Thursday, 20 July 2017
Seleccion hubenil di tenis di mesa lo competi den e 59th Caribbean Senior Table Tennis Championship na Havana, Cuba Print E-mail
Monday, 17 July 2017 15:03
Comparti

Cesar  (9)

Diadomingo mainta e seleccion hubenil masculino den e deporte di ping pong a sali pa Cuba unda nan lo competi den e di 59 edicion di e campeonato senior di Caribe. E dianan di e campeonato lo ta di 18 pa 23 di juli unda nos hungadornan lo midi forza contra e mihonan den The Sports City Coliseum caminda e weganan lo ser hunga.

Mester bisa cu un total di 13 pais a confirma nan participacion na e campeonato aki. Nos seleccion lo bataya contra di e propio Cuba, Republica Dominicana, Puerto Rico, Babardos, Jamaica, St Lucia, Martinique Trinidad and Tobago, Guyana Frances, Guyana,  St Kitts and Nevis. E atletanan cu lo representa Aruba ta Ching Ho Chung, Johnathan Paredes, Jean Claude Hoek y Jean Pierre Helmeyer mientras e coach lo ta Rudy Ragga. Mas cu claro e campeonato aki lo sirbi como un preparacion pa e di dos edicion di e Weganan Sur Americano Hubenil cu lo tuma lugar den luna di september na Santiago de Chile.  E deporte di tenis di mesa a conoce un bon desaroyo y ta mira un adelanto den tur nan atletanan hubenil.

Algun luna atras Chingho Chung ta logra un di dos lugar den e Caribbean Table Tennis Championship na Georgetown, Guyana. Den e categoria U15, Chingho Chung a caba como e number dos den henter Caribe,cual sin duda ta un prestacion di kita sombre. Asina nos por mira cu e federacion di tenis di mesa ta trahando duro na e progreso di nan atletanan. Un danki sigur na Lotto, e Loteria di Aruba pa medio di Comision di Subsidio cu a subsidia e biaha di e delegacion di tenis di mesa pa e 59th Caribbean Senior Table Tennis Championship na Havana, Cuba. Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter