Thursday, 20 July 2017
Julie de Cuba: Aruba su calidad di enseñansa mester un boost urgentemente Print E-mail
Monday, 17 July 2017 09:03
Comparti

Cesar  (9)

E partido blanco, ReD Democratico ta e partido cu ta para na tur momento pa derechonan humano. E grupo di nos comunidad cu sin mas nos ta para pe ta nos hobennan. Tur mucha tin derecho riba educacion. Na scol pero tambe na cas. No ta importa si e ta legal of ilegal. E punto ta cu e ta un mucha. E no a pidi pa ta ilegal.

Ademas ningun sociedad ta gana algo cu mucha y hobennan analfabeto of sin scol. Esey ta traha cuna pa criminalidad. Nengando e mucha y e hoben su derecho riba educacion ta bai contra mi consenshi, mi sentido di ser mayor y di ser un Arubiano husto. Pero atrobe e otro banda ta cu e mucha Arubiano no mag wordo perhudica. Scolnan no mag bira demasiado grandi. Dor di yena klasnan cu mas di 30 mucha automaticamente e calidad di enseñanza ta baha. Of nos muchanan no por bai scol den nan mesun bario. Costo di material y mantencion di scol ta subi y ta come parti grandi di e presupuesto pa enseñanza. Cual ta destina primeramente pa hisa e calidad, pa inverti den upgrading di e maestro y docentenan. Pa mehora e curriculum y stimula creatividad na scolnan pa haci e enseñanza mas bibo y actual. Pa e.o. crea fondo di buki y implementa Club Escolar den futuro sercano. Pa zorg cu e leerplicht ta ser respeta y cu tin control estricto. E solucion pa menos mucha of hoben ilegal na Aruba ta simpelmente di zorg pa mihor control riba entrada di stranhero y boetnan pisa pa hendenan local of propio paisanonan cu ta cobtribui y hasta gana placa cu trece hende aden ilegalmente cu tur su consequencianan pa nos mes muchanan. ReD Democratico den su programa di gobernacion bow di e punto III. ENSEÑANSA ta fiha e.o. cu: Enseñansa ta un derecho universal y constitucional. Pesei educacion ta un di e puntonan cardinal cu ReD ta duna contenido husto y sincero na dje. Educacion ta fortifica e recurso primario mas importante cu pais Aruba conoce, su hendenan. Educacion ta e fundeshi cu ta brinda un base structural y sano na nos muchanan, nos hobennan y como tal na nos comunidad y su futuro.

E nivel averahe di educacion di pais Aruba ta abao compara cu e paisnan mas desayora. - Minimal 6% di nos entrada bruto nacional lo keda destina pa enseñansa conforme recomendacion/ exigencia di UNESCO; - ReD lo determina y destina un percentage fiho, mas halto cu 6%, pa 5 aña largo, unda e falta di inversion pa añanan largo den enseñansa lo keda corehi. Despues esaki por keda 6%. Y lo studia e modelo escolar di Finlandia cu ta uno hopi inovativo y exitoso; - Duna Papiamento su lugar mereci den enseñansa, banda di otro idioma; - Duna scolnan (publico) mas autonomia riba maneho di finansas; - Implementa maneho di ‘Calidad Total’ na tur scol (inspeccion di Enseñansa); E programa ta extenso. Y locual ta sigur ta cu cada nivel di enseñansa lo haya atencion: scol preparatorio y basico; enseñansa secundario, profesional, superior, especial y scol pa adultonan. ReD ta di opinion cu inovacion den enseñansa no por sosode sin tecnologia di informacion y comunicacion. ReD ta boga pa introduccion integral y cu prioridad di ICT den enseñansa: recapacita tur docente/ maestr(a) riba uso di computer den enseñansa y tecnologia moderno cu a bira indispensabel. Cada docente mester dispone di un computer (notebook/laptop) na scol. Mester percura cu na scol e muchanan por dispone di un notebook /laptop. Esaki sinembargo por ta e caso solamente despues di prepara e infrastructura di scolnan y pone e exigencianan aki, e.o. proteccion contra robo, instalacion di corriente adecua. Beca di calidad: Tur aña ta duna beca di estudio entre otro den ramo turistico/ hospitalario, salubridad, industrial – petrolero, financiero-economico, international business, social-cultural como incentivo pa e miho studiantenan di Aruba. E becanan por ta pa estudio na Aruba mes tambe. Esaki lo tin efecto positivo ariba esfuersonan escolar di estudiantenan y a lo largo pa nos comunidad.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter