Thursday, 20 July 2017
Via vrijmaking mayoria di e placa ta drenta den caha di Gobierno Print E-mail
Monday, 17 July 2017 13:54
Comparti

Cesar  (9)

Tur hende ta contento cu cierto areanan di trabao cu Douane ta haciendo, pero e parti di vrijmaking tin un dolor. Akinan ta caminda cu mayoria di e placa ta drenta caha tambe. Segun Ricky Croes, director di Douane, akinan berdad gran placa ta drenta caha di gobierno y akinan tin cu pone mas control riba dje, mirando cu e riesgo ta mas grandi.

Ta trahando cu un risk analyse team cu ta drecha riba e risico y wak pa esunnan cu tin menos fout, por haci nan trabao sin Douane. Ta trahando riba e parti eynan. Pero tin cu bisa tambe cu pronto lo haya un lichting di Douane nobo y cu esey, manera cu drenta, por haya verschuiving den Douane, pasobra tin un grupo cu a caba di caba cu nan curso di Hoofdcommies y den vrijmaking mester di hoofdcommies pa traha. Manera cu e grupo nobo drenta y cu e grupo cu a caba cu nan curso, por duna un miho servicio eynan. Tin mas compania ta keha Awor aki tin mas compania, economia a crece y tin biaha ta frustrante cu tin companianan cu tur dia tin nan Douane cla. Awor aki tin mas compania, mas hende ta importa, etc. Segun Ricky Croes en principio nan ta pagando Douane awor aki, pero tin cu bisa cu si economia ta crece y tanto Douane ta keda mesun cos, e ta bira poco dificil. Esey ta motibo pakico ta introduciendo mas hupmiddelen pa por yuda nan pa haci e trabao miho. Naturalmente si e brokernan mes por haci nan trabao miho, den e sentido yena nan aangifte bon, deliver e factura manera cu e mester ta, pasobra hopi biaha nan ta haya factura cu no ta cuadra, inclui tur e gastonan cu mester wordo inclui den dje y entrega nan aangifte bon, e ora nan por bay hopi mas facil y hopi mas lihe, pasobra cu Douane por haya un confiansa den nan cu a pone cu nan por haci nan trabao sin Douane mes. E otro parti E otro parti ta cu nan ta evaluando tur e entrepeauxnan cu nan tin. Awor aki tin 27 entrepeaux y tin mas of menos un promedio di 17 container pa dia.

Esey ta pone un presion hopi grandi riba Douane, pero si evalua e entrepeauxnan y wak ken tin mester di dje, ken no, pasobra entrepeaux ta pidi Douane pa nan tey constantemente eynan y si trece esey bek, por haya mas hende liber pa asina nan por haci e vrijmaking di container, segun Croes. Scan Croes a comenta cu a planea scan di container bon, di modo cu e containernan cu ta homogene containers, esunnan cu tin solamente un producto den dje, ta pasa den scan. Y una bes cu pasa den e scan y si mira cu e ta bon, no ta bay tin ningun problema cun'e mas. E comerciante ta saca cu container for di waf y practicamente eynan mes por maak'e vrij. Eynan mes por descarg'e, pasobra cu e container scan, tin un vrijmakkersambtenaar trahando eynan caba, kende ta haciendo un bon trabao y ta mira e container y si no tin nada straño, e ta maak'e vrij di biaha for di waf caba. Esey ta nifica cu unabes cu e wak den e aparato di scan y no mira nada, e no ta pone un seyo riba e container, e ta sali bay y e container ta liber. Esey ta pasa regularmente. Vooral e containernan cu tin un solo producto den dje, of te dos pa tres y esunnan cu e companianan cu ta participa den VCP, tambe ta haya nan vrijmaking via e scan y ta alivia e trabao basta na vrijmaking. Scarsedad Por mira dos manera. Scarsedad di Douane y e economia cu a crece. Nan dos mester bay hunto

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter