Saturday, 25 February 2017
Robert Jeand'or: Mantencion ta algo constante riba kapel Print E-mail
Wednesday, 15 February 2017 20:48
Comparti

robert j

Nos a papia cu Robert Jeand'or, kende ta un di nan cu ta tira bista riba e Kapel di Alto Vista y tambe percura pa e mantencion. E ta ubica den un area basta fastioso.

El a splica cu mantencion ta algo cu ta constant tur dia riba e kapel. Awa a yobe hopi ultimo tempo y loke ta pasa ta cu tin cu kita un tiki lage, warda te ora e baha un poco. Awa ta keda yobe y yerba ta keda crece. Ta cos cu ta haci semper. Mantencion, verf kapel, ki ora cu tin algo cu wak, ta verf e kapel mesora. E tin tur verf na cas den un cuarto special warda. E colornan tambe tin den numeracion. Ki ora mester di un cambio, ta pone man na dje. Dos dama ta bin haci limpi tur dialuna. Den e caso di mop y haci goeie beurt, cu ta uza e sistema ey, pa e misa cu tin diamars. Por lo general durante siman, nan ta tuma rienda di kapel.

Jose Figaroa tambe ta uno cu ta mantene e kapel, pero e ta malo. Jeand'or ta bin eynan pa haci e obra di Dios. Joao Andrade tambe ta duna un man y awor aki ta forma parti. Nan ta tres persona cu ta tene e kapel limpi y ta mantene. Ta spera cu mama Maria y Dios pone man riba Jose cu e por bolbe bek sano.

Jeand'or ta lanta tur dia 5’or di mainta, toca of no toca, e ta lanta y ta bay haci su trabaonan na kapel. Ya pa 5’or y 20 e ta eynan. E hendenan ta yega hopi tempran, segun e ta splica. Tin dos persona cu e sa sigur sigur cu ta yega eynan mes ora cu e mes ta yega. Of hera ora e yega, ya nan ta eynan caba.

Y pa 6’or di atardi ta cera e kapel.

Eynan nan ta bari, mop, pasa paña riba e bankinan, haci e bentanan limpi. Etc. Hopi turista ta bin eynan tambe. Ta un manada di turista ta bin y ta increibel. E no ta bin atardi y mainta tempran so. De bes en cuando e ta bin durante dia of ora cu tin algo special. 

Tin un persona cu ta bende bela eynan, si algo pasa, ta yama Jeand'or mesora y e ta atende esaki. Tin cu respeta Señor tambe. Tin cos cu ta pasa cu no ta bon y tambe tin hopi cos bunita eynan. Jeand'or ta bisa pasobra el a presencia.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter