Thursday, 20 July 2017
Sindicato SADA: Por fin por bisa cu Douane ta los for di Belasting Print E-mail
Sunday, 16 July 2017 14:59
Comparti

071617eduardmaduro 800x600

For di December tabata tin un situacion cu a presenta. Tabata tin mal contento y tabata tin diferente problema. Tin di compronde cu SADA a haya oido, a atende cu n'e y hasta tin un protocol hinca den otro cu tin cu wordo firma.

Eduard Maduro, presidente di sindicato di Douane, SADA, el a comenta cu a firma un protocol cu Minister Bermudez. Si bay bek den tempo, a cuminsa cu e anhelo, pa sali for di bao di Belastingdienst. Douane kier a para riba su mes den tipo di Status Aparte. Ora cu a tuma over na 2014, Maduro a comenta cu a hiba e discusion dilanti mirando cu na 2013, e minister e tempo ey, Mike de Meza a firma cu douane lo bay los entrante 1 di Januari 2013. Esey a sosode, pero despues di esey, mucho mas no a sosode. A keda na reunionnan. A trece esakinan dilanti, cada reunion cu e ministernan a trece dilanti. E minister a cambia na 2013, y tempo cu e minister di e tempo ey a sinta, a trece esaki na conocemento di dje, mirando cu no ta mucho cambio no a sosode despues di e loskoppeling. Te cu December ultimo, miembronan colega a dicidi ta hasta, mirando cu ta bayendo pa 4 aña cu Douane a los for di Belastingkantoor y no a sosode nada, pa loke ta functiehuis, salarishuis. Akinan ta caminda e coleganan e tempo ey a bisa ta basta. Tin cu cuminsa pone presion sino asina lo keda aña aden y aña afo. Na December a firma un protocol cu Minister Bermudez unda cu el a instrui pa forma un werkgroep, unda cu SADA ta forma parti di esaki hunto cu DRH y parti di leiding di Douane, unda cu den 6 luna mester a finalisa e trabaonan y presenta esaki na dje completo pa asina por discuti cun'e riba dje, pa asina yega na un acuerdo y pa ministerraad eventualmente aproba cualkier cambio den futuro di e functiehuis y e salarishuis di Douane. A bin algun contratiempo. Tabata tin reunionnan cu a wordo cancela den e lunanan aki, esey a haci cu el a loop uit un poco. Pa seis, casi shete luna largo a traha hopi intensivo. Bestuur di e sindicato a traha cu alma y cuerpo pa logra esaki, pa asina su miembronan por ta contento pa traha den un cuerpo cu a koppel los y a haya porfin balor den bista di Gobierno. Awor aki ta casi asina leu pa firma. Na final, ora cu bestuur a haya minister riba un liña, toch tabata tin algun cos chikito cu con cu bay bin bestuur mester acerca su miembronan, pasobra ta nan ta esun cu ta dicidi ki pa haci, ki decision pa tuma. Sindicato tin e trabao di sinta na mesa, bin cu presentacion y voorstel. Ultimo tabata tin un reunion extra ordinario cu su miembronan pa bin cu e ultimo detaye y ultimo decisionnan pa asina por informa e minister cu miembronan a tuma y a keda cla cu e proposicion y awor aki ta asina leu cu ta cla pa firma un convenio pa asina bin cu e ehecucion di locual a sosode y kico tabata e resultado di e werkgroep cu a wordo forma na Januari di e aña aki.

Beneficio
Maduro a splica di loke ta e functiebeschrijving, cual nunca tabata tin uno pa Douane acorda tanto pa sindicato cu pa Gobierno, pa nan ta un logro grandi. Den e ultimo añanan a bin mira cu leiding ta haci mal uzo di esnan cu rangonan mas abao y uzanan den puestonan unda cu rangonan mas halto mester fungi. Unda cu ta stroba y tarda pa bin cu opleiding, pa asina sigui promove e conocemento den e ambtenaarnan. Ta un parti hopi importante. Ora cu tin hendenan cu no tin e opleiding di por ehempel un rango mas halto y nan ta wordo mal uza door di leiding. Cosnan por pasa, cosnan cu por bay fout. No ta culpa di e ambtenaar, sino di leiding. Pasobra e persona, fungiendo como leiding gevende e momento ey, no tin e conocemento, experiencia y pa Sada ta un logro grandi, cu esey no por sosode mas. Pa awor aki, cada funcion ta mara na un descripcion. Cada rango, cada puesto ta mara na cierto rangonan. Ta haya cu e miho persona pa e puesto pa haci e trabao segun Maduro.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter