Tuesday, 27 June 2017
Basta grupo of departamento tabata tin envolvimento pa preparacion pa tumba e grua Print E-mail
Friday, 19 May 2017 19:48
Comparti

grua

Por a mira basta dienst auto presente pa asina mira con e crane di container na APA ta wordo tumba. Asina mes esaki no a logra pasobra haciendo intentonan e kabelnan a los manera un lastiek bin bek.

 Tur compania cu ta traha tur dia cu APA tambe tabata cerca. Pero fuera di esey, tin brandweer, ambulance, pero tambe hendenan di DTI, IBSL, Directie Scheepvaart. Tur e hendenan cu ta kere cu di un of otro manera por yuda, a yuda. Tin polis maritimo tambe. Por a mira cu no tabata tin ningun borto cerca. Ta un boto di polis tabata riba awa pa percura cu ningun boto ta cerca. Ta bastante instancia ta envolvi cu e tumbamento di e crane aki. E no ta algo cu tin garantia cu tur cos ta bay bon. Locual cu a haci ta minimalisa tur e riesgonan cu tin cu algo a bay malo. Ta spera cu tur cos ta bay bon.

E pier

No por corta e crane na pida pida. Ta bay haya cosnan cu por bay cay robes, e ta cay di halto. Si laga un piesa grandi cay di halto, riba su mes, sin cu e ta proteha, tin cosnan cu por bay robes. E pier aki lo bay sigui uz’e, specialmente pa barconan hopi grandi. Eynan e lama ta hundo. Ta spera pa 2020/2021 lo bay haya e cruceronan mas grandi. Y eynan sigur lo bay ta prepara pa bay ricibi nan.

A calcula tambe cu lo por bay bin daño na waf. Pesey tin un seguro na e compania cu ta bay tumba e crane cu si algo bay robes, por cubri cu e placa ey. Esaki tin costo pa APA. Tabata tin un costo hopi grandi pero toch a logra bahe.

Cuanto tempo

Awe e crane lo wordo tumba. A bisa nan na prome instante cu lo kier basta luna pa haci’e. Oficialmente tin te fin di Augustus pa haci tur limpi, pero despues a combersa cu nan. Nan mes ta kere cu mucho mas prome, nan tin tur cos corta y hiba completamente for di e sitio. Despues cu nan bah’e, lo cera full e tereno. Business ta sigui manera custumber. Barconan ta sigui drenta. Ta asumi cu nada no lo bay sosode cu e waf.

Biento fuerte

E structura ta asina pisa, cu e biento lo bay stroba e trabao. Biento ta stroba si ta pa algo lihe, pero e structura ta pisa. E forsa di e biento no ta bay tin hopi efecto riba dje. A keda di sigui diasabra pa benta e crane abou ora e prome intento a bay robez.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter