Thursday, 20 July 2017
Little League Softball a sali cu delegacion femenino pa Guayama, Puerto Rico Print E-mail
Monday, 17 July 2017 15:07
Comparti

Cesar  (9)

Diadomingo e seleccion femenino di softball Little League a sali pa Guayama, Puerto Rico unda nan lo representa Aruba den un torneo internacional cu mas pais den nos region participando. E torneo ta uno Latino  Americano y nos seleccion di softbol femenino lo mester bataya contra e miho paisnan di nos region pa e titulo maximo den softball femenino.

E seleccion ta consisti di e hungadornan Nikkaela Jacobs C, Ashia Kingsale I /P, Rachella Sewdajal I, Xiorcaniyx Vargas Jimenez C, Shatienne Kock P, Zjaika Kock P, Anchell Statie P, Ilajay Tromp I, Zoe Emer O, Elianne Tromp P, Yolaisha Ridderstap O, Keyla Cham O, Yee Mei Cheong P, Sanella Krosendijk P. E seleccion tin varios luna ta prepara pa e torneo aki y ta premira cu lo duna un bon resultado. Pa e deportenan colectivo e ta importante pa durante torneonan internacional midi nan mes cu lo demas den nos region. Ya pa varios aña e seleccion di softball femenino ta participa na e torneo Latino Americano. Esaki ta pone tambe cu cada bes e seleccionnan ta bay mas miho prepara pa e competencia internacional. Un danki sigur na Lotto, e Loteria di Aruba pa medio di Comision di Subsidio cu a subsidia e biaha di nos softbolistanan femenino pa e Little League Softbol na Guayama, Puerto Rico. Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter