| Eleccion di Reina Scol Caiquetio |
 |
 |
| Tuesday, 21 February 2012 16:43 | |||||||||||||||
 Cura Cabay, Aruba - februari 17, 2012 - Scol Caiquetio e aña aki a celebra Carnaval den forma di un eleccion di reina. E tema cu a uza ta reciclahe. Cada klas a scoge un material reciclabel pa crea e shimis di nan reina. E material uza tabata corant, napkins, bleki, revista, saco di sushi, saco di plastic, saco di chips y pipa(straw). E resultado di e diferente shimis tabata fabuloso. Un creacion di berdad masha bunita loke e reinanan a presenta. E ganador di e miho disfraz tabata Jay-line Rasmijn di grupo 2. Den categoria infantil Ashia Kingsale di grupo 3 a sali di dos finalista, mientras Stacey-Ann Kock di grupo 1 a sali prome finalista. Jay-line Rasmijn cu a gana e premio di miho disfraz tambe a bira reina infantil di Scol Caiquetio. Den categoria hubenil Sulima v/d Berg di grupo 6 a sali di tres finalista. Di dos finalista a bira Taisha Pietersz di grupo 4B, mientras e prome finalista a bira Charlain Celaire di grupo 4ª. Rilchmely Quant di grupo 5 a sali reina den e categoria hubenil. Un pabien tambe pa e prins y pancho di Scol Caiquetio Jonairo Quandt (Prins) y Shamir Figaroa (pancho) cu a hasi un tremendo trabou. Scol Caiquetio por mira bek na un actividad sumamente exitoso durante cual por a wak e creatividad y fantasia di cada un cu a yuda na crea un shimis pa nan grupo. Un danki na un y tur cu a colabora cu Scol Caiquetio, e.o. Tante July Boekhoudt(MC), Zanya Tromp (cantante di tumbertito), Quincey Hassham ( cantante di roadmarch) y e banda ‘Master’ cu a percura pa e musica y jump up pa e muchanan. Danki tambe na e mayornan pa nan cooperacion y presencia na scol. Pabien na tur e reinanan y maestronan di Scol Caiquetio.
|
Mustra/Kita e formulario di comentario
