Pa e conferencia cu lo tin diabierna awor tin tambe cuater orador interesante. Nan ta sali for di diferente area unda den un crimen cada uno por tin nan rol den diferente forma. Sea preventivo of pa yuda despues di un incidente. Pa tin un mihor bista riba cada uno ta importante pa bin cu algun detaye riba e oradornan.

Un di e prioridadnan di Gabinete Mike Eman, for di cuminsamento tabata ta pa por eleva e calidad di bida di nos ciudadanonan. Aruba tabata den un deterioro total algun aña atras, pasobra practicamente no tabata inverti den infrastructura en general di nos pais.

Den cuadro di e conferencia ‘Europe Meets the Americas’ e embahadornan di Reino di e Hemisferio Occidental a pone nan mes na haltura di e hopi desaroyonan positivo na Aruba. Loke e ‘corps diplomatique’ mas tanto kier sa ta con for di nan post nan por yuda realisa e concepto Aruba Gateway.

Diaranson mainta para dilanti di e palo di luz net pariba di entrada di su cas, niun hende por a faya e alegria di Armando Boekhoudt. Un habitante di Papaya cu pa hopi decada a purba haya atencion di politico, gobernante y tur sorto di instancianan concerni pa e situacion di scuridad den su bario. "En todo caso, sinceramente bisa, basta aña nos ta sperando aki nan.

Asuntonan cu ta netamente interno mester wordo trata di e forma aki tambe y hibando esaki den publicidad no ta e forma corectro pa trata e discusionnan interno, esaki ta di lamenta y ta crea incertidumbre den nos comunidad, segun Minister di Husticia Arthur Dowers.

Di un manera informal, pero sigur sincero un grupo grandi di ciudadanonan ‘Perubiano’ a sorprende Minister Benny Sevinger diadomingo ultimo durante su participacion den un programa di radio. E Minister di Integracion, Infrastructura y Medio Ambiente tabata invitado special na e programa ‘Colonia Peruano’ cu ta wordo transmiti pa medio di e emisora Hit 94 FM.

Diamars 21 di mei 2013 sr. A.E. Richardson, Hefe di Polis, a invita Sra. Edna F. Zievinger pa entrege personalmente su decreto gubernamental (‘landsbesluit’) di conmemoracion di 35 aña di servicio.

José Luis (Joe) Fortin, naci na Aruba na 1967 a entrega sra. Astrid Britten, directora di Biblioteca Nacional Aruba un ehemplar di su buki titula ‘City store’. City store ta su debut den e ramo di ficcion y ta contene 11 storianan cortico cu ta mescla diferente realidadnan cu e mundo di fanatasia y (mal) soño.

Jose G. Guaimacuto-Rojas a admiti duranta tratamento di su caso penal ayera cu e no ta ningun sorto di dokter y cu e ta pidi pordon na Aruba pa loke el a haci. A resulta cu el a pasa e victima di fam P. un hangua robez, cu consecuencia fatal. E caso a tuma luga dia 21 di december 2011 den un cas situa na Madiki Kavel. E supuesto dokter a haci un trabou di estetica riba curpa di e victima na Venezuela.

Jossy Lacle ta presidente di e board di e fondo di pensioen di sector turistico. Durante e conferencia relaciona cu e asamblea general el a hiba palabra unda el a splica riba e importancia di informa e miembronan. Ta keda importante pa e companianan cu ta traha den e sector turistico y no tin plan di pensioen pa mira e asamblea y haya informacion valioso.

Nagico Insurances ta celebrando su 30 aniversario na un forma hopi special. Aña pasa den tur pais cu tin un sucursal di Nagico a organisa un recepcion special y a haci diferente donacion. Esaki tabata e caso na Aruba tambe. Ademas di e donacionnan cu a tuma luga aña pasa na Aruba, Nagico a pone un fondo special disponibel cual ta wordo reparti na diferente organisacion durante un periodo mas largo.

Pa por combati crimen ta haci hopi mas falta di solamente papia encuanto balornan. Ta necesario pa establece esfuerzonan den strategia a largo plazo. Pa tal motibo HW Training and Development Associate den cooperación cu drs. Rudolf de Kort, kende ta e coordinador di e evento Mind Your Eye,, ta dedica atención especial e aña aki riba e topico “Combati y Preveni Crimen” atrabes di un Conferencia anual, cu lo tuma lugar Diabierna 24 di Mei 2013 den Conference Room di Hyatt Regency Aruba Resort & Casino.

E producto nobo di Digicel, esta e “BlackBerry Z10” ta causando furor na Aruba y pesey Digicel a organisa un 'BlackBerry Demo' na Digicel Store na Tanki Leendert diabierna ultimo. E demostracion tabata practicamente henter dia, for di 9:00AM te cu 5:30 PM.

Habitantenan alerta pa hendenan sospechoso 

DAKOTA—Asistencia di polis a wordo  pidi diamars 01.26 di madruga, na Dadelstraat Central ta manda polisnan den Dadelstraat, na haltura di Tropical Radiator, na unda e bisiñanan a mira dos homber sospechoso. Nan ta bisa polis cu un pickup cora a baya e dos hombernan cu tabata bisti na preto cu tas cora y tur dos ta color bruin. Mas detaye nan no tin di e hombernan. Polisnan a busca den bisindario, pero no a topa cunan. 

Parlamentario Arondino Croes den e conferencia di prensa semanal di partido MEP a bisa cu e asunto di gateway tabata ser considera pa AVP como un di tres pilar economico. Awor diripente nos por a mira cu AVP no ta papia mas di tres pilar economico, pero awor nan e yame “trahando riba pilarnan economico nobo di Aruba su economia”.