Fin di siman pasa a tuma lugar un reunion importante entre representantenan di ATIA, Free Zone Aruba, APA, ASTEC y MAMBO. Desde 1 di april pasa e tarifanan di APA a subi cu 4 %. Segun director di ATIA, sr. Igmar Reyes e aumento aki a causa preocupacion bao cierto miembronan di ATIA den e sector concerni. Pa kico APA mester a subi prijs?
Audrey Croes-Lacle no ta un persona desconoci. Den e area di comercio e ta un dama cu na un edad hoben a cuminsa asisti su mama Sra. Maggy Abraham q.e.p.d den e negoshi cu su mama a inicia. Asina Audrey a cuminsa gana experencia riba e tereno aki, y pa mas despues den transcurso di añanan, Sra. Lacle-Croes mes a bira e persona encarga pa dirigi y maneha Maggy’s.
E conferencia ‘Europe Meets the Americas’ a cuminsa dialuna den Westin Hotel y di biaha a haci un impacto grandi. Mas di 200 empresario y 743 delegado di varios pais ta participando na e conferencia importante aki. E idea pa haci di Aruba un hub entre Latino America, Hulanda y Europa a nace ya for di 2003 cerca Prome Minister Mike Eman, e tempo ey den oposicion ainda.
Riba e prome dia di e conferencia ‘Europe Meets the Americas’, ya caba por bisa cu tin resultadonan ta bin dilanti. Prome Minister Mike Eman y Minister di Finanzas, Energia, Telecomunicacion y Utilidad Mike De Meza a firma den nomber di Gobierno di Aruba un MOU cu varios partner caminda ta bay di acuerdo pa traha hunto riba varios area, tur di beneficio pa nos isla.
Francis Jacobs den nomber di Directiva di Tanki Leendert di partido MEP ta extende un cordial invitacion pa henter e pueblo di Tanki Leendert/Tanki Flip y vecindario pa un reunion di contacto extra ordinario cual lo tuma lugar diaranson 8 di mei 2013.
Pa logra un Aruba sostenibel, WEB ARUBA ta enfoca riba un produccion di awa y energia mas limpi, mas berde y liber di fuel oil. Pa logra esaki WEB mester incorpora tecnologianan alternativo pa por ofrece energia y awa mas sostenibel.
Un accidente a tuma ora cu un peaton a core cruza caminda sin paga tino. Bayendo pa yuda e polis, e polisnan tabata coriendo cu zwaailicht y sirena, riba e parti meimei di e caminda. Ora cu polisnan a pasa Royal Plasa, y tabata na e cruzada di bushalte, e autonan a baha caminda pa duna polisnan chens pa pasa.
Den cuadro di trabounan necesario, N.V. ELMAR ta informa henter pueblo di Aruba, specialmente e automobilistanan cu ta haci uzo di e caminda principal di Drive Inn te na aeropuerto, cu durante 2 dia lo ta cera pa algun ora.
E play off caya 6 a continua den week end cu tres wega interesante caminda cu diahuebs anochi Dakota y La Fama a topa otro den un wega basta crucial pa e team “Amarillo” pero un biaha mas e tawata “Déjà vu” pa e mucha nan di Dakota. Pa di dos wega sigui Dakota ta pika dilanti y ta mantene e ventaha te na di 88 minuut ora cu La Fama ta logra empata e wega na un gol pa banda.
Un di e parti impresionante di e programa special na memoria di Boy Ecury cu a tuma lugar ariba 4 di mei na Museon tabata e discurso di miembro di Tweede Kamer Jeroen Recourt.
Dim lightsDen e rapport preliminario aki por mira y lesa claramente cu IMF ta constata un caida fuerte den desempleo na Aruba, lo cual ta un indicacion claro cu e maneho laboral hiba pa mi ministerio a conduci na creacion di mas cupo di trabou.
Imagen nan di radar y satelite ta indica cu awe 06 mei 2013 entre 08:00lt pa 09:00lt lo bay tin un area di awasero/maltempo, pasando over di Aruba. E intensidad di e yobida ta modera te fuerte . E luganan caminda e top maximo pasa, lo spera mas yobida compara cu otro
Diadomingo nochi gobierno di Aruba a yama un conferencia di prensa pa duna un declaracion riba e ultimo desaroyonan relaciona cu e sucesonan na Curaçao. E concido politico Helmin Wiels, tabata victima na su pais di un crimen cu consecuencianan pa su bida. Prome Minister Mike Eman a cuminsa e conferencia expresando palabranan di condolencia y convivencia pa famianan di Sr. Wiels y tambe pa pueblo di Corsow.
Marlon Wernet, Alto Comisario di Polis di Corsou a splica awe cu algo prome cu 5or di atardi a drenta informacion di un posibel caso di tiramento na altura di e Pier na Mariepampoen. Bou palo unda ta bende pisca a topa un homber drumi cabes abou den un plas di sanger. E prome unidad a confirma cu ta trata aki di Helmin Wiels y cu e tabata gravemente herida.
Aruba ta cla pa desaroya su mes den un punto di sosten importante pa e fluho comercial entre Europa y Latino America. Europa ta den un crisis financiero y tin hopi necesidad pa desaroya mercadonan nobo y actividad economico. E economia di paisnan Latino Americano ta creciendo y esey riba pasonan gigantesco, un crecemento economico di 5%, pero hunto cu esey ta cuminsa un necesidad na innovacion y conocemento tecnologico.
Durante e prome dia di Europe Meets the Americas pa solamente e prome parti di e programa mainta mandatarionan di Aruba, incluyendo Minister Michelle Hooyboer-Winklaar, a presenta e beneficio y bentahanan cu ta existi pa companianan Europeo y Americano uza Aruba como un gateway pa haci negoshi.
Asistencia di polis a wordo pidi na Valero Essoville pa ladronisia di gasolin. Eynan a resulta cu un tal Gino, G.H, kende ta chofer di un Mercedes Benz color di plata A-25235, a pidi e trahado pa yena e tanki cu gasolin,y despues a start Sali bay. Central tambe a bisa polisnan cu e mesun Gino aki, algun dia pasa, a bay Rey Hing Bar Restaurant y a ordo cos y a bay sin paga.
Gina Maduro, presidente di ABV e sindicato di hospital a hiba palabra en conexion cu apertura oficial di Siman di Enfermeria. Gina Maduro a bisa cu e dia aki y henter e siman ta hopi importante pa reflexiona riba e importancia di e trabao di enfermeria.
Comite NPU, Nos Prohimo Uni di Bario mabon ta un organisacion cu ta existi un aña.Meta di e organisacion ta, guia e habitantenan den bario di mabon den e areanan fisico, social y spiritual. Estadistica ta mustra cu criminalidad den e bario a subi y muy especialmente bow di nos hobennan (hortamento, formacion di gang y uso di substancia).
Ya e deadline a pasa pa entrega e obranan di e diferente schoolnan cu a traha un obra di arte di e carchinan prepaga usa caba cu nan a spaar durante henter aña. Recientemente e cabesantenan di e diferente schoolnan participante a bin SETAR Seroe Blanco na unda nan por a admira tur e obranan cu ta bai participa pa premio. E aña aki tur school participante a sobresali den nan obra.
Diasabra dia 27 di april 2013 den Alhambra Ballroom a clausura Arte di Palabra 2013 cu un intercambio bunita di e ganadonan di Aruba, Boneiro y Corsou. Dilanti di un publico hopi interesa nan a demostra nan talento. Un biaha mas nos hobennan a proba cu dedicacion y bon guia ta condicion importante pa logra e nivelnan halto desea.
Dialuna mainta e conferencia Europe Meets the Americas a cuminsa oficialmente cu diferente presentacion di parti di Aruba, como tambe diferente stakeholders y analista, kende a splica e beneficionan di haci negoshi cu y via di Aruba, sea e compania ta di origen Americano of Europeo.
Recientemente tabata di bishita na nos isla Sr./Sra. Harvey & Kathy Hagman di Miami Florida. Sr. Harvey ta un periodista cu tin su mes un programa di radio “ Travel 10 “ y tambe e ta traha pa “ The Florida Weekly ” su edicion nan ta yega te cu Fort Meyers, Naples, Port Charlotte, Punta Gorda and tambe Palm Beach.
Fundashon Art Promotion International (API) ta dispone di un collection bunita di arte di un ocho artista. Un parti di esaki, cu ta imagina y refleja e factor "Oranje" como simbolo di union di hende de diferente parti di nos Reino Hulandes, por ser admira te dia 2 di juni 2013, den e exposicionnan den Ateliermuseum Jac Maris na Heumen y Augustinusklooster na Nijmegen.
Nos di www.condolencia-online.com kier a extende nos palabranan di condolencia na e famia y e pueblo di Corsou cu e perdida tragico di sr. Helmin M. Wiels.
Durante e show di modelahe y talento cu a tuma lugar diasabra ultimo den Club Caiquetio, e 4 reinanan di SeNd Productionz cu ta participando den e Mega Certamen di Cas Princesa Aruba a luci y triunfa!
Luna pasa 15 april ’13 candela grandi a destrui mangelnan na Pos Chikito den Spaans Lagoenweg 40 y 42A cu ta core paralel cu e costa. Ta tristo pa weita awe con canto di lama a keda. Restonan di e boto di fiberglass ainda ta lastra den e lama cu tur e fiber cu ta los di e boto. Mangelnan tur carbonisa cu ta susha lama.
Helmin Wiels kende a wordo likida na Curacao diadomingo atardi tabata bou di menaza. E tabata tin hasta un hende pa compañe tur caminda como parti di seguridad. Sinembargo Helmin Wiels mes a pidi pa su privacidad riba diadomingo y no tabata desea proteccion aunke e menaza tabata tey riba su persona.
E politico mas popular ultimo eleccion na Curacao a wordo tira mata. E tabata na un pier di Marie Pampoen unda e sa bai cumpra pisca. Helmin Magno Wiels a crece grandemente durante ultimo eleccion na Curacao pero te awe no a drenta gobierno. E ta controla gobierno for di parlamento. Helmin Wiels di 55 aña parce a haya cinco tiro. Ta ser papia cu ta dos homber cu capuchon mientras cu tin tambe informacion cu e hendenan no tabata cara tapa. Polis a bai cu urgencia y a bin haya e situacion.
Durante e prome dia di e conferencia "Europe Meets The Americas", PriceWaterHouseCoopers a duna un presentacion na e cantidad grandi di representantenan di varios pais Latinoamericano y Europeo cu ta na Aruba pa e evento aki. Drs. Ing. Edsel Lopez RA, director di PWC Dutch Caribbean a duna di conoce cu durante e presentacion nan a papia riba diferente posibilidad pa companianan stranhero cu kier bin haci negoshi na Aruba.
Sharline Tromp Faro, presidente di ODEA a hiba palabra durante e apertura oficial di Siman di Enfermeria, na entrada di Dr. Horacio Oduber Hospital. El a cuminza pa felicita tur e personal di enfermeria, esnan cu ta traha den cas di nos grandinan, studiantenan di enfermeria y sin lubida e enfermeronan pensionado cu a traha duro y a marca e caminda pa esnan di awe sigui cana, loke nan merece y ta honra di haci tambe.
Anochi banda di luz di trafico Fatum a tuma lugar un accidente cu herido leve. E accidente tabata entre un Hyundai y un Toyota. E Hyundai pasando den luz berde, diripiente un Toyota a crusa su dilanti y dal den dje. E Toyota a sigui core bay lagando e Hyundai riba caminda para. Polis y ambulance a yega na e sitio y a haci un chekeo na e persona nan den e Hyundai. Mientras polis ta busca e otro auto. Un rato despues e Toyota a yega bek na e sitio. A pidi ambulance pa bolbe bek pa e pasahero di e Toyota. Ambulance a transporta e victima pa Hospital.
Dialuna ultimo Santa Rosa a lansa oficialmente nan revista “Notirosa” cu lo sali cuminsamento di tur luna online riba Santa Rosa su website. E revista aki ta wordo dedica specialemente na e Agricultor, Criador y Piscadornan local, sinenbargo ta sumamente interesante pa pueblo completo tur edad. Den e edicion di mei tin various topico interesante manera entre otro e personahe di luna cual ta e hoben Urvin Croes di Modern White Cuisine, kende ta usa productonan local den su platonan.
E conferencia Europe Meets the Americas a cuminsa dialuna mainta cu hopi positivismo den un sala completamente yen na Westin Aruba Resort. E mainta a wordo habri cu presentacionnan di Minister President Mike Eman, Minister di Turismo, Transporte y Labor Otmar Oduber, Minister di Asuntonan Economico, Asuntonan Social y Cultura Michelle Hooyboer-Winklaar y Minister di Finansa, Comunicacion,
Hospital a habri su siman di enfermeria. Esaki lo bin cu diferente celebracion. A base di esaki mes tabata tin un acto oficial dialuna mainta na entrada di hospital. Minister Richard Visser tabata presente na e occasion aki. E ta wak e siman aki como uno hopi importante.
Introduccion di mas energia sostenibel ta trece extra presion riba e red di coriente di WEB. Motibo principal ta cu no por warda e exceso na energia genera na momento cu no tin demanda pa esaki. WEB Aruba su tarea ta pa keda ofrece un suministro di awa y coriente stabil y confiabel na comunidad di Aruba.
E Liga Hubenil di futbol di AVB presenta pa Gatorade e bebida oficial di nos hobennan futbolista a continua diasabra atardi ora cu e weganan den e Division di Menor a tuma lugar riba diferente tereno di bala rond di nos isla. Mester bisa cu AVB e dia aki a test su arbitronan nobo kendenan a caba di pasa e curso basico di referee.
Awe mi a lesa un articulo di digno Parlementario Melvin Tromp, tocante enseñansa. E articulo cu e titulo: E desaroyo berdadero di enseñansa aki na Aruba. Mi a spanta ora cu mi a realisa cu un miembro di parlamento ta papia di infrastructura como si fuera esey ta representa e contenido di nos enseñansa.
Diabierna anochi amantenan di arte, medionan di comunicacion y invitadonan a reuni na Cas di Cultura caminda e artistanan grafico Alejandro Sardi y Cesar Vasquez a habri oficialmente nan exposicion di trabounan original.
Manera tradicion di tur aña ariba 4 di mei durante e Dodenherdenking na Amsterdam, Minister Plenipotenciario di Aruba Edwin Abath conhuntamente cu Prome Minister di Hulanda Mark Rutte, Minister di Defensa Jeanine Hennis-Plasschaert, secretario di estado di Salubridad Publico, Bienestar General y Deporte Martin van Rijn, Minister Plenipotenciario di Curaçao Roy Pieters y Minister Plenipotenciario di St. Maarten Mathias Voges a pone un krans na e monumento ariba Dam.
E temporada di Little League den Center sigur ta drentando su fase final, y manera e anja nan anterior ta bai hunga e play off pa asina e muchanan sinja hunga baseball bao di presion di un nivel mas halto, den preparacion pa e weganan Interliga entre North y South League.
Tabata diadomingo atardi cu un of mas hende a pasa den auto y los algun tiro cu resultado fatal riba lider di Pueblo Soberano. "E ta un cos hopi teribel. Ta un cos cu nos como Gobierno ta censura cu e palabranan di mas fuerte cu por tin", asina Daniel Hodge, Minister Presidente demisionario a duna di conoce.
POLLXT_LOADING
