Saturday, 25 February 2017
Mervin Wyatt-Ras: Digitalisacion ta un proceso importante pa funcionamento di Parlamento di Aruba Print E-mail
Thursday, 16 February 2017 15:40
Comparti

Cesar  (9)

Presidente di Parlamento ta informa cu ya caba ta di dos biaha cu Parlamento a reuni den comision presidi pa e presidente tocante optimalisacion di e proceso di automatisacion di Parlamento.

Den e reunionnan e persona encarga cu IT ta duna un presentacion na Parlamentarionan tocante tur loke ta ensera software y tambe e procesonan necesario. A trata e sistema actual cu tin, uzo di decos, transmission di reunionnan, servicio di mobilidad y a duna un bista financiero di diferente anja y kico pa sigui haci den futuro. Desde 2006 Parlamento di Aruba a inicia cu proceso di digitalisacion. A introduci decos pa registra y warda tur documento cu drenta Parlamento. A haci diferente inversion di aparatonan/devices. Awor tin cu renoba tanto aparatonan y licencianan. En comparacion cu antes awor tur documento por ser busca dor di e parlamentario mes y reunionnan por ser yama hopi mas liher y sin uzo di mucho papel, tin un website y ta uza menos papel en comparacion cu antes.

E proceso aki ta bayendo hunto cu e cambio di mentalidad pa uzo di aparatonan envez di papel. Envez di pen cu papel miembronan di Parlamento ta traha aribanan laptop of iphone. Tanto parlamentarionan como personal di Parlamento por haya tur informacion na un forma digital pa por facilita nan trabou. Por papia di un proceso importante y cu a contribui na transparencia. Sinembargo e proceso aki no a bai facil y mester mas atencion. En bista di esaki den e comision aki lo yega tambe na un vision pa futuro.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter