Tuesday, 25 July 2017
Aruba Aloe awor ta ofrece “Sugar Cubes” den tur su tiendanan y ta introduci un empake nobo Print E-mail
Wednesday, 15 February 2017 16:28
Comparti

Cesar  (9)

Aruba Aloe ta orguyoso di anuncia dos desaroyo cu recientemente a wordo implementa. E prome ta e introduccion di e Sugar Cubes den tur su tiendanan riba nos isla, y e otro ta e cambio di e empakenan di tur nan cremanan “travel sized”. E desaroyonan aki a wordo implementa door cu Aruba Aloe ta haci su best pa scucha e feedback di su clientenan y ta responde na nan deseonan.

Na cuminsamento di 2016, e Sugar Cubes di Aruba Aloe a wordo ofreci na solamente algun di su tiendanan. Mescla cu e hidratante “Shea Butter” y otro ingredientenan pa exfolia e cuero suavemente, e Sugar Cubesnan cual ta “paraben free”, a bira popular hopi lihe. Reconociendo e demanda halto cu tin pa e cubesnan, Aruba Aloe a hacinan disponibel den tur su tiendanan. Awor ta mas facil pa tur hende disfruta di e producto di baño dushi aki, cual ta bin den seis variacion igualmente poplular, nan ta: Peachy, Piña Colada, Sweet Orange, Lemon, Ocean Mist y Aruba Ariba. Aruba Aloe tambe a cambia su “travel sized” boternan pa “travel sized” tubo. E cambio aki a tuma lugar, como reaccion ariba e feedback cu e compania a haya for di su clientenan, kennan a laga sa cu tabata dificil pa saca e crema for di e boternan. E tubonan ta hopi mas “user-friendly” y ta sigura cu e clientenan lo haya mas satisfaccion posibel for di Aruba Aloe su productonan. Jessica Posner, e marketing manager di Aruba Aloe a comenta lo siguiente: ”No solamente nos ta hopi orguyoso di a trese e cambionan aki pa e publico, pero tambe nos ta hopi orguyoso di nos team, cual a haci un esfuerso extra pa por a ehecuta e cambionan aki.”

E ta agrega, “ Aruba Aloe ta aprecia e feedback cu e ta ricibi for di su clientenan. E feedback aki ta importante pa nos por keda ofrese e miho calidad di servicio y productonan na nos clientenan, pa asina nos por continua di ta Aruba su orguyo.” E compania cordialmente ta invita nos comunidad pa bishita su facilidad na Hato, pa por gosa di e tour gratis di e fabrica y museo. Aki henter e famia por siña mas tocante di Aruba Aloe, y dicon e ta wordo considera di ta Aruba su orguyo. Aruba Aloe, cual a ser funda na 1890, ta un di e unico companianan di Aloe na mundo cu ta crece, cosecha y procesa su Aloe na e mesun lugar. E Aloe aki, cual ta wordo concidera como e miho Aloe di mundo, ta e base di un coleccion di producto pa cuido di cuero, solo y cabey, y cu ta un coleccion cu ta sigui crece. Aruba Aloe awor tin 17 tiendai na Aruba, y su productonan ta obtenibel pa wordo cumpra riba www.arubaaloe.com (Merca & Canada) y na www.arubaaloe.nl (Europa).

dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter