Tuesday, 27 June 2017
Julius Hart: Ta Prome Minister Mike Eman mes a bin bishita’mi awe! Print E-mail
Thursday, 18 May 2017 21:38
Comparti

20170518 MinAZ Accion di Bario Julius Hart Sero Preto 000

Esaki ta e expresion cu e ciudadano aki di Sero Preto a haci, mustrando su sorpresa cu un mandatario a cana yega su cas.

Diabuebs mainta Prome Minister Mike Eman hunto cu su team di BoBario, funcionarionan di City Inspector

, GKMB y SERLIMAR a cana den bario di Sero Preto. Prome Minister a cuminsa haci e caminatanan aki mas di 7 aña pasa. Meta di Accion di Bario ta pa conoce e preocupacionnan di cada bario, pero tambe e sugerencianan cu nan por tin pa mehoracion di nan bario y tambe Aruba en general. Prome Minister ta haya e contacto cu pueblo aki un parti esencial di e maneho di su gabinetenan. Algun aña atras den e bario a informa Prome Minister cu e bario mester di luz principalmente. Prome Minster ta contento di informa cu awe ta asina leu cu luz ta yega partinan di e bario cu no tin luz.

E instancianan di gobierno ta probecha accion di bario pa nan tambe por tin un contacto cu barionan y por haci nan inspeccionnan, den e caso aki GKMB ta probecha di haci control pa insectonan indesea, pero particularmente, criadero di sangura. Serlimar di su banda ta cla pa yuda bisiñanan cu sushi cu normalmente no por deshaci di nan. Hopi bes, hendenan grandi ta aprecia esaki masha mes, ya cu hopi bes ta dificil pa nan por move of carga sushi pisa of grandi. City Inspector ta haci su sondeo den e bario pa sa e preocupacionnan cu nan por traha riba nan na beneficio di e bario henter.

Den combersacion cu e habitantenan, habitantenan a expresa alegria pa e promesa cumpli di e peticion cu nan a pa instalacion di luz di caya. Mescos cu e otro barionan, e otro deseo di importante di habitantenan ta pa camindanan asfalta. “Esaki ta un promesa tambe cu nos ta haci”, Prome Minister Eman a bisa e habitantenan. E ta den combersacion cu Minister di Infrastructura caba riba e barionan unda cu ta hopi urgente pa haya asfalt, unda cu no tin ningun caminda asfalta.

E bishita di e mandatario den e bario den algun caso a wordo spera y otronan el a cay di sorpresa, unda ciudadanonan tin bes no por kere cu di berdad Prome Minister Eman ta di bishita cerca nan, manera ta e caso di Julius Hart, kende tin 40 aña bibando den e mesun bisindario, mescos cu diferente otro miembro di su famia. “Awe ta Minister President mes a bishita’mi. Awe ta prome biaha den historia cu algo asina a sosode aki banda. Practicamente tur esnan di pasado, a yega di pasa pero pa busca voto y bay. Nan a priminti, pero nada a bira realidad. Mi tin 40 aña sperando un poco di asfalt pero nada. Awo mi ta convenci cu awo si mi ta bay haya asfalt.”

Sero Preto ta parti di bario di Paradera cu a crece basta den ultimo añanan y a conoce un desaroyo positivo, manera por mira riba e caminda grandi. Tur esaki ta basa riba deseo expresa door di e habitantenan na Prome Minister durante e bishita den bario. Pesey, Hart ta bisa, e bishitanan den bario ta algo hopi positivo cu mester keda existi. Esaki ta e forma con pueblo por expresa nan mes na e mandatarionan.

E trabou haci door di Gobierno ta algo cu sr. Hart tin elogio p’e. Esaki tabata falta hopi, atencion pa e barionan. Pero tambe e ta aprecia e inversionnan cu Gobierno a haci pa futuro. “Hopi hende ta reclama cu ta gasta hopi placa, pero bo tin cu inverti pa mañan por mira e fruto. Asina mi ta wak’e!” E ciudadano como gradicimento a regala Prome Minister Eman un Papaya di su propio cosecha.

dowers dowers dowers
dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter