Monday, 29 May 2017
Dr. Luis Arango: Por lo menos 20 mil pashent a wordo atendi durante 4 aña di e proyecto di Bus di Salud Print E-mail
Thursday, 16 February 2017 20:21
Comparti

IMG 3254 Large

Nos a combersa cu dr. Luis Arango, kende ta medico responsabel di bus di salud, caminda cu nos por a mira cu nan ta druk bezig. Tin un bista completo di e uzo di e bus.

 Nan tabata na Savaneta y tambe  na Dakota. En general el a conta con a bay cu 2016.

El a splica cu nan a mantene un actividad continuo durante tur 4 aña cu e proyecto aki a start na 2012. A caba aña 2016 cu un total di 20 mil pashent atendi riba henter Aruba, cu ta un total significante di pashent. Nan actividad a keda sin stop durante tur e aña aki y manera nos tur sa, ta orienta riba e prevencion tocante enfermedadnan cronico, esta hipertension, diabetes y en general malesanan cardiovascular, cual ta e prome causa di morto na Aruba.

Situacion

Dr. Arango a splica cu e respons di comunidad a keda uno hopi importante pasobra di esey ta depende e exito di un proyecto manera esaki. Pero en general e proyecto a haya un recepcion sumamente interesante den comunidad. Nan ta keda asisti na e actuacion riba tur districto. Durante e añanan aki e cantidad di pashent no a baha. Ta mantene un averahe di 4500 pashent pa aña, cual ta un cantidad importante pa locual ta e recurso cu tin disponibel y naturalmente e trabao ta keda den e liña aki di mantene tur esfuerso pa por mantene e prevencion di malesa cronico.

Cuanto pashent pa dia

Ta cuminsa cu e actividadnan pa banda di 8’or di mainta te cu 3’or di atardi. Ta traha sin interupcion y ta atende un averehe di 30 pashent pa dia, cual pa nan ta suficiente. E demanda den comunidad ta surpasa esey. Pero e capacidad di atencion tambe tin un limite humano y responsabel. Un averahe di 30 pashent pa dia ta locual ta asumi como un limite aceptabel y en general, apesar cu e demanda ta asina grandi, a ripara esey. E bus ta ripiti su bishita na comunidad, cu ta rekeri pa mas atencion semper.

Presencia di bus

Dr. Arango a sigui splica cu un efecto di e bishita por ehempel den organisacionnan gubernamental of companianan priva, ta cu nan por evalua e resultado despues di dos of tres bishita di e bus. Locual cu a bin constata ta cu tin cambionan importante den cifranan di colesterol, presion halto y sucu. Den e fondo en general den organisacionnan di 200 pa 300 persona of trahado y pa nan ta e resultado sumamente satisfactorio. E mayor interes ta pa haci evaluacion y ademas duna guia na organisacionnan cu ta rekeri esey pa por yuda e trahadonan maneha of resolve problemanan di salud cu por wordo preveni na tempo, segun dr. Arango.

Normalmente e pashent ta yega na e bus y ta evalue. Si e ta rekeri di un intervencion medico mas den profundidad of di testnan adicional, nan ta referi e pashent na su dokter pa via e canal regular oficial haci su testnan. Normalmente e trabao ta riba area di prevencion cual ta yama primordial. Prevencion cu tin di haber cu e estilo di bida. Riba liña di tratamento medico pa malesanan cronico ta wordo completa cu e prevencion y cambionan den estilo di bida cu ta sumamente importante. Ora ta rekeri berdad di atencion mas profundo. Semper ta dirigi e pashent na e dokter di cas of specialista, pa continua cu esaki, dr. Arango a indica.

24ora 24ora  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter