Tuesday, 27 June 2017
Famia di Shon Lang (dfm) ta masha contento y orguyoso cu dedicatoria di MFA Savaneta Print E-mail
Thursday, 18 May 2017 22:03
Comparti

20170518 MinAZ MFA Savaneta Deica na Shon Lan vd Linden 000

Diaranson atardi varios miembro di famia van der Linden a haya un recorido di e instalacionnan, ainda den construccion, di MFA Savaneta. E impresion na final tabata uno masha positivo y cu ta añadi na e sentimento di orguyo cu ya caba e famia aki ta sinti

pa cu e proyecto. Manera a keda anuncia, Gabinete Mike Eman a dicidi cu e facilidad multi-funcional aki lo ta dedica na e gran Savanetero Shon Lang van der Linden, den felis memoria. Na final di e recorido a combersa cu Shon Lang su yiu muhe, e conoci cantante Yolanda van der Linden kende a expresa algun di su pensamentonan.

Oficina di Prome Minister Mike Eman pa medio di Ekipo di Maneho di MFA a extende un invitacion na e famia caminda varios yiu y tambe nieto a asisti. Previo na e apertura cu ta anticipa lo ta den luna di juli proximo, kier a mustra famia van der Linden con e Facilidad Multi-funcional cu lo carga nomber di “Cas di Shon Lang” ta bay y con e ta bay sirbi na e pueblo di Savaneta. ‘E ta hopi bon; tur loke nan a splica nos mi ta haya hopi bon mes, pasobra ta loke pueblo di Savaneta tin mester,’ asina Yolanda a comenta.

Nan por a mira unda ta bin cu un biblioteca, un area cu podium caminda muchanan por presenta musica y tene hopi otro evento. Tambe a indica unda ta bin cantina, sucursal di Belasting y diferente otro posibilidad di servicio. MFA’nan Noord y Paradera tambe a keda dedica na personahenan importante di e bario. Den caso di Noord, e MFA a haya e nomber di “Cas di Titi”, na honor di señora Titi Tromp. Na Paradera, a dedica e MFA na memoria di defunto Mito Croes cu “Cas di Mito”.

Shon Lang van der Linder ta merecedo di e honor aki paso el a dedica su bida na su bario y na musica. For di chikito, manera su yiu mes ta conta, e tabata core paranda di aguinaldo y paranda di dande den december, y un di su pasionnan tabata musica ranchera. E ta fundado di Mariachi Perla di Aruba y un hende cu a conoce Savaneta bon y tabata bon conoci den Savaneta tambe como un persona amabel y servicial.

Yolanda ta splica cu ainda no ta tur hende sa cu ta dedica e facilidad nobo na su tata, pero esnan cu si sa ta haya e idea uno hopi bunita, esta cu un yiu di Savaneta ta wordo honra asina. E idea di Gabinete Mike Eman semper tabata pa e MFA bira un parti central di e bario; no solamente den e servicionan cu ta ofrece, pero cu ta carga su esencia. P’esey a scoge a haci consulta cu e bario pa mira kico nan ta desea y tin mester, p’esey a busca un arkitecto di Savaneta den persona di Serge Thijsen y tambe e MFA su manager ta Kimberly Boekhoudt cu ta bin di e propio bario.

Yolanda van der Linden ta sumamente satisfecho y orguyoso cu e gesto aki. ‘E ta hopi hopi bon mes. Ami ta hopi contento, ya bo ta wordo honra como famia; e ta algo hopi grandi,’ el a bisa cu un sonrisa. MFA Savaneta ta e di tres MFA cu ta drenta den operacion y despues ta bin tambe Santa Cruz, San Nicolas y Dakota.

dowers dowers dowers
dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter