Thursday, 20 July 2017
Awe 18 di juli MEP ta recorda e di 28 aña di fayecimento di un gran politico Arubano, Daniel Leo Print E-mail
Monday, 17 July 2017 16:43
Comparti

Cesar  (9)

Awe 18 di juli ta exactamente 28 aña pasa cu Aruba a wordo sacudi ora cu e noticia tristo a yega for di Venezuela cu co-fundador di MEP y gran politico Arubano, Daniel Leo a bay laga nos. E fayecimento repentino aki a sosode un siman despues cu el a sufri un derame celebral, net riba e fecha di su cumpleaños.

Daniel Leo a nace dia 11 di juli 1938. Na bida e tabata diputado di Teritorio Insular di Aruba, miembro di Parlamento di Antiyas y miembro di Conseho Insular di Aruba. Na momento cu Daniel a fayece e tabata ocupa e funcion di Ministro di Asuntonan Economico y Turismo den e prome Gabinete Oduber. Bao di su maneho como diputado Daniel Leo a cuminsa diversifica e mercado turistico cu destinacionnan manera Brasil, Colombia, Venezuela, Argentina, unda a triplifica e cantidad di turistanan. A habri oficinanan di turismo na Canada, Atlanta, Miami, Argentina, Brasil, Europa y Puerto Rico. Tambe el a funda e departamento LVV (Santa Rosa) pa promove agricultura, cria y pesca. Daniel Leo tabata pionero den e sector aki, caminda el a laga coba damnan rond Aruba pa stimula e sectornan agricola y di cria. Daniel a inicia tambe cu e proceso pa manda pashentnan pa tratamento medico den exterior, e.o. pa Hulanda, Colombia, Venezuela y Merca. Daniel tabata identifica su mes cu e homber humilde den comunidad. Un persona cu semper a preocupa pa esnan di menos recurso y especialmente e personanan cu cierto limitacion. Daniel tabata un di e lidernan di promer ora kende semper tabata para banda di nos libertador Betico Croes den su lucha pa Status Aparte. Como muestra di aprecio y reconocimento pa tur loke el a haci pa nos pais, Gabinete Oduber a duna e plaza den centro di Oranjestad e nomber di Plaza Daniel Leo, caminda un y tur por admira tambe su busto y p’asina tene su memoria bibo den comunidad. Daniel su espirito di lucha, dedicacion y lealtad na nos partido lo keda semper graba den nos curason. Cu Daniel sigui sosega na paz den Reino di Señor.

dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

security image
Write the displayed characters


busy
Comparti
 

Connect with Us

Newsletter