Saturday, 27 May 2017
Awo studiantenan tin mas oportunidad cu acuerdo entre Ministerio di Enseñansa y Niagara College na Canada Print E-mail
Thursday, 16 February 2017 19:51
Comparti

RLQ 3730 Custom

Durante un encuentro Minister di Enseñansa, Michelle Hooyboer-Winklaar a firma e di 8 acuerdo cu un scol superior na Canada, esta Niagara College.

Representante di e scol como tambe studiante Arubiano gradua na e scol hunto cu representante di Embahada di Canada encarga cu Aruba y Corsou a expresa nan entusiasmo pa e logro aki cu lo brinda mas oportunidadnan na hobennan Arubiano.

Director di Niagara College, Sean Coote a expresa cu e ta un gran placer cu nan ta aki awe trahando cu e Ministerio di Enseñansa di Aruba pa por formalisa un acuerdo… “algun ta pensa cu ya a bira tempo.”

“Niagara a yama hopi studiante di Aruba bon bini durante e añanan y door di formalisa un acuerdo nos ta sinti cu e lo yuda habri portanan pa hopi mas hobennan studiante di Aruba haya e oportunidad di bay studia na Canada. Mas importante ainda yuda conecta nos dos sistemanan di educacion pa asina por amplia e oportunidadnan pa studiantenan como tambe e colaboracion entre nos institucionnan educacional na Canada y Aruba,” el a agrega.

“Niagara College tin un historia largo. Nos ta cumpli 150 aña y ta ofrece mas di 100 diferente tipo di programa diversifica y diferente disciplina,” Sean a amplia. E la sigui bisa cu lo cera conoci cu algun di graduadonan di Niagara College cu awendia ta haciendo un impacto grandi na Aruba como tambe rond di mundo… ‘y nan ta sigui haci impactonan hopi grandi aplicando e educacion cu nan a haya na nos institucion.”

Sean Coote a sigui splica cu Niagara College ta localisa den e region di Niagara cu ta famoso pa Niagara Falls cu ta atrae aproximadamente 14 miyon bishitante pa aña cu ta bay specificamente pa mira e waterval. “Asina por mira algun di e similaridad nan cu Aruba y su industria di turismo y Niagara cu su industria di turismo tin cu ta haci e sociedad aki uno grandi como tambe un colaboracion entre gobierno, e ministerio y nos scol cu nan programanan,” e ta remarca.

“Awe ta un dia excitante pa e college pero realmente e ta un continuacion. Awor nos ta cuminsa un capitulo nobo den e relacion cu nos tin cu Aruba y su studiantenan y e gobierno di Aruba. Nos ta wak dilanti cu hopi entusiasmo na e proximo añanan pa logra expande e oportunidadnan pa e studiantenan y expande e oportunidadnan di colaboracion entre Niagara College y e Ministerio di Educacion di Aruba,” E director di Niagara College ta enfatisa.

Alumni Arubano, Aleida Hector ta cuminsa bisando cu e ta gusta pensa di su mes como un di e prome nan cu a bay Niagara College hopi tempo pasa… “y mi ta extremadamente orguyoso y

contento cu e acuerdo aki ta tumando luga awe pasobra ami y mi otro coleganan di Niagara College a experiencia un tempo inolvidabel di educacion como tambe a haci hopi amistad.”

“Awor mas studiante di nos isla tin e oportunidad di experiencia loke cu nos a haci tur e añanan aki pa e studiantenan cu scoge Niagara y Canada mi ta contento cu nan tin e opcion habri aki di bay studia afo cu e scol aki.

Aleida a yega na Niagara College via un amiga cu tabata bin di vakantie… “y mi a bay cerca dje na Canada cu vakantie. E a bisa mi pakico no bay Niagara College. Mi a bay wak con e ta y m’a namora cu e scol di biaha. Asina mi a cuminsa mi aventura pa yega for di Colegio Arubano cu mi HAVO diploma na Niagara College. Mi a gradua den Recreational Leisure Service y tambe Special Event Management y asina mas studiantenan di Aruba a yega y nos a haya otro tambe na e scol,” Alaida ta splica.

Senior Trade Commissioner di Embahada di Canada na Caracas, Venezuela, responsabel pa Aruba y Corsow, esta Ada Luiz Rodriguez a gradici gobierno di Aruba, specialmente Minister di Enseñansa Michelle Hooyboer-Winklaar pa su generosidad, hospitalidad… “y mi ta complaci di por bisa na nomber di gobierno di Canada di ta akinan sosteniendo un di nos gran institucionnan educacional, Niagara College. Mi ta contento di mira cu nos sociedad cu gobierno di Aruba ta creciendo y ta mira dilanti pa mas studiantenan di Aruba lo scoge Canada y asina intercambiando experiencianan di cultura.”

24ora 24ora 24ora
24ora   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter