Tuesday, 27 June 2017
Lider di POR tambe a haya firma di Minister riba mesun dia cu el a haci peticion pa tereno Print E-mail
Thursday, 18 May 2017 20:41
Comparti

Otmar

Ora cu kier papia di tereno, tin cu papia tur berdad si y no solamente cosnan di otro y laga di bo scondi bou di tapijt.

E lider di POR den pasado a wordo cuestiona durante di reunionnan publico pa un tereno cu el a solicita cerca Minister Benny Sievinger  y aki tambe mescos cu e Minister ta haci cu tur hende cu bin cerca dje cu peticion di un tereno, e ta coopera te na unda cu e por.

Awo  ta facil bay den prensa, mustra documento y cuestiona con rapido Minister a firma e peticion pa un tereno mientras cu pueblo mes tin cu spera hopi tempo pa logra esaki.

Ya caba den pasado Minister di Infrastructura a splica den Parlamento cu tur hende cu bin na su oficina cu peticion pa un tereno, e lo coopera te na unda cu e por haci esaki y den e grupo cu a bin cerca dje, tin tambe e lider di partido POR.

Ora cu tuma nota di e carta cu e peticion di e lider di POR tempo cu e tabata Minister, esaki ta data for di 16 di November 2015 caminda el a pidi un bon pida tereno pa haci agricultura y riba mesun carta abou por mira e firma di Minister fecha tambe mesun dia cu ta 16 di November 2015.

Bou di e carta aki, mescos cu tur otro peticion cu e firma pa un ciudadano cu ta aplicando pa un pida tereno, e mandatario ta pone “Gaarne Uw medewerking” y e lider di POR tambe a haya esaki cu su carta riba mesun fecha cu el a bay cerca e Minister cu su peticion.

Ora cu haya e carta aki di Minister, e proceso tin cu cana su curso y e departamentonan concerni prome cu e persona haya e carta aki, pues e lider di POR a aplica pa tereno y a haya esaki tambe riba su nomber.

Informacion  cu tin ta mustra cu no ta solamente e lider di POR a haya un carta asina pero varios di su amigo y conoci di dje cu tambe a haci mesun peticion na e Minister pero awor cu e lider di POR ta sinta riba un stoel cu e no ta custumbra di sinta ariba, e ta hunga como “yo no fui.”

Dia cu miembronan di oposicion a cuestiona e peticion pa tereno di su persona cu e tempo ey tabata Minister, el a bisa cu no tin nada malo cu esaki y cu sostene e Minister y sostene su maneho cu e ta hibando pero awor cu e no ta cu e partido di e Minister mas, e lider di POR kier mira esaki como algo malo, algo negativo mientras cu e mes ta parti di esaki.

Tin mas miembronan di oposicion cu tambe a haci peticion pa un tereno den ultimo añanan, cu tambe a haya un carta similar cu firma di e mandatario cu ta pidi e departamento concerni pa nan cooperacion te na unda cu esaki por y cantidad di ciudadano tambe a haya e sosten di Minister Sievinger pa mira si nan lo por yega na un pida tereno pa traha nan cas of lanta nan negoshi.

Mustrando un desesperacion total e lider di POR awor  cu e no por presenta un alternativa diferente na e vision cu el a sirbi y sostene pa mas cu 15 aña caba, e ta trata di pinta e vision aki como algo negativo siendo cu apenas cinco luna pasa, e tabata parti di e vision aki y a sostene e vision aki den reunion publico di Parlamento aña pasa.

dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter