Saturday, 25 February 2017
Aeropuerto di Aruba a gradici su partnernan valioso pa 2016 Print E-mail
Thursday, 16 February 2017 14:53
Comparti

Cesar  (9)

Aruba Airport Authority N.V. (AAA) recientemente a tene su Relations Party anual y a usa e oportunidad aki pa gradici tur su partnernan cu ta traha hunto pa aeropuerto por ta exitoso. E ta tuma varios persona y diferente organisacion pa maneha e retonan diario pa mantene e operacionnan di un aeropuerto, y 2016 no tabata un excepcion.

E evento cu tema “Barnyard” a wordo teni na Alhambra Ballroom, y durante e festividad, 3 award unico a wordo otorga di parti di AAA pa prestacionnan excepcional den 2016: ANSA N.V. a ricibi e “Airport Partnership Award” for di CEO di AAA Sr. James Fazio pa e varios logronan, incluyendo algun inversion tecnologico cu ta na caminda pa control di trafico aereo y pa nan compromiso y dedicacion pa mantene e shelo di Aruba sigur. United Airlines un biaha mas a ricibi e “Airline Marketing Award” for di AAA su Air Service Development Manager Sra. Jo-Anne Arends pa e aumento di 11% di pasahero adicional y 10% mas capacidad di asiento den 2016.

Dufry Aruba N.V. a ricibi e “Airport Concession Award” for di AAA su Commerce Manager Sr. Marc Figaroa pa nan aumento den benta cu 11% y por lo general un prestacion excepcional bou di e concesion Liquor & Tobacco. “Mirando cu nos ta preparando pa e proyecto “Gateway 2030”, e siguiente anjanan lo tin su retonan, incluyendo varios cambio y algun inconveniencia. Pero, nos sa cu nos tin e sosten di nos partnernan di aeropuerto y nos lo “roll up our sleeves” cu e conocemento cu hunto nos lo logra finalisa un proyecto cu Aruba lo ta orguyoso di dje,” asina CEO di AAA Sr. James Fazio a bisa durante su discurso.

dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter