| Carl Maduro: Cantidad di pasahero cu ta biaha cu Copa Airlines a aumenta desde 2009 |
 |
 |
| Friday, 18 February 2011 14:13 |
COPA Airlines desde 15 di December 2008 ta bulando pa Aruba. Cu cuater vuelo nan a cuminsa y desde 2009 e cantidad di pasahero a aumenta bastante for di Sur America y Panama cu awor aki cuminsando dia 15 di juni, 2011, lo bay aumenta su vuelo cu un frecuencia mas pa siman. Esey a nifica cu mester aumenta e vuelonan na cinco pa siman. Copa ta haya pasaheronan di Panama, pero e Mercado di Copa Airlines pa Aruba ta bin hopi di Sur America manera Buenos Aires, Argentina, Chile, Brazil. Tin un mercado hopi grandi for di Sur America y tambe for di Colombia.. E Mercado pa Costa Rica tambe ta grandi for di Aruba y vice versa via Panama. Tin hopi studiante cu ta haci uzo di e vuelonan como tambe nan famianan. E mercado di Costa Rica ta un mercado hopi grandi pa Aruba. Tin hopi persona for di Colombia cu ta haciendo uzo di Copa Airlines. Carl Maduro supervisor di Copa Airlines den un entrevista a splica kico esaki ta nifica. Copa ta tene hopi na cuenta e servicio pa su clientenan. Esey ta algo hopi importante. Pa Aruba en general tin cu duna un bon servicio. Den esey Copa Airlines ta lider. Tin bastante comerciante cu ta bula for di Aruba pa bay Panama pa trece nan productonan y alabes tin tambe for di Curaçao tin negoshantenan ta bula cu Copa pa Panama. Nan ta bay na e Duty Free Area na Colon y pa trece nan mercancianan via e departamento di cargo cual posibilidad ta wordo ofreci pa trece mercancia for di Panama pa Aruba y tambe for di e otro destinonan cu Copa ta bula. Panama tin hopi pa ofrece. E ta un pais hopi grandi. Hopi biaha ora papia di Panama, hende ta pensa mesora riba compras, cu e luga ta hopi barata. Panama tin area hopi bunita di naturalesa tambe cu por bishita. Sigur pa bishita e pais aki tin hopi opcion.
|
Mustra/Kita e formulario di comentario
