Monday, 22 May 2017
Minister Mike Eman: MFA Savaneta lo ta dedica na Shon Lang van der Linde Print E-mail
Thursday, 18 May 2017 21:45
Comparti

IMG 4919

Prome Minister Mike Eman a haci un recorido riba e edificio di MFA Savaneta y e tabata un momento special. Hunto cu e manager di MFA Savaneta Kimberly Boekhoudt

, nan a invita e famia van der Linde kendenan lo bay tin un anochi special. Durante e apertura lo dedica e nomber di MFA Savaneta na Shon Lang van der Linde q.e.p.d..

Shon Lang van der Linde ta un personahe hopi conoci den Savaneta pa su trabou riba e tereno di arte, cultura y musica. Tambe e tabata hopi conoci den mariachi pero tambe e tabata un persona cu a inculca cerca hobennan sentimentonan pa por ehempel aginaldo. Semper e tabata kier pa na Savaneta tin un luga unda cu por a siña hobennan musica.

E mes tabata haci esey hopi na cas, unda cu el a dedica hopi aña di su bida no unicamente na formacion di diferente grupo musical cu a haya fama no unicamente local pero internacional tambe, pero el a dedica hopi tempo tambe na forma otro hobennan cu e stimacion pa musica. "P'esey awe nos ta akinan. Nos a duna e famia un momento pa mira e edificio den formacion," Prome Minister Eman a indica. E edificio mester keda cla na juni y ta spera cu e apertura por tuma luga na juli. E apertura lo ta den luz di un MFA mas pa mehora e servicio pe pueblo di Savaneta. Na mes momento tambe un edificio di reconocemento pa historia y cultura di Savaneta. E diseño a wordo haci pe arkitecto di Savaneta sr. Thijsen y e directora ta di Savaneta tambe. E nomber di e edificio lo ta dedica na un persona grandi di Savaneta, esta Shon Lang van der Linde.

E edificio su meta principal ta pa ubica e servicionan di hulpbestuurskantoor, cu ta e servicionan principal cu e MFAnan ta duna. Cada MFA a wordo construi mas grandi cu unicamente pa duna e servicio di e hulpbestuurskantoornan cu a wordo traslada pa e MFA. Den cada un di nan ta buscando pa otro departamentonan di gobierno duna servicio. MFA na Noord y Paradera tambe tin Belastingdienst y e intencion ta pa Belastingdienst tambe bay na e MFA di Savaneta.

Banda di esey tin e interes por ehempel na Paradera a pone Sociale Zaken y na Savaneta tin e interes di diferente laboratorio, tin interes di e Polis di Bario di Savaneta pa ubica nan mes eynan. Tin interes di diferente departamento pa duna asistencia na ciudadano manera un loket huridico. Esaki lo bira un caminda ciudadanonna por bay pa haya asistencia huridico na momento cu nan ta sinti cu nan kier un contesta ariba un polemica huridico cu nan tin prome cu nan bay gasta placa na un abogado. Lo bay tin un loket cu lo bay wordo uza como pilot project y si e funciona bon eynan, probablemente nan lo pone un loket huridico na cada MFA.

Lo bay tin un biblioteca manera cu tin na Paradera y Noord, pero tambe lo bay tin un centro di computer eynan pa asina hobennan por haci nan diferente proyecto di scol. Tambe pa asina por haci otro trabounan di bario manera esnan cu tin asociasionnan deportivo of social di cual por haci uzo di e oficinanan di reunion y e oficinanan cu lo bay tin como meta pa facilita organisacionnan di bario.

dowers dowers dowers
dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter