asina eleva e nivel di interaccion cu e lectornan di revista Focus. Esaki ta haci posibel pa e bishitantenan di e website por like y share un articulo, via e rednan social mas popular, manera; Facebook, Twitter y Google+.
Den cuadro di e mehoracion di Producto Aruba y pa eleva e calidad di bida den nos barionan, Minister di Turismo, Transporte y Labor Otmar Oduber a duna inicio na luna di februari di e aña aki na e promer fase di e proyecto cu lo sa di trece un cara nobo pa bario di Paradera, Paradera Corridor. Paradera Corridor ta un proyecto di 2,4 km largo, for di rotonde di Paradera te na Santa Rosa na Piedra Plat.
Diadomingo awor 9 Juni 2013 Fundacion Parlamento Hubenil Aruba y Asociacion Conseho Hubenil lo celebra nan di 10 ana di existencia. Parlamento Hubenil Aruba a crece durante e añanan ganado su experencia propio como un organisacion di hoben pa hoben pasando den diferente facetanan, cu awe a logra ta fuertemente estableci y reconoci.
Na aña 2012 pastoor Santiago di Parokia Santa Anna a duna di conoce cu e kier a preserva algun buki di historia di Misa Santa Anna cu a keda ainda. A dicidi pa haci dos asunto. Uno di digitalisa e bukinan : esta di type nan pa asina traha un buki y dos pa restaura e bukinan aki. A acerca Archivo Nacional Aruba pa pidi nan cooperacion.
Despues di lunanan di preparacion porfin e dia a yega. YMCA Aruba pa di cinco biaha tin nan Telethon Anual awe diahuebs na YMCA Dakota y, pa di prome biaha, na YMCA San Nicolas. Esunnan presente, recaudando fondo pa YMCA na e dos centronan lo comunica via di Skype cu otro. YMCA y su elaboradonan ta purba di colecta mas hopi fondo posibel pa inverti un biaha mas den e comunidad di Aruba.
Recientemente pier di Savaneta a keda inaugura pa Minister Otmar Oduber, esaki despues cu pa añanan largo e habitantenan di e bario aki a keda sin nan lugar di recrea cu a wordo usa pa varios generacion.
Fin di siman pasa un biaha mas Campeonato Mens Erger Je Niet LIVE a luci cu dos tremendo anochi di partidonan di prome ronda. Diabierna 8’or WEB y Sero Weburi a sigura nan puesto pa e siguiente ronda Pool A, respectivamente como ganador uno y dos.
Un cantidad total di 166 alumno a hasi examen e aña aki na La Salle College, di cual 126 a slag den e prome tanda. E sobra alumnonan tin chens di slag ainda den e di dos tanda. Tur alumno a slag cu 6 materia. Masha pabien na e alumnonan, docente y mayor y suerte na esnan cu lo purba e di dos tanda.
Studiantenan di Schakel College tur aña ta participa na un comptencia di wiskunde cu ta wordo jama W4Kangoeroe. E aña aki un total di 6.5 miyon studiante for di 50 pais en total a participa na e competencia aki cual ta consisti di preguntanan 'mulitple choice' original y creativo. E nivel di dificultad ta varia di facil pa basta dificil y ta consisti di 5 diferente categoria: wizFUN, wizKID, wizSMART, wizBRAIN, y wizPROF. E paisnan cu a participa ta comparti den region y conhuntamente nan ta yega na e preguntanan.
Den parlamento tabata tin un mocion cu a wordo presenta. E mocion aki a wordo presenta pa e fraccion di AVP y diferente parlamentario di opocision a sostene esaki tambe. A base di e mocion aki ta duna e espacio pa gobierno por duna fundacionnan e klinkernan cu wordo kita den e proceso di renovacion di centro di ciudad.
Parlamento Hubenil a tene su conferencia di prensa unda a papia un tiki riba nan celebracion di diez anja di existencia. Jerney Tromp vocero di parlamento hubenil Aruba a splica cu na 2003 un simiya a crece y awe Parlamento Hubenil ta un Fundacion. Awe por mira e fruto tambe di gobennan cu a bira lider.
Diamars anochi riba Avenida Juan Pablo II chauffeur den KIA Cerato A-38815 a tuma e birada mucho chikito pa bay Awakatistraat dal den Toyota Cressida color shinishi.
.jpg "Read more...")
POLLXT_LOADING
