Thursday, 20 July 2017
Comision di Subsidio ta yuda organisacionnan cu ta cumpli Print E-mail
Sunday, 16 July 2017 22:32
Comparti

IMG 8173 Large

Ta algun dia caba cu algun federacion liga politicamente y otro politiconan ta purbando na crea un scenario den cual Gobierno no ta yuda organisacionnan deportivo pa biaha cu nan deportistanan den temporada di vakantie.

Ta saca potret di muchanan bendiendo rifa canto di caminda den solo, pa uza esey pa critica maneho di Gobierno relaciona cu subsidio di instancianan deportivo.

 

Kisas hopi di e politiconan hoben no ta realisa cu Gobierno desde hopi aña caba no ta subsidia ningun organisacion directamente sino ta haci esey via "subsidie commissie" cu ta haya mayoria di su fondonan via Lotto pa Deporte y tambe via Gobierno. Cu un directiva consistiendo di expertonan riba tereno financiero, deportivo y legal, nan ta percura pa tur organisacion cu ta cumpli cu raporta nan gastonan, pa subsidia nan plannan di henter aña.

 

Un di e rekisitonan ta tambe cu mester ta inscribi na Aruba Sport Unie (ASU) y na Comite Olimpico Arubano (COA). Claro cu nan tin un lista di rekisitonan cu cada organisacion mester cumpli cune pa por bini na remarca pa haya subsidio. Un di nan ta cu mester hiba un administracion transparente, mester hunga weganan serio na Aruba mes prome cu bula bay hunga afo y asina por sigui menciona.

 

Den e caso di Aruba Little League, debidamente nan a haya placa di Gobierno e aña aki. Dialuna merdia lo amplia cuanto placa total a otorga e organisacion. Den e caso di Pony League, esey ta un organisacion priva cu no ta afilia ni na Little League y cu no ta registra na Subsidie Comissie pasobra no ta cumpli cu reglanan di ASU y COA.

 

Di parti Gobierno por bisa cu, danki na esfuersonan di Minister Alex Schwengle, cu a renogocia e acuerdo cu Canadian Bank Note di Canada, e compania cu ta opera Lotto pa Deporte na Aruba, cu nan a haya 2 miyon florin mas pa por bay den subsidio, riba e 3.5 miyon cu ta duna tur aña caba. Tambe a regla pa ora Lotto tin "surplus" cu esey tambe ta refleha den e suma cu ta entrega Subsidie Commissie tur aña.

 

Un otro logro historico ta, cu entrante dia 1 di januari 2018 ta comberti e comision di subsidio di Gobierno den un entidad huridico nobo, como un fundacion. Te cu awor nan tabata un comision, sin un identidad huridico, pero cu ta maneha miyones pa aña den nomber di

Gobierno. Nan ta un comision independiente di politica, pa garantisa cu clubnan deportivo ta cumpli cu reglanan bon stipula pa ricibi subsidio.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter