Thursday, 22 June 2017
Aruba y Caribe den shock pa fayecimento di Nando “Breaker” Browne Print E-mail
Friday, 17 February 2017 13:30
Comparti

Cesar  (9)

Diabierna a habri cu noticia tristo ora cu a confirma fayecimento inespera di e conocido artista Nando Browne mihor conoci como “Breaker”. Nando tabata hopi conoci pa su carera musical specialmente como cantante principal di e banda Impak.

Informacion ricibi ta duna di conoce cu Nando lo a fayece di un ataca di curason.

Nando a nace na Sint Maarten na 1979 pero a bin biba na Aruba for di un edad hopi jong. For di aña 1991 e la cuminsa subi stage y semper a cosecha exito pa su forma energetico di presenta pa e publico. Entre otro Nando a forma parti di Basic One, Chups Band, Chrome Band, Impak Band y otronan. Algun aña atras e la dicidi di residencia su mes na Curacao unda cu e la labora na Renaissance Hotel y tabata canta den diferente banda manera D Edge Band y mas recien Fyah Band. Pa loke ta competencianan di Calypso y Roadmarch Nando semper tambe a sa di presenta cancionan cu a bira exito.

Cu Impak band Nando a yega di biaha pa hopi isla den Caribe y hasta paisnan grandi unda cu semper e la saca cara di Aruba. E nivel di energia cu Nando semper tabata dun abo lo por pone para facilemente banda di artistanan manera Beenie Man of Elephant Man. Detaye di entiero no ta conoci ainda. Palabra di forsa na tur famia, amigo y fanaticonan di Nando “Breaker Brown.

SMAC a informa cu Jouvert Morning di e aña aki lo ta dedica na Nando.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter