Tuesday, 25 July 2017
Magda Tromp a gradua como Bachelor den Organization, Governance and Management Print E-mail
Thursday, 16 February 2017 08:41
Comparti

Cesar  (9)

Dilanti di un comision di graduacion studiante Magda Tromp a defende su investigacion pa obtene su titulo di bachelor den Organization, Governance and Management. Esaki ta un programa academico cu Faculty of Arts & Sciences di Universidad di Aruba ta ofrese. Magda ta e di diesdos graduado di e programa di estudio aki.

E presentacion y defensa di e tesis a tuma lugar dilanti di e comision di graduacion cu a consisti di drs. Angelo Brete (supervisor di thesis), drs. Yolanda Richardson y director suplemente di Brandweer sr.Ponson, cu a representa e organisacion den cual e investigacion a wordo hasi. Magda ta traha na Departamento di Finanzas y e la a scoge pa haci su investigacion riba e tema con por garantisa e nivel di produccion na Brandweer aunke cu e edad di pensioen a subi, sin gastonan aditional riba tereno di personal. Magda su tesis tabata uno sensitivo y cu yen di reto. Magda a indica cu e edad di pensioen a subi den loke ta mustra den e documentonan cu e la studia, por medio di un acuerdo seya entre sindicatonan, cu ta representa e trahador, y gobierno. Pero segun e teoria y experiencia na Hulanda, e acuerdonan aki no a tene cuenta cu e necesidad di e trahador cu tin un trabao cu ta fisicamente pisa y specialisa; e asina jama "bezwarende functie". Pa e motibo aki Magda kier a studia con e implementacion di e acuerdo y decision aki lo por tin influencia riba e trabao cu e trahador ta desplega una bez cu e pasa e edad di 60 den e parti represivo di Brandweer. Tambe Magda a studia kico ta e riesgonan pa "bezwarende functies" pa trahadornan cu ya a cumunisa sinti e efectonan fisico di un edad avanza y particularmente pa esnan cu ya a cumpli 45.

Magda a haci investigacion di e documentonan existente na Departamento di Brandweer, e teoria y experiencia na Hulanda den e area di "bezwarende functies" y e la diseña un questionario cu e la suministra bou di e empleyadonan di Brandweer. E obhetivo tawata pa wak p.e. si e trahadornan ta sinti e consequencianan di nan edad ora di ehecuta nan trabao (cu ta un bezwarende functie). Otro resultadonan cu e la colecciona ta tin di haber cu e deseo di cambia di funccion o mobilisa den e Departamento di Brandweer mes como strategia pa atende cu e proceso di "veroudering" bou di e trahadornan di Brandweer. Un di e resultado di e investigacion ta mustra cu e edad di e trahador ta dificulta su abilidad pa traha como bombero y cu lo mester traha riba un maneho riba e tereno aki pa garantisa e produccion y calidad di trabao specialisa y pisa di un bombero. Magda a despleha hopi curashi y perserverancia y despues cu e la defende su tesis decano drs. Tim Croes a haci entrega di e diploma den presencia di su yiu, famia, amigo y conocirnan. Comunidad di Universidad di Aruba, particularmente e departamento di ‘Organization, Governance and Management’, ta felicita Magda cu e logro aki y ta manda desonan di hopi exito pa su carera profesional. Pa mas informacion riba e estudio OGM, bishita e website di Universidad di Aruba na http://www.ua.aw/OGMy e pagina di Facebook cual ta https://www.facebook.com/pages/University-of- Aruba-OGM- Organization-Governance- Management-FAS/

dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter