Tuesday, 27 June 2017
Ultimo oportunidad pa haya ayudo cu yenamento di e formulario di inkomstenbelasting 2015 Print E-mail
Friday, 19 May 2017 11:38
Comparti

Cesar  (9)

Departamento di Impuesto ta informa cu su campaña pa yuda cu yenamento di e declaracion (aangiftebiljet) di inkomstenbelasting 2015 ta yegando su final. Den e dianan venidero Departamento di Impuesto lo ta na MFA Noord y YMCA San Nicolas.

Tur cliente cu ta cumpli cu e condicionnan pa ricibi ayudo ta bon bini y no tin mester di haci un cita. Kendenan por participa? 1. Tur persona soltero cu tin un entrada bruto di no mas cu Afl. 75.000,-; 2. Tur persona casa cu – hunto - tin entrada bruto di no mas cu Afl. 150.000,-. No por brinda ayudo na esnan cu tin un empresa propio of cu ta traha riba nan mes. Orario di servicio Fecha Sitio Orario 22 te cu 24 di mei 2017 y 29 te cu 31 di mei 2017 MFA Noord y YMCA San Nicolas 8:00 am - 12:00 1:15 pm – 4:00 pm Trece documento Departamento di Impuesto ta pidi su clientenan pa trece e formulario di declaracion hunto cu tur comprobante necesario relaciona cu entrada y gasto, tanto na Aruba como den exterior. Ultimo oportunidad Alabes Departamento di Impuesto ta informa cu e asistencia brinda cada luna durante e ultimo 6 lunanan no lo continua despues di dia 31 di mei. Esaki pues ta e ultimo oportunidad cu e clientenan tin pa por haya ayudo cu yenamento di e formulario di declaracion di inkomstenbelasting 2015.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter