Thursday, 22 June 2017
Minister Arthur Dowers: MEP ta gaña y mal informa pueblo Print E-mail
Thursday, 16 February 2017 08:46
Comparti

Cesar  (9)

Den e dianan aki, mirando e desaroyonan di criminalidad, naturalmente politiconan ta probecha di e ocasion pa haci atakenan frontal riba maneho di Minister di Husticia, Arthur Dowers. El a splica cu politiconan ta haciendo hopi politica cu husticia den e dianan aki y ta bin hopi atake. Esey ta buta tambe cu tin cu contesta.

Ora nan papia, e minister no ta preocupa cu nan pasobra tin cos mas importante pa haci cu reacciona riba un Evelyn Croes, un Besaril. Pero awor aki toch ta momento cu tin cu haci’e, pasobra nan ta gaña pueblo. Hasta nan a bay saca un Rudy Croes for di stal cu nunca di su bida el a duna un hende verlof y ta VI so e tabata duna. Ta un cos cu ta confirma cu partido MEP no ta serio, pasobra nunca nan a traha riba e proceso di rehabilitacion di preso. Nan no ni sa con e proceso ta. E minister no por imagina cu un minister di Husticia cu no sa si el a duna verlof y no por imagina cu tin un proceso cu ta yama Rehabilitacion di preso, di un instituto coreccional, cu ta hisa un hende benta te ora cu e ora yega pa nan bay. Ta un cos totalmente ridiculo. No ta compronde ki necesidad partido MEP tin di bin gaña cu asina cos ta bay bao di nan responsabilidad. Tempo nan tabata den gobierno, nunca partido MEP a yega di revoca un criminal su VI. Un criminal cu sali y pone stipulacion pe y e por haci kico cu e kier, nunca a revok’e. Tempo di MEP no tabata tin interes den rehabilitacion di hende, no tabata tin interes den percura pa hendenan cana serio den comunidad. Tabata djis un proceso administrativo y no tabata worry cu nada. Nan tabata biba lekker, fiesta, tira nan mesun auto, gaña cu nan ta tira riba nan auto, busca miyones na polis pa proteha nan y laga e comunidad inproteha. Un otro cos importante pa realisa ta cu tanto Besaril, Evelyn Wever-Croes, Xiomara Ruiz-Maduro, hendenan aki mayoria parti no ta bin trabao.

E minister a splica cu mayoria di e leynan cu a pasa pa siguridad y proteccion di nos pueblo, ningun di nan nan tabata tey. Por corda e shopping spree cu tabata tin di diferente hende di MEP y tambe despues cu nan tabata na Disney World cu no a bin ningun di e reunionnan importante. Un di e reunionnan cu si nan a bin na un reunion caminda cu ta regla con cos ta bay den prizon, cual ley nan a vota pro, pa e preso haya verlof. Awor aki cu a vota pro pa tin preso a haya verlof, Evelyn Wever-Croes, Xiomara y Besaril, ta sali bisa cu no, no mester haya verlof. Si tabata kier pa no haya verlof, mester a vota contra e ley of pidi pa cambia pa nan no haya verlof. Den e sistema cu tin cu ta trata a rehabilita un hende, si un hende ta comporta su mes conforme regla, por hay’e. No ta compronde cu tin un set di hende asina bruha, of sinberguensa, pasobra si tabata tin berguensa, no por papia cosnan aki. Tin curashi di sali bisa cu e unico hende na Aruba cu ta sirbi pa bira minister di Aruba, ta Besaril, pasobra ningun abogado, ningun hurista, ningun profesor di ley, ningun no ta sirbi. Unico hende pa sirbi pa bira minister di Husticia ta Besaril. Awor ta puntra si ta asina mes lo spera cu hende ta haci sikiera su huiswerk. Sikiera por lesa ora nan duna un ley, pasobra e ta asina bon, asina experto, por lo menos por lesa e ley. Si bo no ta compronde loke tin den e ley, lo tin cu puntra, pasobra tin un Ady Thijsen cu ta hurista y ta compronde ley. Por puntre kico ta skirbi den ley y no papia cos di spetakel. Normalmente e minister ta bisa cu e no ta reacciona riba hende asina, pero tin cu haci’e. Nan mes awor aki ta mal informa pueblo, spanta pueblo, crea angustia den pueblo y ta bisa cu den un estado di derecho tin limite encuento politica y barbaridad cu ta papia, sin cu hende ta bay contesta. Awor aki a yega asina leu cu sr. Besaril mester compronde si ta serio, ta contribui na combatimento di criminalidad, cuminsa lesa e leynan y pidi Ady Thijsen splicabo kico ta poni den ley, e mandatario a splica.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter