|
Dia di Tata den Caya cu MAMBO & Classic Cars |
 |
 |
|
Thursday, 16 June 2011 19:42 |
Diasabra awor, 18 di juni 2011, MAMBO ta organisa un grandioso celebracion di dia di tata den Caya Principal di Oranjestad. Lo tin e acostumbrado "side walk sale" unda mayoria tienda miembro di MAMBO ta pone nan mercancia pafor bou di tent, y ofrese nan regalonan pa papa cu hopi bon ofertanan. Caya lo ta sera pa trafico te cu 8'or di anochi.
Tatanan di Aruba semper mester algo special tambe, y conhunto cu Classic Car Club Aruba (CCCA), MAMBO ta organisa un bunita auto show cu autonan classico. E show mes ta tuma lugar na dos sitio, for di 2'or di atardi dilanti Aruba Trading, unda pa 4'or e autonan lo sali den un parada, pasa rond y drenta caya bek bai para banda di Djiespie's Place te cu 6'or di atardi. E auto show lo ta acompanja pa bon musica cu banda live di "Tico y su estrellas, y "Tipico los Amigos" di nos amigonan Hernandes. Classic Car Club tambe lo estrena na uniform nobo durante e show aki. MAMBO ta invita pueblo en general, pa bin cumpra nan regalo pa papa den caya principal di Oranjestad, y trese papa bin wak e autonan classico. |
