Wednesday, 29 March 2017
Raffy Kock: “Prome Minister Eman kier pa Parke na ex Bushiri bira un proyecto di pueblo pa pueblo” Print E-mail
Wednesday, 15 February 2017 19:57
Comparti

20170215 MinAZ Prome Minister Eman kier pa Parke na ex Bushiri bira un proyecto di pueblo pa pueblo 000

Ta hopi aspecto di recreacion pa pueblo por wordo inclui den e plannan cu tin pa e desaroyo di e tereno di ex-Bushiri Beach Hotel.

Un nomber no tin ainda, ya cu esaki ta algo cu Prome Minister Mike Eman no kier dicidi riba dje den forma unilateral, pero ta prefera laga pueblo duna su participacion den dje, mescos cu pa loke ta contenido di e Parke.

E area aki, Arkitecto Raffy Kock kende ta experto den desaroyo di espacionan publico a splica, ta uno masha bunita pa desaroya den un Parke di Pueblo. Pa cuminsa e ta un luga masha bunita pa mira bahada di solo pero tambe ta un area cu ta wordo uza pa sinta pisca. Pues “por bisa cu tin movecion caba tumando luga eynan, pero e edificio ta stroba e bista. E ta un luga atractivo pa desaroya di cualkier forma pasobra e ta un area di 'ocean front'”.

Gabinete Mike Eman II a tuma e decision pa desaroya henter e area aki den un beach publico cu diferente facilidad, despues cu e ultimo interesado pa desaroya un hotel no a cumpli cu tur e condicionnan. “Nos kier crea un beach publico, den algo similar cu Arashi unda cu no tin ningun hotel su dilanti,” Prome Minister Mike Eman a splica.

Cu un proyecto di e indole aki na ex-Bushiri Hotel Prome Minister Eman kier ilustra cu Aruba ta un isla cu hopi desaroyo y cu e  kier cu un area manera esun na Bushiri por tin un caracter publico hopi mas fuerte pa e hendenan compronde e aspecto aki, ta e impresion cu Raffy Kock a haya for di su combersacion cu e mandatario. El a recorda cu no ta tur caminda e beachnan ta publico y pa keda cerca di cas mes, e ta bisa, el a duna e ehempel di Corsou unda cu casi tur beach ta priva. E ta kere cu Prome Minister Eman kier pone un balansa, creando un beach cu ta 'mas publico' cu acceso liber, cu tur hende por yega ey na cualkier ora cu nan kier.

E Arkitecto ta impresiona tambe den e forma inovativo con Prome Minister Mike Eman kier implementa e plan di un Parke na tereno di unda antes Bushiri Hotel tabata. Asina e mandatario kier pa envolvi diferente grupo di comunidad den creacion di contenido di e plan pa e Parke. “E kier pa scucha kico ta biba den pueblo, kico e hendenan kier mira den nan espacio publico y purba implemente den e espacio concerni. Esey ta mi tarea den e proyecto aki, scucha e hendenan y pone den e diseño.” E por bisa cu ya caba el a ricibi hopi reaccion via Facebook y email di fundacionnan di Arte, di deporte (e.o. area di skate y auto remote control, ademas di beach football, etc.) Hasta a papia di un mini jardin, unda e hendenan por practica jardineria den forma relahante. Door di e 'input' di pueblo e ta bira un proyecto di pueblo pa pueblo.

24ora 24ora 24ora
24ora   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter