Tuesday, 27 June 2017
Crane di APA ta halando su ultimo rosea pero diabierna atardi e tumbamento no a logra y lo purba diasabra Print E-mail
Friday, 19 May 2017 19:33
Comparti

IMG 4907

E crane cu tin para na waf di Playa, pa hopi aña a subi y baha miles di container. For di aña 1983 e crane aki tabata den funcion y diabierna lo tabata e dia cu e mester a disparce.

Por a mira cuanto hende tabata trahando for di mainta diabierna, cortando cierto partinan pa e wordo tumba.

Hopi hende tabata para rond pa wak. Caminda tabata cera tur rond, entre Citgo Boulevard te cu e Turborotonde banda di Wendy’s. Ta e camindanan secundario (binnenweg), ta loke ta wordo uza.

E crane a wordo tuma y despues corta despues como hero bieu.

Nos a papia cu Jossy Figaroa, director di APA, kende a conta un tiki di e historia di e crane aki.

Diabierna ta un momento emocional, specialmente esnan cu a traha hopi aña cu e crane aki. Por a mira hopi hende di APA cu a traha antes riba dje, pero tambe di Astec y pensionadonan, tur a bin tira un bista, na momento cu e crane, un icono cu nan a traha mas di 30 aña riba dje, ta wordo benta abao. Ya for di aña pasa, 15 di Februari, e no ta den servicio mas, ya cu a cuminsa haci e operacionnan na Barcadera, door cu a cumpra un crane completamente nobo. E crane aki ta basta bieu. A kere cu por a bend’e, pero no tin benta p’e. E ta obsoleto. Pa sak’e for di aki, pone riba barco y arm’e otro caminda, ta hopi trabao. E decision a bin pa tumb’e. Ni na APA ni na Aruba no tin experiencia pa tumbe. A tene un destaho publico caminda un compania a inscribi. A combersa cu e compania y a duna e compania e tarea siman pasa pa tumb’e. Nan tin algun hende di Hulanda cu nan, cu tin experiencia den tumba cierto cranenan asina. Pesey Figaroa tin confianza cu tur cos lo bay bon. Tur proyecto di e embergadura asina tin cierto riesgo, sea algo no bay bon. Manera cu a corte, toch e por tarda pa cay. Pesey mes a purba di elimina tur e riesgonan cu tin y no kier pa un auto cu ta coriendo riba boulevard haya un piedra riba dje, of algo bay robez of no bon riba waf. Pesey ta asina leu di e crane, pa ningun hende core riesgo.

E manager di riesgo ta cerca eynan y ta wak pa tur cos bay na ordo, cu prome cu tumb’e hala for di eynan y esnan cu ta trek e crane, ta cerca. Pa hopi hende e ta algo emocional pasobra nan ta mira algo cu nan a traha asina hopi tempo cun’e, cu e ta bay disparce for di nan bista.

E crane ta bay cay pa tera. No lo bay lage cay den lama. Si lage cay den lama, e lo ta dificil pa sak’e y lo stroba barconan pa drenta, pasobra e lo keda halto. A pone tera tambe pa suavisa e caida, pero esey no ta kita cu ta bay haya un trilling, un wave cu ta pisa y ta bay haya un zonido basta pisa cu tin hende lo kere cu ta manera un temblor lo sinti. Den e edificio no ta laga ningun hende eyden pasobra no kier core riesgo cu algo por pasa. A pidi tur hende cu ta riba waf tambe, pa aleha nan mes na un luga safe.

dowers dowers dowers
dowers dowers dowers

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter