Thursday, 20 July 2017
Ora cushina cu amor, tur cos lo sali bunita Print E-mail
Sunday, 16 July 2017 11:23
Comparti

071617ericdania 400x600
Chef de partie, Eric Dania, ta traha na Manchebo y e ta encarga pa maneha cu 2 cushina, unda cu e ta handle cu e cushina di mainta pa desayuno y merdia cu e parti di lunch di cual nan ta handle esaki di 12:00 PM te cu 5:00 PM.

Eric Dania ta traha den cushina pa motibo di su mama, kende semper el a mira cushina pero tambe door cu e gusta mira chefnan den cushina.

Eric Dania ta haci su trabou cu hopi amor, pasobra ora cushina cu amor tur cos ta sali bunita. Esey ta loke mas e gusta den e parti di cushina. El a cuminsa traha den cushina desde su 14 aña y awor ya tin 35 aña trahando den cushina.

E ta trahando na Manchebo pa 10 aña, Eric ta contento cu su trabou pasobra e ta den un ambiente di famia y e ta sinti su mes hopi bon den e compania. E ta spera cu esunnan di futuro tambe gusta loke nan ta haci den bida.

“Ta spera cu hotelnan duna oportunidad na muchanan hoben cu sali di EPI, duna nan un chens den bida pa nan haya algo pa cuminsa”, Eric Dania a expresa. Eric nunca a bay scol di coki pero ta mira kico nan ta haci pa asina e bira haci mescos y mas miho. Pa e motibo aki e ta duna e studiantenan oportunidad pa traha y si nan ta tuma e trabou na serio, esaki lo ta e marca cu semper lo bay dilanti.

Den oranan di mainta nan ta druk, Eric Dania ta pendiente pe buffet y ta riba e trahadonan pa tur cos bay bon. Atende e bishitantenan y mira kico nan kier, cumpli cu nan deseo pasobra bishitantenan ta e futuro di e hotel. Merdia e trabou ta continua unda cu ta traha den e cushina grandi den Pega Pega. “Esey ta mi baby, unda cu mi ta traha duro”, Eric Dania a expresa contento. E ta traha te cu 4:30 di atardi den e restaurant pa despues su dia laboral a termina. Pero prome cu e bay cas, e ta percura pa haci un show chikito pe bishitantenan keda contento.

Na e momentonan aki Eric Dania ta trahando cu 2 studiante cu ta coriendo stage cun’e y e ta percura pa pone nan traha, unda cu e ta mustra nan e tecnica nan di traha den cushina. Haciendo tur esaki Eric Dania ta percura pe studiantenan haya sa con nan mester traha den cushina, con lihe mester ta y con pa handle cu diferente caracter. E studiantenan cu ta trahando cu Eric Dania ta di EPI y nan ta biniendo di otro richting den cushina, pero asina mes nan ta siña cu Eric Dania kende ta percura pa nan siña haci e trabou manera mester ta.

“Semper mi ta bisa cushina cu amor, tur cos ta bay bon. No worry kico ta pasa pafo di bo cas haci loke bo ta haci den bo cas, kiermen si bo ta cana cu hopi amor den cushina, bo ta haci cu tur cuminda ta sali bon”, el a indica.

Aruba Hotel & Tourism Association ta masha orguyoso di talentonan asina y pa e motibo aki AHATA ta comparti e storia y e carera di Eric Dania den nan seccion di “Ami ta Turismo”.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter