|
Maria Eugenia Valencia, for di e Departamento di Pisca, a conkista e titulo di Reina di Carnaval na Ling & Sons IGA, diabierna ultimo, durante un di e eleccionnan mas entretenido di aña, cu un shimis traha di cup plastico recicla!!
Miembronan di hurado a inclui e cantante campion Valentino King, y Aruba su mesun famia real di Carnaval, esta e Reina di Carnaval y Señora di Carnaval Hendenan local y turistanan a keda encanta cu e ambiente, e creatividad, y e alegria di bida cu a pone e supermercado gigantesco tembla for di vloer pa plafond! E parada di carosa di supermercado y carosa di producto decora tabata inolvidabel. Pabien na tur esnan cu a participa: Ganador Maria Eugenia Valencia, Departamento di Pisca, y finalistanan Julia Kemp, Departamento di Fruta & Berdura, Janine Boekhoudt, Merchandiser, Vileyka Adamus, Accounting, Luz Amparo Niño Vallejo, Cushina, Nathaly Tromp, Departamento di Carni, Damaris Ellis, Cahera, y Patricia Tromp, Panaderia. E Supercenter Prins & Pancho pa 2012 tabata Prins Delbert Kock y Pancho Neil Thijsen, kendenan a asisti e festividadnan tremendamente, segun Marlenne Maduro, Gerente Asistente di Ling & Sons IGA.
 |
Mustra/Kita e formulario di comentario
