| MeNu TV Show ta cuminsa dialuna awo na ATV |
 |
 |
| Friday, 06 May 2011 17:25 |
 Dialuna awo, tur televidente di ATV canal 15 lo ricibi un treat, pa exactamente 8.30 di anochi. Pone bo canal na 15 na unda lo por sintonisa e prome show di entretenimiento y cushinamento; MeNu [me and you]. Un cara hopi conoci lo join e programa aki, cu ta Chef Lie Kwie. Lie Kwie ta un chefkok professional y tambe un entrepeneur, kende tin su mes un restaurant na Santa Cruz pariba di Sporthall bou di nomber KIRU KEDA. Lie Kwie ta bek na TV cu su carisma y energia pa asina demostra tur e televidentenan su pasion cu e tin pa cushinamento. E biaha aki lo prepara platonan delicioso y facil cu lo por wordo traha pa cualkier persona. Asina grandi y chikito por impresiona famia, amigo y conocirnan pa cushina manera un chef professional.Vanessa y AJ ta 2 profesional joven cu a join e show aki pa asina informa e audiencia riba diferente topico interesante. Nan lo duna tips, educa y demostra tur cos cu ta na moda pa usa den cushina, den hogar pero tambe nan lo toca temanan interesante di e bida diario. Cada 30 minuut di MeNU ta priminti di ta bira un verdadero experiencia culinario na unda cualkier persona cu of sin experiencia den cushina lo por traha e recetanan aki. Durante e show tambe lo tin un segmento specialmente prepara pa tur esnan cu ta desea di siña/obtene recetanan y tipsnan mas saludabel. E recetanan aki lo enfoca riba uso di ingredientenan manera canola oil cu tin 0% trans fat y sin cholesterol, berdura, fruta y tur cos cu ta non-fat of reduced fat. Un danki special ta bay na Kraft Foods, Hunt’s, Wema Home and Hardware Store, Veneta Cucine, Ling and Sons, Topcar,Perry Ellis y Hair Factory by Alex cu sin nan e programa aki no lo ta posibel. Pa mas informacion agrega MeNu tv show riba facebook pa tur e recetanan presenta den e programa of e-mail info@menutvshow.com pa cualkier pregunta of comentario. Compaña Chef Lie Kwie , Vanessa y AJ dialuna awo pa 8.30 pm na ATV canal 15!
|
