Saturday, 21 January 2017
Glenbert Croes: AVP no a haci nada den 8 aña pa soluciona e problema di dump Print E-mail
Wednesday, 11 January 2017 23:06
Comparti

glenbert croes

Fraccion di MEP a ricibi informacion cu Gobierno lo ta trahando comisionnan pa studia e solucion pa e problema di e dump na Parkietenbos

, pero MEP ta expresa categoricamente cu nan no tin confiansa den Gabinete Mike Eman II cu awor den porta di eleccion kier gaña busca solucion simplemente pa stunt politico.

Durante 8 aña largo AVP no a haci nada pa soluciona e problema di dump y awor Gabinete Mike Eman II kier tira santo den wowo di pueblo, gaña traha comision comosifuera cu awor si lo logra un solucion. Esaki ta meramente zet politico pa haci P.R. cune. 

Di parti di partido MEP, Glenbert Croes ta expresa cu su confiansa ta den Serlimar mes pa nan trece un solucion pa dump bao condicion cu e solucion pa dump na Parkietenbos y su costo no por trece cune mas medida contra nos pueblo, pasobra nos pueblo no ta wanta mas castigo di tur e medidanan cu ya Gabinete Mike Eman a bin cune. Tambe cu e solucion pa dump mester garantisa e futuro existencia di Serlimar como nos compania nacional di servicio y limpiesa y por ultimo cu e solucion mester duna tur e trahadonan di Serlimar garantia di trabao, garantia di salario y garantia di pensioen.

MEP ta propone pa Serlimar mes forma su comision tecnico interno, cu representantenan di trahadonan como miembro, hefenan di departamentonan di Serlimar como miembro y directiva di Serlimar como miembro. E comision tecnico interno aki di Serlimar lo tin tur confiansa di MEP pa nan mes propone diferente opcion pa solucion definitivo pa e problema di e dump di Parkietenbos.

“MEP no tin confiansa den Gobierno di AVP”, asina Glenbert Croes a bisa. El a termina bisando cu “MEP no tin confiansa den e bon boluntad di AVP, pasobra despues cu 8 aña cu Gobierno a sinta man crusa sin haci nada pa soluciona problema, awor 8 luna prome cu eleccion kier gaña traha comision pa gaña bisa cu bo ta buscando solucion? Condenabel y inaceptabel”.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter