Tuesday, 27 June 2017
Accion di control riba restaurant ta sigui Print E-mail
Friday, 19 May 2017 19:36
Comparti
 
 
 
 

IMG 4887

A tuma nota cu a tuma accionnan di control riba restaurant keto bay. Tambe a tuma nota cu a cerca varios luga. Jurette Croes

, funcionario na Departamento di Salubridad Publico, a splica cu en berdad desde luna di Maart, Departamento di Salubridad Publico, hunto cu Polis, DOW y Brandweer ta haciendo un accion. E intencion ta hacie rond Aruba. A cuminsa na Playa. Djey a pasa Santa Cruz y vecindario. Awor aki nan ta na San Nicolas y vecindario y e intencion ta pa caba na Noord, mirando cu e ta mas grandi y tin mas localidad. E controlnan ta encera tur localidad cu ta bende cuminda, of bebida na e comunidad y ta controla entre otro bouwvergunning, vestigings vergunning, brandveiligheid, esta siguridad di coriente y candela. Ta controla tambe e carchi berde (carchi di salud). Tambe ta controla e higiena en general y e localidadnan cu ta bende cuminda ta controla si nan tin un grease trapper (vetvanger). Esaki ta pa e localnan cu ta haci cuminda, pa nan por warda nan azeta bieu y wordo deposita na un manera safe despues y no cu e ta wordo tira den nos sistema di riolering.

E control ta bayendo hopi bon. Di e 303 localidadnan cu a wordo controla, 26 so a wordo cera. E motibo ta diferencia, pero toch a val op di e 26nan aki ta pa motibo di higiena. En general, comparando cu otro añanan, e control ta bayendo hopi bon.

Flexibilidad

Croes a splica cu nan ta hopi flexibel. Depende motibo di e ciere. Si ta pa vergunning of carchi berde, e por tarda un tiki mas. Pero si ta simplemente higiena, na momento cu e persona haci e luga limpi y e ta up to date, esaki ta wordo habri bek. E ta varia entre 6, 12 of 24 ora. Depende e gravedad.

Mester controla bek

Ta controla e negoshi bek si esaki a wordo haci limpi manera cu a wordo conseha y bisa con pa haci’e. Si esaki ta up to date, e ta wordo habri bek.

Bishita

Na e momentonan aki tur localidad na Aruba, ta wordo controla. Den pasado cada dos aña un control asina ta wordo haci, unda mas departamento ta uni. Pero normalmente durante aña, ta haci spotchecks. Pero control asina grandi ta cada dos aña. Ta papiando si pa haci esaki cada aña.

Tin diferente team. Ta departamento di salubridad publico, Polis, DOW y brandweer. Ta reparti esaki pa region. Cada distrito ta haya beurt. Ta calcula cu den 3 pa 4 siman ta keda cla pa e region di San Nicolas por ehempel y despues ta sigui pa Noord, cu ta un region mas grandi cu lo por tarda algun luna y ta calcula cu pa November ta keda cla pa full Aruba.

Carchi berde

Sa topa cu localidadnan unda cu tin hende ta traha sin e carchi berde. E ora e personanan tin cu bay busca su carchi berde y lamentablemente si tin un persona so trahando y no tin su carchi berde, e luga ta wordo cera.

Suficiente personal

Croes a splica cu cada team ta consisti di e diferente departamentonan. Un representante pa cada departamento cu ta representa un team, y tur ta sali pa controla pa dia.

Colaboracion

E colaboracionnan ta bayendo basta bon, como tambe e comunicacion. Nan sa pakico e team ta yega eynan y nan ta compronde. Na momento cu constata algo iregular, nan ta compronde tambe y nan ta haci nan maximo esfuerso pa drecha loke por ta no tabata bon y pa nan por habri nan luga bek. E contribucion y colaboracion ta bayendo hopi bon.

E doñonan di negoshi ta hopi up to date cu nan cosnan y e casonan cu ta haya tabata minimal.

E localidadnan cu a controla, ta contribuyendo y ta haci nan maximo esfuerso pa tene nan up to date.

dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter