Saturday, 25 February 2017
Minister di Asuntonan Social, drs. Paul Croes tin como prioridad atencion pa personanan cu limitacion Print E-mail
Thursday, 16 February 2017 19:09
Comparti

Cesar  (9)

Desde comienso di Gabinete Mike Eman 2, Minister Croes a pone riba su agenda un atencion special pa personanan cu limitacion. E maneho aki den 2017 ta continua y cu mas perseverancia pa cumpli cu e meta pa mas inclusion di personanan cu limitacion den nos comunidad.

E maneho social aki ta pone enfasis riba e posibilidad pa crea mas oportunidad pa personanan cu tin cualkier tipo di limitation wordo mas inclui den nos comunidad y participa den differente area di e sector laboral riba nos isla. Esaki lo trece cune sin duda algun menos discriminacion di personanan cu limitacion y ta eleva calidad di bida di cada un. Banda di esaki, nos comunidad lo tin e oportunidad di brinda un aprecio special na e personanan aki, mirando nan deseo y trabow duro pa un trato igual. Pa haci esaki posibel Ministerio di Asuntonan social ta conta cu differente fundacion cu ta duna guia y cuido na personanan cu limitacion riba un base diario. Minister Croes tin un aprecio special pa e trabow incansabel aki, y ta aplaudi un y tur cu ta aporta na meta aki. Minister Croes ta para fuerte riba e punto di bista cu e personanan aki no mester wordo exclui, pero mas bien inclui y nan derechonan respeta,esey ta e enfasis cu lo tin un biaha mas den 2017. E aña aki, Gobierno di Aruba y Ministerio di asuntonan social a conoce un aumento substancial den presupuesto pa asina por sigui subsidia e instancianan concerni y por continua cu e bunita trabow. Minister Croes ta desea di pronto mira e comunidad mas envolucra y asina hunto yuda logra e meta pa mas inclusion di personanan cu limitacion den nos comunidad.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter