Tuesday, 27 June 2017
Dia 1 di juni proximo ta e ultimo dia pa entrega e declaracion di inkomstenbelasting 2015 Print E-mail
Friday, 19 May 2017 11:37
Comparti

Cesar  (9)

Departamento di Impuesto ta informa cu dia 1 di juni 2017 ta e ultimo dia pa entrega e declaracion di inkomstenbelasting 2015. Esaki ta valido pa tur cliente cu a ricibi e formulario di declaracion cu fecha oficial di otorgamento dia 1 di oktober 2016.

E fecha final di 1 di juni no ta conta pa e clientenan cu a ricibi nan formulario despues y pues tin un fecha oficial di otorgamento cu no ta 1 di oktober 2016. Manera conoci, e termino legal di 2 luna a caduca dia 1 di december 2016 y Departamento di Impuesto a duna prolongacion general di 6 luna. Dia 1 di juni proximo e termino di 6 luna ta caduca. Manera participa anteriormente, e prolongacion aki tawata pa un solo biaha y despues di 1 di juni 2017 no ta posibel pa haya mas prolongacion. E maneho aki ta valido pa tur cliente particular y nan conseheronan fiscal of oficinanan di accounting.

Ta recomenda tur cliente pa saca copia di nan declaracion prome cu entregamento y trece e copia tambe pa por stempel esaki. Asina e cliente lo keda cu su prueba di entregamento. Keda sin entrega e declaracion of entrega esaki laat, por nifica cu despues e cliente ta haya un boet na momento cu saca e cobransa definitivo. E boet ta minimo Afl. 250,- y maximo Afl. 10.000,-. Pesey ta importante pa entrega e declaracion di inkomstenbelasting y entreg’e na tempo y asina evita gasto innecesario.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter