Recientemente tabata di bishita na Aruba pa cubri e evento di “ Europe Meets the America ” Srta. Michelle Zayed di e revista “ La Repubilca “ Srta. Deborah Fortes di “ Peqeñas Empresas Grandes Negocios “ di Sao Paulo Brazil y tambe Sra. Mariahe Prieto cu ta e P.R. Director pa Aruba na Bogota Colombia.

Candela di yerba na EPB Hato a bira un menaza serio pa algun klas. Diahuebs anochi Polis a yega algun minuut despues cu habitantenan den vecindario a bati alarma. E candela a yega cerca di un tanki di gas, a spanta algun doño di cas. Bomberonan a yega bay den accion mesora y den algun minuut a domina e vlamnan prome nan causa daño na propiedad.

Siman pasa tabata tin Premio Excelencia den Deporte na unda cu tabata tin varios atleta di diferente deporte cu tabata nomina pa e premio di Deportista Masculino 2012 Categoria: Infantil. Hakeem Lowe ta un di e atletanan elite di Brazil Taekwondo Stichting su team di "Train Hard Fight Smart" cu ta train 6 dia pa siman pa asina mehora su mes pa cada campeonato cu e participa na dje.

Den conferencia di prensa di Banco di Sanger, dr. Ashley Duits, supervisor medico di e banco a hiba palabra. El a splica cu Banco di Sanger ta traha hopi duro tur dia, pa duna suficiente sanger na e pacientnan y e sanger aki mester ta di un calidad hopi halto.

Arubahuis mester expande su servicionan riba tereno di “Economische Diplomatie” (diplomacia economico), asina Minister Plenipotenciario di Aruba na Hulanda, Edwin Abath a duna di conoce durante e conferencia “Europe Meets the Americas”, cual a tuma luga na Westin Resort e siman aki.

Dia mundialmente di parha migrante (WMBD-World Migratory Bird Day) a cuminsa na aña 2006. Esaki ta un campaña cu ta wordo haci anualmente pa conscientisa mundo riba e necesidad pa proteha parhanan migrante y nan habitat. Riba e di dos weekend di e luna di Mei, amigonan di parha rond mundo ta tuma accion pa organisa evenementonan publico manera excursion pa Bird Watch, proyectonan educativo y festival di parhanan migrante pa asina celebra Dia di Parha Migrante (WMBD).

Siman pasa durante un exitoso anochi di ‘Business Networking’ na Madame Janette, Otmar Oduber a lanza su website y applications oficialmente. Otmar Oduber ta un politico cu semper a demostra di ta hopi innovativo den su forma di aserca hende y comunica cu pueblo y awor den e era teconologico cu nos ta bibando aden, e ta e promer politico na Aruba cu a presenta e forma di comunicacion cu comunidad mas efectivo y eficiente, naturalmente banda di ‘social media’, esta e applications di Otmar Oduber y su website.

Un biaha mas hospital ta den noticia, e biaha aki relaciona cu e uzo di un Ginecologo cu, informe cu ta drenta for di exterior, lo no tin bon reputacion. Den combersacion cu director di dr. Horacio Oduberl Hospital, dr. Haime Falconi, a bisa cu el a tuma nota di e insinuacionnan cu a wordo publica, pero e ta prefera di no reacciona riba esey specificamente.

Diahuebs mainta a sosode un accidente chiquito cu a bolter den un caso serio. Un chauffeur a dal tras di un auto di famia pero mirando cu no tabata mucho danjo e chauffeur a reverse pa sigi core. Den su intento di pasa na banda e la bolbe dal e mesun auto pa di dos biaha.

Diahuebs for di 7or di mainta riba Dia di Ascencion cuater persona balente ta busca pa kibra e record di 87 ora y 45 minuut di e di 20 edicion di Paalzitten. Manera costumber e palonan ta patras di Renaissance Marketplace.

Durante Siman di Enfermeria EPI Unidad Salubridad y Servicio, cual ta percura pa e educacion di nos futuro enfermeronan, a tene un biaha mas su tradicional symposium, e aña aki cu enfoke riba Alzheimer’s Disease. Minister di Husticia y Enseñansa Arthur Dowers na apertura di e evento, cual a tuma luga den e auditorium na EPI, a expresa palabranan di elogio pa e tremendo organisacion di parti di e studiantenan.

Polis y Ambulance a bay atende cu un homber cu a busca manera pa "kima" vet den comodidad di su mesun cas. Na Pascalstraat diaranson anochi un homber a uza un crema Chines cu e la haya regalo.

Minister di Husticia y Enseñansa Arthur Dowers a cuminsa su carera profesional como enfermero y semper ta sigui cu hopi interes desaroyonan den e ramo aki. Como e mandatario encarga cu enseñansa el a participa e aña aki tambe na e apertura di Siman di Enfermeria, unda el a comparti su pensamentonan tocante desaroyonan y futuro di enfermeria na Aruba.

Mas di 250 compania local y internacional cu intencionnan serio pa expande nan horizonte y cera partnershipnan nobo ta actualmente na Aruba pa Europe Meets the Americas. E conferencia aki ta sirbi como un plataforma pa companianan di e continente Americano y Europa topa otro y cu companianan di Aruba pa explora posibilidadnan pa haci negoshi cu otro.

Diahuebs merdia un caso a keda registra cu polis mester a interveni. Un chauffeur a yama polis pasobra tin un pickup S-10 a dal den un of mas auto entre otro su auto y sigui core. E Chevrolet aki tabata A-10652. Un di esnan cu a bira victima a bai tras di e S-10. banda di Piet's den De La Sallestraat a logra pare.

Methes Energies Canada, Inc. y Bio-Fuel Aruba a cera un contract diaranson atardi na final di “Europe Meets the Americas”. Ta diferente acuerdo estilo “MOU” a firma durante e tres dianan di reunion, pro esaki tabata e prome acuerdo formal den cual dos compania ta expresa interes pa inverti den otro cu placa, ekipo y conocemento.

E situacion pa dokternan specialista na Aruba y Corsou ta completamente diferente cu na otro paisnan grandi manera na Latino America, segun Ashley Duits, kende ta forma parti di staff medico na Corsou pero tambe ta envolvi den maneho di Banco di Sanger na Aruba. A papia cu dr. Duits riba tur e comentarionan cu tin relaciona cu buscamento di dokternan for di Hulanda y Latino.

Un condicion importante pa cualkier dokter of specialista di exterior bin labora na Aruba ta cu nan mester ta registra na BIG, na Hulanda. Esaki ta para den ley, segun a wordo splica door director di dr. Horacio Oduber Hospital Haime Falconi. E ley aki ta mara na e condicion di Reino Hulandes ya cu mayoria di hoben tabata bay studia na Hulanda.

Despues di trinta aña sin aumenta tarifa pa su servicio, recientemente APA a dicidi di aumenta e tarifa di un par di servicio cu e ta brinda. Esaki a wordo confirma door di director di e compania Alfonso Boekhoudt. Den combersacion cu e ehecutivo a bini dilanti cu ta hopi aña a trata di mantene e mesun tarifa apesar di inflacion.

Den un entrevista cu Alfonso Boekhoudt director di APA, el a splica cu ya caba a tuma lugar un proceso di precualificacion di companianan candidato cu por ser contrata pa construi e parti di lama pa e waf di Barcadera. Varios compania internacional di renombre a keda selecta y nan ta dispuesto na traha cu companianan di Aruba.

Mei ta e luna di celebracion di Cruz Cora. Den entrevista cu presidente di Cruz Cora Aruba Alfonso Boekhoudt, el a splica cu 8 di Mei a recorda e fecha di nacimento di e fundador di Cruz Cora Henry Dunant, y e dia aki a ser proclama Dia di Cruz Cora. E dia aki ta pa refleha riba e balornan di Cruz Cora cu for di momento cu a lanta ta cu e meta di duna balor na e ser humano sin distincion di raza, afiliacion of scogencia riba preferencia di bida y cu tin derecho di wordo respeta y di haya atencion debi na tur nivel, y vooral su prome derecho cu ta esun di existencia como hende.

Bloedbank Aruba tin mester di 500 donante di sanger adicional e aña akiDebi na varios factor tur aña un cantidad grandi di pashent riba nos isla mester di un transfusion di sanger. Esaki ta necesario pa entre otro: e victimanan di acidente cu ta perde hopi sanger, dialyse pacient, pacientnan cu ta ricibi tratamento pa leukemia of cancer, parto cu hopi sangramento como complicacion, baby prematuro, y operacion cu hopi perdida di sanger.

Gerencia di e aeropuerto number un di Europa y number tres di mundo a demostra su confianza completo den e manera di traha di Aruba y e plannan cu nos gobierno tin pa futuro. Esey a keda demostra dor di e mensahe cu President y CEO di Schiphol Group, Jos Nijhuis a duna diaranson ultimo na e ultimo sesion di e conferencia Europe Meets the Americas.

Deporte ta importante pa tur pais, ya cu mediante deporte por logra traspasa tur e limitenan desconoci y relacion humano. Nos Rey nobo, Willem Alexander, a duna di conoce den su mensahe principal, semper ta dirigi na importancia di deporte di un pais, tanto pa salud, desaroyo completo, disciplina, respet y hermandad.

Den e ultimo dianan aki Mike Eman – despues cu ya nan a organiza un gran cantidad di conferencia berde awor a bin cu e conferencia ‘Europe meets America’. Supuestamente e conferencia aki ta sirbi pa habri caminda pa pais Aruba bira e gateway di Europa pa America. Esaki ta birando bisto ora tuma nota cu Hulanda a habri su propio HOLLAND HOUSE na Bogota Colombia.

E conferencia Europe Meets the Americas tabata un exito sin precedente. Di esey no tin duda. Orador y participante tabatin solamente palabranan di elogio pa e prome paso tuma aki dor di gobierno di Aruba pa trece hunto empresarionan di Europa y e continente Mericano pa logra cosnan grandi pa Aruba.

E auto A-15711 pa 10 or di mainta tabata core riba caminda dilanti Texaco bai abou cerca di e rotonde. Un otro auto cu tabata bin for caminda di Setar pa Playa a subi e rotonde sin duna e auto preferencia.

Durante e fin di siman a tuma luga e di 3 campeonato internacional di tennis, Copa Eddy Ras, unda cu Aruba, Boneiro, Corsou, Costa Rica, Venezuela y Colombia a participa na e competencia aki. Minister di Salubridad Publico y Deporte, dr. Richard Visser tambe tabata presente y ta hopi contento pa mira con e deporte aki ta desaroyando ultimamente, contando cu e tremendo apoyo di e mayornan, cu sigur ta di sumo importancia pa cualkier exito.