Thursday, 22 June 2017
Rosabelle Illes artista invita na carnaval internacional de las artes Barranquilla Print E-mail
Wednesday, 15 February 2017 19:36
Comparti

Cesar  (9)

Entre 9 y 12 di februari ultimo, a tuma luga e di 11 edicion anual di Carnaval Internacional de las Artes na Barranquilla, Colombia. Tur aña, Fundacion La Cueva ta invita un total di 60 artista, actor, escritor, musico y academico pa comparti nan obra cu e publico den un programa extenso y varia.

Despues cu algun di e organisadornan a presencia e escritora Arubiano Rosabelle Illes su presentacion na e Feria Internacional de los libros na Bogota aña pasa, nan a keda impresiona y a invita Illes pa presenta su poemanan na e Carnaval Internacional de las Artes na Barranquilla. “Asina cu mi a ricibi e invitacion mi a bay lesa mas tocante e historia di e evento y mi a sinti mi honra ora cu mi a haya sa cu mi lo presenta den e espacio historico La Cueva”, Illes ta conta. Estableci na aña 1954, e bar La Cueva tawata bishita pa varios artista, escritor y academico di Colombia manera Gabriel García Márquez, Alejandro Obregon y otronan cu hunto a forma e famoso Grupo de Barranquilla. Algun aña despues, e bar a wordo desaroya den un restaurant y galeria y ta sigui fungi como un espacio unda obranan y proyectonan literario, academico y artistico ta wordo crea, discuti y ehecuta. “Tawata un experencia divino di por a presenta mi poemanan na e sitio aki dilanti un publico cu, apesar cu mi poemanan ta na Ingles y Papiamento, ta sinti mi palabranan y biba cu mi. E discusionnan cu mi a hiba cu algun persona den e publico a inspira mi enormemente. Tawata special tambe pa wordo acompaña pa e musica di Ivan Barrera, un artista naci na Barranquilla pero residencia na Aruba.” Banda di su propio presentacion, Illes a sigui e programa extenso di 4 dia.

“Fuera di por a presenta den un espacio cu ta significa asina hopi pa literatura, mi tawata contento di por a atende e sesionnan di escritornan renombra manera Octavio Escobar y Juan Manuel Roca. Escobar, na un manera hopi claro a bisa “si viene facil hay que desconfiarlo,”ora el a toca e importancia di redefini bo mes constantemente. Esaki a resona cu mi como cu mi semper ta busca pa ta inconfortabel ora cu mita creando un obra. Si mi ta sinti confortabel,mi sa cu mi ta riba un caminda peligroso artisticamente. Locual a impresiona mi di Juan Manuel Roca, aparte di su poemanan, ta cu durante su presentacion, e publico tawata grita cierto titulonan pidiendo pa nan wordo recita. M’a sinti mi na un concierto di un rockstar cu su fanaticonan gritando pa e toca su hits,” Illes a conclui hariendo. E escritora ta regresa Aruba cu mas conocemento y experencia pa sigui traha riba su proyectonan. Pa mas informacion tocante Illes y su trabou por bishita www.rosabelleilles.com

dowers dowers dowers
dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter