Tuesday, 27 June 2017
Minister Richard Arends ta splica riba control estricto pa Canasta Basico y maneho nobo pa mas negoshi Print E-mail
Friday, 19 May 2017 19:25
Comparti

Richard 4

E canasta basico ta consisti di 16 producto, of loke nan ta yama Hoofdproducten. Tin derivado di cada producto y esey ta loke e prijsnan ta regula di cierto productonan cu ta cay bao di supervision di departamento di asuntonan economico

, segun minister Richard Arends.

Pa algun aña ta invirtiendo pa tin mas prijscontroleurs. Esta esnan cu ta bay fisicamente na e supermercadonan, pa mira si nan ta cumpli cu prijs. E focus di Gobierno ta bay ta esey. Pa por yuda e poder di compra. Gobierno ta kere den un control mas severo y estricto pa loke ta trata e prijsnan di canasta basico.

Pa loke ta trata ampliacion di esaki, a delibera cu departamento di asuntonan economico, pa mira e posibilidadnan y e proceso cu e tin cu cana pa loke ta trata ampliacion di canasta basico. Mester bay den dialogo cu e importadornan, pasobra obviamente ta limita e mercado liber cu nos conoce na Aruba, pero pa pro garantisa cu cierto productonan basico ta keda accesibel. Gobierno di Aruba ta considerando esey, pa wak di ki manera e control riba e productonan ey, di ki forma por ehecuta esaki un poco mas miho.

Mercado liber

Nunca no tin suficiente controlador. Si wak e 190 supermercadonan cu tin na Aruba, obviamente ta un trabao cu ta rekeri cu e controlador mes mester bay na e establecimentonan pa por controla esaki. Semper ta inverti den e forsa aki y esey ta un di e puntonan aki di e departamento di asuntonan economico ta bin cun’e.

Otro siman ta bay anuncia e vestigingsbeleid nobo, esta e maneho pa establece negoshi aki na Aruba, unda cu lo tin hopi mas control, hopi mas regulacion, unda negoshinan por establece na Aruba. Den cooperacion cu minister di Husticia, ta bezig ta finalisa e maneho aki y ta spera di anuncia esaki otro siman.

Limite

Segun minister Arends, ta bay midi e zona y tambe e cantidad di negoshinan cu tin caba. Ta bay midi e cantidad di vivienda cu tin den e zona. Ta bay amplia e lista di establecimentonan cu tin mester di un hindervergunning. Ta bay ampli’e cu supermercadonan, ta amplie cu bar y restaurant. Den futuro, tambe lo tin e rekerimento adicional aki pa por tin un negoshi, establece un negoshi cu por causa molester pa e vecindario.

Prijsnan regula

Tur e prijsnan di e canasta basico ta riba e website di departamento di asuntonan economico. Lamentablemente e productonan ta wordo modifica na un manera cu no ta cay bao di e definicion di pan blanco por ehempel. Esey ta na unda e loopholenan ta. Como minister, y tambe e departamento di asuntonan economico, ta bezig ta monitor, con pa ahusta esey mas. E minister ta para mas pa e productonan cu tin pa por controla nan na un manera hopi mas eficiente, no solamente e producto, pero tambe e meta cu kier yega cu prijsnan regular pa e productonan aki.

E prijsnan regula cu ta entre otro canasta basico, pero tambe prijs di webo di galiña y prijsnan di gasolin, ta inclui BBO y tambe BAZV, como tambe impuestonan di importacion. E tarea di departamento di asuntonan economico, pa controla esaki debidamente. E problema ta e 190 supermercadonan cu tin na Aruba, ta un pa un tin cu controla nan. Ta diferente otro asuntonan e departamento di asuntonan economico ta controla. Ta bay pa sector, unda ta controla tambe. Manera un establecimento ta cumpli cu su vestigings vergunning. Si ta cumpli cu e meta di vestigings vergunning.

Minister Arends, a splica cu e prijs regula, ta supuestamente inclui e BBO den dje.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter