Tuesday, 25 July 2017
Parlamento a aproba adaptacionnan den Codigo Civil, incluyendo amiendanan Print E-mail
Thursday, 08 September 2016 22:23
Comparti

Front Parlamento (12)

Despues di 11 ora di reunion y debate, Parlamento den forma unanime a aproba e adaptacionnan cu lo drenta na vigor den nos Codigo Civil. Locual si no a conta cu aprobacion unanime ta e amiendanan, specialmente esun di union civil, cu a pasa cu un mayoria minimo di 11 voto na fabor.

Na tur a presenta 1 mocion pa urgi Gobierno pa introduci un fase transitorio den e cambionan den Codigo Civil cu a keda rechasa cu 8 voto na fabor y 11 contra. Despues a tratamento di e 9 amiendanan cu a presenta, di cual a "trek in" 5 bek, lagando espacio pa presenta y vota riba solamente 4 amienda. Ta trata aki di amienda # 5 presenta pa PDR pa bin cu proteccion contra debenan scondi pa herederonan. E amienda a pasa unanimamente cu 18 voto na fabor y 0 contra. Amienda # 6 pa promove miho financiamento pa panelnan solar na cas y oficina a pasa unanimamente tambe cu 17 voto na fabor y 0 contram Amienda # 7, cu ta e amienda adapta di e tres fraccionnan hunto pa e "Geregistreerd Partnerschap" a pasa cu 11 voto na fabor y 5 contra. Esunnan cu a vota contra tabata Parlamentario Lorna Varlack, Melvin Tromp, Clarisca Velasquez, Donny Rasmijn y Marlon Sneek, tur di e fraccion di AVP. E demas miembronan di AVP a vota na fabor pero a conta cu e sosten di oposicion pa por a yega 11 voto, esta di Evelyn Wever, Glenbert Croes, Chris Romero, Andin Bikker y paramentario independiente Marisol Lopez. E demas miembronan di MEP a bandona sala ora di votacion. E amienda # 8 cu ra regarda un oficina central pa tuma kehonan di abuso di mucha, a keda aproba unanimamente cu 16 voto na fabor y 0 contra. E cambio den e Codigo Civil mes a pasa unanimanente cu sosten di henter Parlamento di Aruba. E dos Ministernan cu a defende e cambionan den ley den Parlamento tabata Ministernan Paul Croes di Asuntonan Social y Arthur Dowers di Husticia.

gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter