| Aeropuerto di Bonaire a keda expandi cu un pista grandi, espacioso pa acomoda vuelonan entre islanan ABC y di exterior |
 |
 |
| Monday, 29 August 2011 13:56 |
Den su calidad como director di Tiara Air, Sr. Alejandro Muyale a expresa su satisfaccion pa mira e resultado di e ampliacion di e pista di aterisahe di Aeropuerto di Bonaire. Ta trata aki di un aeropuerto di 3190m, cu ta un di e pistanan mas grandi den e area di aki banda. Sr. Muyale a bin duna sosten na e aeropuerto y comunidad di Bonaire cu nan habrimento di nan pista nobo. Tin cu bisa cu tabata un proyecto di mas of menos 6 luna cu toch a afecta e operacion di vuelo. E aeropuerto tabata cera pa 5’or di atardi. Pero awor e storia ta diferente cu e conclusion di e proyecto di e pista. Bonaire por ta orguyoso di dje awe. Segun Sr. Muyale, tin cierto planes cu e oficina di turismo di Bonaire pa crece. Siendo un isla, ta cu avion e turistanan ta bin, p’esey a dicidi di inverti den un pista nobo. Aeropuerto mes kier bay haci cambio den nan infrastructura, segun Sr. Muyale ta comenta. Tiara Air ta bulando 9 vuelo pa siman. Hopi hende di Aruba y Bonaire ta uza vuelonan di Tiara pa asina conecta cu Bonaire. Pronto Bonaire y mirando e desaroyonan despues di 10.10.10, cos lo bay cuminsa cambia hopi eynan y ta positivo pa esey. Tiara Air lo bay sigui crece cu Bonaire tambe, segun Sr. Muyale. |
Mustra/Kita e formulario di comentario
